<   2010年 08月 ( 31 )   > この月の画像一覧

KL Day 2 and friendship

今日係尼個trip既最後一日,也是響KL既最後一日,不過由於下午大概4點機,而且入機場都要一個鐘既車程(感覺響大馬既時間大多數都響車度… ><')… 不過一早就落去搞搞電話卡既問題,因為雖然見唔到大馬既朋友,但都想同佢地特別講下電話既,所以響酒店下面既市集一路行下感受一下大馬點「慶祝」國慶,而且又可以同朋友講下電話,實是一大樂事呵。

之後就上機返香港,返到香港國際機場,一開返張香港電話卡就即刻有個未接電話既message,原來係Dylan尼個buddy打俾我,不過我第一個樣野打俾佢就係要問可唔可以響佢屋企度,因為本來話借我一宵戈個人突然反口囉… 真係好多謝你。好彩,Dylan話無問題,也都要特別多謝Dyaln個阿哥,否則真係要「訓維園」喇。

落機之後去Quarry Bay度get野之後就打俾Kyle啦,無奈係無電而響7-11度recharge啦,之後打俾Dylan,但Dylan同緊朋友食緊晚飯,所以我就響Langham度等佢啦,等佢既期間就同阿聰講電話,當中同佢share旅行既野。響尼度,我深深感受到真心當你係朋友既會義不容遲,但無心視你既人就你點叫佢都會叫地不聞。尼一日經歷最傷,但都感受到朋友既愛。

同阿聰講左大概35分鐘既電話之後,Dylan就響我面前啦,佢仲要話特登趕過黎,真係好有心,尼個朋友相信都係Yama之後最好既一個了,一定要好好珍惜!跟著去佢屋企啦,之後佢阿哥都「訓醒」,我地就chat下,期間Dylan又打下機,我地4點幾都訓覺了… 這已經是9月1號既4點幾。
[PR]

by agostinho | 2010-08-31 22:03

KL - Day 1

今日由新加坡去KL啦,由於同遊的朋友因為「怕坐飛機」,所以由機程既一個鐘(唔計過關戈d)就搞到要坐車,坐足6個鐘,美好既時光就咁浪費,要記住既係由SIN坐車去KL,無響我既前國土馬六甲玩番日,所以就一坐就六個鐘,但人家驚坐飛機,無法啦!六個鐘白白浪費。

落車之後就食小小野啦,跟著坐的士去酒店,但係個的士佬好bad,遊下花園都遊左一個鐘,仲要被人昆到RM 50,雖然最後都係只俾RM 40,但細佬話我知,俾RM 30佢都已經win曬…

之後響酒店度等細佬,由於細佬去接埋個女個朋友,所以大概2000先黎接我去玩,當然,細佬一盡地主之誼,帶我去食地道既野,真係好好味,不愧係地主之誼好過自己去找食…哈哈。特別多謝Ken同你既女性朋友呀。

之後我地就去KLCC度影相啦,但由可能於係大馬國慶既關係KLCC廣場既範圍全封,多次破過封鎖線都無果,但一到KLCC都影唔到張靚相好失望同接受唔到囉(可惜有個野就成功影到靚景就大賣成果)。無論點都好,響KLCC都叫做同細佬影左張相,不過唔知下次會係幾時見到細佬同埋最終都見唔到既Arthur呢?
[PR]

by agostinho | 2010-08-30 00:48

Pulau Bintan

今日響印尼,係印尼唔係印度。不過響民丹島,都係一個鐘加三個字既船程,都唔叫做好內既(因為都慣左港澳來回船程既時間嫁啦…)出到碼頭之後,見到印尼既國家象徵——鷹。尼個鷹,俾到我有種好強勁既感覺,有點氣勢。之後就坐大概20分鐘的士(其實係van仔、七人車黎嫁囉)去Kelong Restaurant,去到尼間Restaurant已經1430有多了,但要記著印尼係慢香港同新加坡一個鐘,即係已經差唔多1600先黎個午飯時間!

Kelong Restaurant既特別之處無咩特別,特別在於真係食景,因為陽光同海上屋度食,無疑係港澳以及中國都好難會找到咁既地方,但食野既價錢就真係貴到阿媽都唔認得嫁囉,因為一罐可樂都要6蚊(唔好唔記得係計坡紙,大概將個價錢X6啦唔該… 大概幾錢,有數得計)友人一罐可樂,我黎一個椰子(都係8蚊玻紙之嘛,差兩蚊),一個海鮮炒飯、一個菜同一個雞肉,請俾58坡紙(成350蚊港紙,化唔化算,見人見智啦)。

跟著就無野做,係hea爆時間之始,所以響Nirwana Resorts Hotel度睇下個海灘,無咩特別囉,繼而真係浪費時間長達3小時到印尼時間1900,最搞笑既係友人話平時去旅行好鐘意咁hea響酒店大堂爆幾個鐘,心想,去旅行都咁hea又浪費時間,倒不如你響屋企on99好過啦… 難聽d真係好想講——浪費左美好既尼一日時間同錢(因為我入印尼真俾25蚊簽證費)。
[PR]

by agostinho | 2010-08-29 22:05

Singapura - Day 2

今日響Mandarian Oriental Singapore食左個早餐,個早餐都叫做幾full呀… 因為佢既野真係好好味,唔差呀,所以我好小有咁黎左2 round。至於野食既品質方面,除左好普通既「熟食」之外,仲有新鮮、即叫即整,真係響Mandarian Oriental Macau都可能做唔到囉,怪不得「就是與別不同」了。食完之後就去左泳池戈邊影幾張相之後就CO啦…

不過… CO之後我地就去Fullerton Singapore度做CI,咁晚刻就唔駛要去返Mandarian Oriental Singapore度get返行李先「浪費」d時間喇。Fullerton Singapore係一間幾好既酒店黎嫁,因為佢前身係做過政府部門,而家改建為酒店,而且屬於香港信和酒店集團既酒店之一,好似有份親切既感覺。
不過,Fullerton Singapore雖然係新加坡當地既地標酒店(Hotel of the landmark),但就唔夠Mandarian Oriental Singapore咁好,但總算住過Fullerton Singapore都叫做無愧於自己了。CI完之後,就去最近既destination——萊佛士區(尼個區之所以有名就係因為英國人第一個著陸新加坡既地方)同埋魚尾獅公園。

之後就去返downtown d既地方啦… 去左聖安烈教堂;好無奈咁比人昆左去尼間基督教教堂囉;但氣憤既係戈個人明明就坐響度睇緊書仔,但事後話我知就係訓左覺覺… 最無奈既係講多句:「乜你咁快既,我以為你好內既tim。」心想,我真係好想爆句:我係天主教嫁囉。當然,我都睇下既,畢竟每個宗教都要尊重,但在這裡真是沒有一個「在家」的感覺,可能這就是天主教人在基督教教堂既感受?之後都成功「報復」去左兩間天主教教堂——善牧主教座堂(Cathedral of the Good Shepherd)以及一街之隔既聖若瑟堂(Saint Joseph's Church);前者是天主教新加坡總教區既主教座堂,即係同響香港灣仔堅道既進教之佑主教座堂一樣咁既「地位」;至於後者是由葡萄牙人當年響新加坡與建既教堂,所以都有點歐洲味,但就無唔濃味。

「教堂之旅」完左之後就去China Town啦… 同外國既China Town好唔同既係新加坡尼個China Town好似係個市集,好似只係食野同手信既地方,但我都無buy到手信,因為都唔知buy咩好。期間去左個印度教既「教堂」;尼間「教堂」好特別,如Mr Rana所言,有機會真係要去睇下,但無奈當時唔準人入內。跟著就去左個「萬佛寺」,尼度係新加坡最有名既地點之一,不過周邊地方無咩建築物,覺得有點怪既味道。

去完China Town之後,就入去聖陶沙,但都叫做夜啦,因為入到去都5點幾… 不過都係行下既姐,但奇怪既係同14年前戈陣既感覺好唔同,真係可以講得出聖陶沙既發展得好快好快。之後響沙灘區一帶響度行,不過行到我對腳都傻曬囉… 大概7點鐘就出返市區、出島了。食個飯之後就行左陣萊佛士同影下夜景就返酒店做指定動作——執相。
[PR]

by agostinho | 2010-08-28 23:49

Singapura - Day 1

首先,今日係Yama既新曆生日,祝你生日快樂,雖然已經習慣無得同你講野,但我深信我同你既友誼係會改變得到既,而你最「叻」既就係永遠都係「最靚仔」既一面俾我地…我就隨時間就顯得老態了。點都好,回憶是最美好的,有幸同你做到尼個地步既好朋友,雖然去年係悲痛既,但都無憾識你。


好喇,「悼念」都完畢了,the show must go on... 所以今日飛去新加坡… 14年黎無黎過尼個國境…哈哈。由於我地著陸響budget terminal,所以要坐shuttle到T2,跟著坐地鐵到酒店——Mandarian Oriental Singapore度CI,過程都叫好好,不過就都用左2個鐘去搞尼樣戈樣… 由於奧運響尋晚閉幕,所以有關奧運既野都未拆得曬,仲可以見到Lyo 同 Marly 既「存在」… 但新加坡用既係木板整,相信好快就會「離開尼度」。

到左Mardarin Oriental Singapore,真係好似同當年接Mr Rana既感覺… 畢竟我都叫做鐘情於尼個酒店連鎖丫… 幾好幾好。而且個景太好了,因為係無敵海景,正呀!之後就去有新加坡既倫敦眼之稱既 Singapore Flyer度睇下啦,其實都好快就「玩完」,因為全程半個鐘都唔知有無…

其後就由City Hall過去Bugis… 去睇到iluma尼個數一數二最新既商場,商場既裝飾燈好勁呀,因為好靚好靚,其實我應該拍個短片而唔係影幾張相就「收山」。然後就響附近食飯啦,不過唔算係好好食…食完仲有時間,所以就過去Orchard Rd度行下啦,因為另一間商場就係ion啦,不過佢得外型靚,相信日間黎會好好多既… 不過Orchard Rd有奧運專門店,可以幫人入貨了。

行左都幾多下,所以就過左返去酒店度休息一下,跟著就進行今日最後一日既「行程地點」——濱海灣金沙,不過友人唔太想入casino以及佢好tired,所以只是行到門口就返回酒店了,雖然有d掃興,但都總叫做「黎過」啦。
[PR]

by agostinho | 2010-08-27 22:31

In remembrance of the Manila hijack victims

今日起身先知今日係全港哀悼日,尼個消息真係「來得太遲」了。雖然是「來得太遲」,但連續三日以來都沉著一個默哀既心情,每當在電視、電腦的新聞片段上看到那些片段,眼淚真的開始情不自禁流下來了,而且在街上見到所有人都無特別的言語,穿的都是相對素色的衣服,證明了香港人的心是高尚的。但願在事件上受影響的人都可以早日走出這些暗影,步出新的一頁。

Oscar訓到唔知似咩囉,又話食早餐,點知又唔食,啊。食完早餐之後,就執野準備check out喇。跟著就行街,MK囉,唔係仲有邊度可以去呢?不過我地睇黎睇去都無野buy得落手囉。之後Christian打黎問我響邊度,跟著佢話想買電腦,因為佢地腦宣告不治了。所以我同Oscar就過去SSP找C兄啦,跟著一齊去幫C兄去choose邊部好,尼個C兄真係勁囉,新腦都有500G都唔夠,仲要黎個外置1.5G,太跨了。由於時間關係,Oscar響1830走人返澳門了。

跟著我就同C兄響附近行下,跟著就同佢一個好朋友一齊食飯,佢尼個好朋友勁好人又細心囉;因為食飯戈陣通常幫人夾俾人都會好是是旦旦咁整好就算,但佢竟然會幫你整好之餘仲要裝飾好好睇睇先過得關,真係勁好人呢。

食完個飯就同C兄去get部電腦啦,佢單手get囉,超strong~ 跟著我都返去九龍塘get行李,跟著就過去A-lin屋企度,然後陪A-lin響西灣河海濱公園戈度食飯;期間Dylan打黎俾我,仲要放工就打黎俾我,因為佢想為尋晚黎唔到BBQ一事而say sorry,心想尼個buddy既好朋友都算唔話得啦,放工就第一時間打黎道歉,但我係無嬲過佢等等嫁嘛…難得、難得!不過繼續夠難得既係竟然我地煲電話煲足個幾鐘,全程冷落左A-lin囉。sor le~
[PR]

by agostinho | 2010-08-26 15:53

Visit Yama + BBQ night

今日一大清早0600就訓醒左,真係早過香港早晨喇!所以就去下灣仔金紫荊廣場影下半旗,因為香港下半旗既日子唔會多,也不希望會有咁多…然後響會展睇西九文娛藝術區第二期展覽既聽見會議,都算唔錯啦,但每個都各有特色,真係要三合一先好。

今日係Yama既舊曆生日,相信都無咩人會記得嫁啦,不過點都好啦,後日都係Yama既新曆生日,尼個野鐘意新曆正日搞生日嫁嘛…所以下午就去找Yama啦,點知阿妹唔記得左Yama佢住邊度,所以我唯有返酒店查佢住邊,搞到遲左個半鐘,又導致阿妹要遊地鐵河同埋響地鐵站等我,真係唔好意思囉。跟著上的士上山啦,期間阿妹送左朱紫嬈既簽名CD俾我… 嘩…尼個妹超有我心囉,多謝阿妹你啊!跟著我地找Yama都唔算內就走人了… 不知下次幾時黎你度「坐下」呢?(提外話:今日香港下半旗,正好代表左我對Yama既誌哀心情)

跟著就同阿妹行旺角一陣(不過都有個鐘頭嫁喇),之後一齊過CWB,然後join埋Kyle同Oscar行左陣,阿妹響1830就走人了。跟著我地三兄弟都行多一陣都過去TST啦,跟著同C兄同娘娘集合…然後上去BBQ… 今年既聚會太多突發喇,唉,搞咩呀… 不過都玩得好開心,不過出年搞唔搞好呢?三年喇,都搞得好辛苦下。
[PR]

by agostinho | 2010-08-25 23:08

God Bless Hong Kong

對於尋晚發生既事件,我可以將佢定性為「恐怖襲擊」程度。好可憐呀,一個個大好的美滿家庭都希望去個旅行開心之嘛,但換來了悲傷的悲痛事實之外,也有送上了性命。旅行就會帶著危險嗎?

生還的人方是這場不安的夢的開始,下半旗、全香港悼念也換不來已經離去的八條性命;如梁太所言「錢姐,做咩唔俾佢?錢緊要過人命咩?」無錯,人命真係非常寶貴,而且點解唔可以俾錢呢?堂堂一個菲律賓連戈10幾萬港紙都出唔起咩?唔得既叫香港政府俾囉,我想信香港一定會出錢救人。

整日的facebook好少有咁見到都是下半旗或是黑色絲帶的頭像,而我雖然已經不是香港人也把頭像改為下半旗;因為這個真係一個令人痛心的不一事實,淚流不下來,但心裡已經哭了。
[PR]

by agostinho | 2010-08-24 15:43

Arrive

今日正式返香港喇!入住既地方響太子同九龍塘交界,仲可以望到獅子山,都叫做唔錯啦;不過過黎尼度之前要呆等a-lin等足一個鐘,都唔知點解可以要我等一個鐘咁內,約好左都仲要去做清潔間屋…無奈囉。


下午就去找Christian get部netbook機仔用,真係好多謝C兄呀…無你都唔知點去做學校既註冊同enroll喇。跟著同a-lin行下街,然後食飯。食飯戈陣都食得好不安,因為香港既電視台直播康泰響菲律賓被殺既情況…天啊,為何會這樣的呢?八條人命就此沒有了。主祐。晚刻Wayne過左黎找我,我個心都定左d,真係好多謝Wayne呵。
[PR]

by agostinho | 2010-08-23 03:35

waiting and counting

錢換好曬、
行李又執好曬,
無野好做。
出發前一日永遠都只是等待…
而且時間過得好慢、
慢到唔知似咩咁。
唉…快d啦
[PR]

by agostinho | 2010-08-22 03:26