人気ブログランキング | 話題のタグを見る

被玩

今日又被戈個叫Peter既人玩我喇!佢真係煩到七彩到爆囉。佢明知自己已經煩到我爆炸都仲要煩著我之外,block左佢都仲可以用另一個MSN add我既,無奈到爆囉。

今日都無咩特別野,所以都係寫好少tim,唔好意思呀!話唔定尼d就真係中精簡既精簡掛~是嘛?

有「澳門開埠最大貪污案」之稱既歐文龍貪污案今日終於響澳門終審法院開審了!今日由法官講起訴書。起訴書足足用左5個幾鐘去講。歐文龍身為大人物,咁起訴書自然會有番咁上下既「份量」嫁喇,好自然既事。

響歐文龍貪污案涉案人士,我識個范小雲尼個人物既,佢真係對我好好,但唔知點解咁好既人都會被自己個仔拖落水囉,無奈既係人已經死左,仲講佢既話,有無個需要去鞭屍呢?

歐文龍貪污案中涉及既工程好多地方我都有去過、甚至曾經係我既工作地點,包括有「澳門蛋」之稱既澳門東亞運動會體育館射擊中心西灣大橋等等。越睇d數字就越心驚,因為個數字真係百、千咁黎「數」,仲要既係以萬為單位,即係幾百萬、幾千萬咁「數」歐文龍。

歐文龍不概是「運輸公務司」司長喇!「公務」就要黎形容佢既政府公務是無可置疑的;而「運輸」就真係好識做「運輸」喇,將政府既錢運下運下、輸出輸入咁就運輸曬去自己既屋企、29個銀行戶口(包含中銀香港、匯豐、citibank等等)。「運輸公務司」尼個司長之位非他莫屬喇。

by agostinho | 2007-11-05 22:44

<< 《預科堂記》之優秀學生 圖日 >>