人気ブログランキング | 話題のタグを見る

Lisboa 2009, jogos de Lusofoina

Lisboa 2009, jogos de Lusofoina_a0094795_19533899.jpg「話知你丫媽…」尼句係2006年10月中好多人會唱既歌歌詞,咩歌詞咁得意?之唔係當年葡語系運動會既會歌既葡文歌詞;由於葡語系運動會以葡萄牙文為單一語言,所以無中文既歌詞;而「話知你丫媽…」就成為「金句既歌詞」。三年後既今日,響前晚開幕既第二屆葡語系運動會將尼首歌「原封不動」,在改得仲輕鬆既情況下而唱左好幾篇。

先講番個開幕式先,由於我響0500先記得去睇開幕式,所以睇到戈陣都已經係做緊主辦國進場既儀式了;不過都可以「體驗」得到開幕式既最精華部分。主辦國既國家隊進場後,葡語系奧委會總會主席慕勒(Jose Moura)就致開幕詞,其後由國家總統席瓦爾宣布開幕;宣布開幕後就放左小小煙花;跟著就燃點聖火儀式,但係聖火傳遞就無響過里斯本舉行,而且仲播返2006年澳門葡語運閉幕由慕勒響蕭威利手中接過聖火火種燈既片段,其後就由一名葡萄牙田徑運動員進場,然後點左個火!個火就搞到有個「波波」落左黎,個「波波」都無火,尼個「象徵式」真係只有葡萄牙先想到了!

至於入場方面,雖然大會無講到,但從開幕式黎睇就真係差到爆,因為戈個係室內場,而坐位分上下兩排,上排就全部空曬…而下面戈排就坐到大概六、七成左右,試問尼個「效果」好睇嘛?唉,有時國家做既野真係好令人驚喜。

by agostinho | 2009-07-14 19:54

<< Please provide ... Que bom, Coutinho >>