【維基】第一次做講者

今日係我第一次,真係第一次做講者。

大概半個月前,我受到澳門科大既韓子天教授(CT)邀請,我講《澳門與維基百科》戈個topic。本來早幾日就去準備一下,整個powerpoint既,誰知忙生日既野之外,仲要病下病下咁,根本無精神去整。

其實我都唔知講咩好,因為我真的不是尊業的。不過受了託就要去出席、俾面喇。稿子也無想過就去澳門科大了,當然要叫我的四川司機車我過去喇。

到左澳門科大,我就去Block B(場地既大樓),不過唔知點解上到去似變左Cxxx室囉,我O曬咀,之後就試下C403,點知真係我搞出個大頭,原來Block B同C係連體樓,好心就叫Block B or C就算啦。

入到會場之後,我就見到好多人,大概有50幾人啦,覺得好意見咁多人,不過心裡想係唔係CT既「做馬傑作」呢?不過之後就見到有部分人真係自己打邊爐地走入黎就知係做馬都會只係部分。

講喇!CT同劉偉(另一名講者)先講了,之後到我講,不過劉偉先生真是一個好好既講者,雖然用埋我既時間去講,不過佢都係希望唔會令他人誤會而講咁多。

到我講戈陣,由於我無powerpoint、又無稿,其實好對唔住聽既人嫁。不過我本就是做一個討論形式既,所以無咩問題。原本我用英文講既,不過講之前CT話我知用廣東話會好d,因為佢地(指他的學生)用英文既話唔會彩你既。所以用英文問:「Who dont know Cantonese?」無人講戈陣第二次問:「Who cannot listen Cantonese?」其實第二句尼句真係錯grammar,講完我都知死得,不過坐響中間既一個人(該是CT學生)即係細細地但又被我聽到的說:「cannot listen!(笑)」要唔要咁呢?

因為有人話唔識聽廣東話,所以用英文講,不過我問:「Which event that you think is the biggest event for you which you feel powerful and you feel ou really a Chinese?…」之後有人答:「威尼斯開幕」雖然有中文既「回音」,不過都好過無;隨之有人話,廣東話啦,好d,所以我轉用廣東話頻道去講。

我講既係命名方法、注意地方、試下編輯同埋點樣去加入新既條目等等。講得都算成功下啦,不過我覺得唔算太好,因為真係美中不足。希望下次又有尼種機會既話,我會做好少與前期既準備。

當我講完戈陣,有一名大概20~23歲的男子走到我面前而且問我一些間題,初頭以為係「行家」(記者),但後來先知係澳門科大學生來的。佢好有善咁問左我幾個問題,而我一一解答,不過唔記得同尼位人兄拍照呢!因為我覺得他是香港人,原來是來自廣東的。真係人不可以貌相呵!

by agostinho | 2007-12-14 03:19

<< 打機日 【生日】生日後第一日 >>