人気ブログランキング | 話題のタグを見る

Macau Travel Trip with Patrick and Andison - Day 2

今日是行程的第二日,我地既早餐都變左做「中午」了,勁!首先,我地響福隆新街既祥記度食,尼間野唔好睇小呀,係米芝蓮的38間推介之一,所以都應該有返「咁上下份量」。祥記,是澳門的食店中都可以稱得上是老字號了,最少都有50年的歷史!祥記的「招牌」就是蝦子麵。一個麵餅以及好多既蝦子遍佈在一個麵餅之上,可能你會覺得無咩特別,但在用料上真係足料了。

蝦子麵之後就行上小小,去到福隆新街既最高峰既「譚家魚翅」黎個翅餐。我地點左三樣野——津白、走佬飯同埋「主菜」翅。先講津白,佢配以濃汁是不錯之選,但因為係「即叫即整」,所以津白唔夠「林身」,但整體上都好好味;走佬飯就真係整得幾好,但不就私下因為開始飽就無食得咁多,但味道是幾特別的;至於翅身為主角就真係得既,但個湯底就唔夠「稀」,成為敗筆的關鍵之處。

儲備了足夠的能量就是遊玩的時間了!第一站就是新開張的MJ紀念館。MJ尼個紀念館相信是全亞洲地區的第一個了,而尼個館的設立都因為去年年底有關代表在美國成功拍賣而得到既手套而開張。MJ紀念館雖然是較想像中的細小很多,而且可以紀念的物品都唔多,可以該是不成功的地方,又加上它是通向娛樂場,好似有點怪怪的感覺。

黎完個MJ館之後就向大三巴出發了!我地先去到戀愛巷上去舊城地帶,然後響大三巴度上去大炮台,登上澳門第二個最高峰。同尋日一樣,個感覺都是一樣,只是新口岸區的發展過快了。之後我地就落山,又係響starburgs度坐,跟著我就「離隊」了。

「離隊」之後就飛返Taipa官也街既「粗菜館」了,因為約左Erica同Rita佢地黎個牛年的最後一餐,不過用2010年的第一餐好d。雖然無見兩個幾月,但我地都一樣咁close,可以講到野,如此既舊同事真係難得、難得。講返餐飯啦,d野都叫做過得去,但惟獨是員工的溝通好差囉,而且叫既野都等好內先黎(最內戈個都要等左個幾鐘仲要黎錯)。食完飯之後就等Patrick返Taipa;我地就黎個糖水時間之後,返上酒店講下野,又幫下Patrick一陣就走了。

by agostinho | 2010-02-06 18:53

<< Macau Travel Tr... Macau Travel Tr... >>