人気ブログランキング | 話題のタグを見る

Bday celebration

生日喇!其實係補祝既姐,但係主要都係想見下各位既,所以都係借一個「名目」既姐~ 好多謝大家賞面啦,但係有無黎都唔係問題,係在乎有無心既姐~ 哈哈。今晚我要特別多謝識左至少6年既朋友Kenson,佢真係好有心,對我真係好好,除左計左折頭俾我之外,無想過會有生日蛋糕食~ 無想過會有小食~ 無想過會有酒仔可以飲 ~ 真係特別多謝kenson你。

飲完酒之後去左唐三樓訓,哈哈,我都唔知點解啦~ 可能係因為想同Benjiman同Augstine講下野掛~ 下午戈陣,toviz特登打黎say sor話無去我生日而唔好意思,好搞笑既係我都無嬲過,佢竟然驚張咩咁… 所以就同佢去食飯啦,不過點可以少得Teo呢… 我去到戈陣,Teo同Toviz又唔知搞咩搞到面左左,好彩到最後都無咩野炸~

之後就一齊落左Research~ Research係一個令我幾唔鐘意既地方黎既,理由都唔知響邊啦,可能係個感覺掛,定係咩呢?真係連自己都解答唔到~

# by agostinho | 2010-12-18 19:14

Group gathering

今日訓得好好,訓到2點幾,係下午,唔係朝早既2點播~ 跟著就同Daniel去左唐三樓啦,跟就返西環就搞下尼樣,搞下戈樣,時間好快就過囉,所以好驚遲到,因為要入沙田黎個MSN group聚會嘛嫁~

入到沙田真係遲成半個鐘,打俾Kenrick仔,好彩找到人,如果唔係真係唔知點死。及後見到必必同細胸,真係朋友呀!所以就跟著細胸同必必一齊… 後黎因為必必要返工而同佢朋友走先,跟著我就同細胸一齊din啦~ 期間笑到Isaac同Michael等等既人「死下死下」~不過我覺得最緊要開心,其他野又有咩所謂丫~

不過好戲在後頭尼句野係真既,我唔係指我戈場生日,係有個10幾歲既仔仔話自己唔識返屋企,仲要問佢住邊都話唔知,真係好搞笑囉,唔知點答佢~ 最後我同Isaac走左先,事關我地同路之外,我既生日會已經遲曬大到呀~

# by agostinho | 2010-12-17 19:05

Hot Pot~

念日約左Kyle尼個細佬,但係唔知點解我既電車+地鐵都快過佢坐巴士,不過最搞笑既係佢電話猶如費機一樣——聽唔到,打左一個鐘都聽唔到電話,聽到戈陣就話:「我仲響西環呀~ 仲未有巴士」真係想知佢之前既一個鐘做過咩… 哈哈,結果約1500就等到1700。由於等Kyle戈陣打過俾C兄,所以C兄放工戈陣就見到C兄一陣就飛返MOS~

跟著好搞笑既係Toviz打黎俾我做緊咩,點知係想叫埋我去dinner,咁我身邊得個kyle,無咩所謂啦~ 我地響MK既樓上鋪度打邊爐,點知Toviz帶既朋友原黎都識嫁~ A-Fe囉~ 尼d真係約都唔駛約就見到,係幾日之內既第二次!後黎先知A-fe係Toviz既阿哥,尼個世界真係細囉~

# by agostinho | 2010-12-16 18:49

Teo x Toviz

尋晚響唐三樓訓,訓醒之後都日上幾竿喇,跟著返去西環整理下自己啦,因為始終「下半場」都好緊要既。1900響觀塘度找到Toviz濤濤,由於Teo未到,所以Toviz就帶我去整頭先~ 坐落都半個鐘,Teo先黎到,但好搞笑既係好似時間有問題,有咩問題?Toviz打電話問佢響邊,但Teo既答案跟本好快就到,點解會咁遲都未到呢?搞笑也。

我同Teo整完頭之後,Toviz都未返黎,所以我地去找找Toviz啦,行行下就見,真搞笑~ 我地一齊去食野,三個男仔都唔知食咩,最後黎個打邊邊~ 香港的確好多地方都可以打邊爐既,反觀澳門就真係好少~

# by agostinho | 2010-12-15 18:39

Tong Saam Lauu

今日都叫做「唐三樓」日嫁喇~ 事關今日起身之後同Daniel去佢公司戈度,跟著就響唐三樓hea啦… 真係唔知做咩好,但個環境真係幾舒服既,係一個可以hea既地方~ 跟著就約左人食飯,食完飯之後返去訓啦,點知夜媽媽Daniel打黎叫我去唐三樓,見係無野做,所以又去din~ 所以我問可以唔話尼日係唐三樓日呢?哈哈

# by agostinho | 2010-12-14 18:35