2007年 09月 08日 ( 1 )

亞視下個月換風水台徽

巴伐洛堤既死已經突然嫁喇,想唔到死左唔夠兩日連葬禮都咁快就舉行,我估計佢都可以又打入健力士記錄嫁喇!巴伐洛堤既面子真係好大囉,全意大利電視台同埋BBC都現場直播成個儀式。聯合國前秘書長安南(Kofi Atta Annan)、意大利總理等通通到曬,連教宗本篤十六世都有唁電到!成個過程我睇曬,感覺最正就係祝福禮之後播出早年佢同佢阿爸既演唱之後全場(包括教堂外面)鼓掌達3分鐘;另外一個畫面就係當巴伐洛堤既棺木移離教堂時,意大利空軍響教堂上面飛過,仲要噴出有意大利國旗象徵既綠、白、紅三色。

亞視半世紀九度易主,三換台徽,今次希望憑全新形象,與TVB抗衡,誓把弱勢扭轉!響下月既今日,新台徽就會掛上,同日亞視更會在電視畫面,播出新台徽一系列的短片,與觀眾見面。

新台徽最大突破是採用了橙紅色的小楷「a」字作為主體,形狀是由無限符號Infinity引發出來,取其電視節目創意無限,而「a」字則代表「asia」(亞洲)及A級(最好)。

1982年邱德根年代的「金錢」台徽,至89年的林百欣年代的「風車」台徽,今次換風水台徽絕對與業績有關。林百欣年代的台徽(即係而家用緊戈個)被風水師指似三色絲帶糾纏不清,所以債務纏擾,新股東知亞視有這個風水「不足」,為斬斷窮根,才作此決定。

見到肥姐出院,我好開心呀,因為近尼幾年成日都有好多巨星不幸地離開我地,所以我希望肥姐都無事!不過,肥姐拖著既欣宜個外籍男友,我就覺得怪怪地囉!點解欣宜唔拖著自己個阿媽呢?話曬自己阿媽出院播!莫非佢地已經好事近?因為肥姐願意拖著佢,就證明左已經承認左嫁喇。

仲記得早幾日我響日記度提過既有線性騷擾案嘛?今日睇報紙就有個好既消息,就係有關既女主播向警方報案喇!根據《明報》報道:「趙應春當時表示,約1年多前開始遭受電話及電郵滋擾的員工,包括港聞主播劉紫鳳、張曉雯、王靜茵、財經主播冼潤棠、潮流旗艦站主持鄒文妮、另一名財經主播及1名幕後導播,不過,後經警方調查,發現受滋擾的女主播人數其實有更多,目前已有14人報案。」救命呀!戈個係咩人黎嫁?你竟然響年幾裡面向14個女主播下手?我好希望警察會查出係邊個囉。

其實我都唔明點解佢地14個(指受害者)到而家先向警方報安囉!你地係唔係認為警方「做唔到野」呢?怕咩呢?如今已經報案係好既里程碑,不過我覺得你地既「行動」已經遲左喇!如果唔係既話,受害者會有咁多呢?

by agostinho | 2007-09-08 21:15