人気ブログランキング | 話題のタグを見る

Memories

當那兩座大樓被撞、被倒下來的時候,當時的你做緊咩呢?我就訓緊…尼個情景好記得,雖然七年已經過去了,但記憶永存在腦海之中,永不會被擦去的。人曰:「隨著時間既過去,d野就會慢慢地忘記、唔記得嫁喇。」但事實上真的會,但人生之中大件事、影響到自已的一定無可能性。

七年前的九一一,而今年的九一一也發生了「襲擊」,那就是MSN的網絡出現了問題。我要登入了大概15分鐘先可以入到,而我同阜阜的對話也因此而間接性地中斷多次。事實上,網絡對話係而家現實社會不可少去的一部分,因為MSN就是一個最好(除了IDD)發展聯邦關係既最好橋樑。記得表姐Leonar去美國已經是15年前的事,當時只靠postcard、christmas card來「問候」,而家就可以透過MSN、Facebook來「問候」了。

近日在Facebook有人發動左「我地都係由ICQ」開始既「聯盟」。事實上,我都覺得尼班ICQ研發人員好勁,但隨著日子的的進步,ICQ被趴了出街,新的旗幟改為MSN了,連《家好月圓》既中仔都用了MSN,而非ICQ了。

# by agostinho | 2008-09-11 22:01

Problems to face

好煩…真係幾煩…煩咩?有心機既就睇下面啦…

一、學業:對於我尼個大專生(在澳門叫大學生)黎講,我跟本唔知點做好囉。首先,我一定要埋堆,但係人生不熟下仲要同其他同學有幾年(起碼都有3年)既「代溝」,會唔會係一個障礙呢?其次係我既成績可否追得上呢?因為今年成績唔好,阿媽一定唔會準我響出年年底返香港搞東亞運,所以我今年死都要死好個成績出黎。

二、家庭成員一一請辭:好多成員都因為年紀或者薪金問題,一一請辭;有的是因為年紀過大的問題而被公司炒魷。搞到個個成員都好無聊咁過日子。

三、見工問題;雖然我要讀大學,而學校方面都建議我地讀大一既唔好做野,不過我禮拜二、六、日都無堂上,咁就可以做pt工,不過響邊度有得找尼份工呢?

四、愛情問題;有關尼個問題,好多人都問過我,包括之前既同事(而家應該叫朋友)。事實上,而家人有追求我,但同時我又鐘意人…難聽的可以講係幾角戀!今日既我好唔得囉囉,因為我怕我既決定而令到他人傷心的話,叫我於心何忍呢?

# by agostinho | 2008-09-10 21:48

[IFT] O-day

今日係IFT既「Student Orientation」,我叫佢做O-day,即係抄香港迎新既O-camp之意。不過,今日既O-day真係熱到七彩…可以用「熱到爆」黎形容。

一大清早起床真係近幾年少有,一大清早先去訓既日子就多到數之不盡!0800就要醒了…我賴床都賴左半個鐘!老實講,我真的是不慣呵,最好有個人打黎叫醒我啦。

去到O-day會場…坐呀坐…根本成個Yr 1既學生得戈27x人…真係幾「多」播!另一方面,女過男…唉,莫非而家係重女輕男的時代?

講呀講… IFT既President一講就講個幾鐘…大概75mins啦。之後就由Registry既阿叔無無聊聊講學校既無聊野…講都唔係問題,最緊要係又唔識用電腦、講野又食著曬…所以全村人都好唔內煩…都唔知點解澳門政府會請咁既人做!

# by agostinho | 2008-09-09 16:06

Have gain, have loss also

尋日,香港有投票權的市民都盡左他們自已的公民責任…不過也有人無盡到尼個法律俾佢既責任。點都好啦,雖然投票率少左一成左右,不過都算幾好。

尋晚(凌晨)無訓過,因為想睇邊個成功當選…不過我睇左新界東既結果就訓了。

我最關心的公民黨可以講係勝了,也是敗了。出戰香港島的陳淑莊大熱高票當選,成為左票王,不過咁先可以帶埋黨魁余若微入局,係好事黎既!至於第二個關心而又令我擔憂的何秀蘭也成功入局,實是好事!有成功,也有失敗的。出戰九龍西的毛孟靜就敗了…而希望毓民勝出也是好好。

新界東方面,長毛大勝,雖然排第二,不過響泛民之中都叫大勝了,因為新界西、東區都是民建聯既大倉!長毛勝了,可是不會見到那「教子」的畫面了。而代表自由黨出戰的黨主席田少就敗北,成死四萬幾人,莫非都是要「四萬」出黎幫手?

最後,我要恭喜下列當選的議員(排名不分先後):陳淑莊、余若微、何秀蘭、黃毓民、梁國雄、劉慧卿、李國寶、霍震霆、劉健儀、吳靄儀以及梁劉柔芬。

# by agostinho | 2008-09-08 15:48

Day for voting Legco

今日係香港立法會選舉大日子…終於到了…一切對話、一切做騷、一切投票、一切論壇、一切民調都已經統統成為了過去了。過了今日,所有成敗你參選人士都會塵埃落定。

事實上睇到目前為止的投票率一定唔會高過上一屆嫁喇,所以覺得保皇的會大勝既機會會高左;反之,泛民的倉就會見少了。不過都希望泛民可以成功爭到幾多就幾多了。

# by agostinho | 2008-09-07 20:54