<   2010年 04月 ( 30 )   > この月の画像一覧

valuable

就算要等多佢四個月的話,我都會覺得ok既,不過就真係會等到頸都長了。一個人最辛苦的時間莫過於自己一個人,而仲辛苦既就係無人可以幫到佢,要佢自己去面對、解決。時間、金錢會變得不知什麼,但這群人雖要我地去幫助;有這病的人,請你們努力,我們是會撐你地到底的。
[PR]

by agostinho | 2010-04-30 14:24

The voice concert

自從舊年接觸左《超級巨聲》之後,就開始對《超級巨聲》就有個不解既「情意結」,而且得到我唯一既乖妹妹既幫助之下,把我同《超級巨聲》既距離拉得越黎越近。雖然我身在澳門,反而對《超級巨聲》既新聞特別留意,也可能因為阿妹既關係,特別留意左「將軍澳吳尊」既新聞,畢竟同許生都是相識。

a0094795_341266.jpg《超級巨聲》尼個節目被aTV既《亞洲星光大道》既批評等等都多好多,證明左有人關注《超級巨聲》既情度大過《亞》既好多;但係一班《超》既年輕人在比賽既情況下得到粉絲既支持,而且仲成立左粉絲團,實是對參賽人士的一大鼓勵以及香港樂壇的另一種支持的方式;所以邊個話香港既樂壇無希望嫁?

《超級巨聲》第一期結束了,反而大大增加了「巨聲幫」的曝光;商場、產品等等都邀請巨聲幫的成員黎宣傳;有指巨聲既參賽者被有關機構、商場等因為「價錢問題」而「被利用」左,但我反而唔覺得尼個係問題,反而可以為巨聲幫的成員作出一個活動,是對他們是一個肯定同支持。

日前,阿妹問我去唔去許廷鏗既生日會,我個心真係「去左」,但因為四月太多野做了,所以真係行唔開;唯有可以在facebook上面代言祝賀。至於6月,巨聲都會響紅館搞個演唱會,但無奈撞上期考尼個大檔期,無緣了。點解澳門既大學時間表唔跟香港黎行呢?唉
[PR]

by agostinho | 2010-04-29 18:50

green effect

今日放學之後一個人行松山,是一個禮拜之內既第二次;我覺得生活在石屎森林中既我地真係好需要大自然既尼個森林,就算有公園都唔可以代表到d咩;大自然既威力真係好勁,因為響松山我真係可以感受得到自然的風、自然的暖、自然的涼。綠色,是由細到大都會見到既一個好普通既顏色;時至今日咩都講綠色、green,但我地又有無響日常既生活之中做到盡量綠色呢?
[PR]

by agostinho | 2010-04-28 20:44

hungry buddy

尼排可能我「生左個仔」,因為我晚晚都會口痕而去睇下有咩野食;餅、麵、包,咩都有食,而今晚既就係我好內下都無食過既夜宵至愛——腸粉。唔講了,我要享受一下我既腸粉了。
[PR]

by agostinho | 2010-04-27 21:41

lessons with happy

上堂實在要在一個開心既情況下上堂先會覺得「有興趣」,假若總是被黑口黑面咁上堂,尼個感受相信會是度秒如年既狀態。

今日既葡文堂,我同Cynthia合組去做一個對話;Cynthia原想有個意思就係想講「一個麵包加杯牛奶」,所以就寫做「pão com leite」,初時我都無被發現,笑話就「整成」了。當口述既時候,Cynthia竟然都唔知咩事,但我地就全班人已經笑曬,因為一個麵包之上又如何去加牛奶呢?隨之而成左「pão com sum de laranja(橙汁包)」、「pão com água(水包)」等等尼d「怪包」出黎,相信尼d Cynthia出品既包會大賣而且會出名過大利來記既豬扒包。

香港演藝人協會響晚刻響紅館度搞左個義演活動,而活動由8大傳媒聯手「做扒」,一個無廣告既節目就係要睇尼d先有,係唔係咁好呢?對於天災,身在港澳的我地可能會感受不到真的大型天災,我地最多只到感受到颱風的威力、突然而來的暴雨,但地震真的「幾十年都無」。受到天災影響的朋友,是非常需要我地既幫助,而捐錢係最重要的一個部分;早前的智利大地震、葡萄牙屬土馬德利水災我都有捐錢,但尼個青海玉樹地震我真係一仙都唔會仙俾佢,因為每一次中國大陸最鐘意在天災之後都打咩牌係人都知,而且會將天災所帶黎既問題一一收埋之外,仲要次次都一定會聽到將有關既善款會被貪官貪左,咁既話,我捐得落手咩?
[PR]

by agostinho | 2010-04-26 02:12

revolution

今日係4月25號,
而1974年既今日響葡萄牙發生的革命就改變左葡萄牙。
其實,政變既野真係好難去講邊個是誰做對,
但只要真心真係為國家好既,
政變不是問題。

睇下今日泰國既紅衫軍,
佢地著左尼個顏色既衫都好內日子,
而家仲有黃衫軍,
幾年來以至20多年紅黃衫既人走上街頭的日子不少,
佢地要的是一個什麼政府呢?
[PR]

by agostinho | 2010-04-25 15:16

A-fok

「黃福榮」、「阿福」
這個名字近日時不時都可以聽到,
他是我地香港人既驕傲,
香港的傳媒大大寫好這名香港人是體會的,
但為何大陸的傳媒都要「高度評價」呢?
原因仲駛想咩?
因為佢想借這d「有意思」的事黎去cover d野…
[PR]

by agostinho | 2010-04-24 15:09

INFO MT

今日電腦既中期試,
溫到我死下死下,
因為佢既野都覺得好特別同冷門,
而且又有好多model要溫去背,
點知…
溫左真係等於無溫,
無溫既都唔駛驚,
因為份paper都唔知講咩,
同埋好鐘意搞亂你既想法。
[PR]

by agostinho | 2010-04-23 20:11

Encore Opening Fireworks Spectacular

「鵬、鵬、鵬鵬…」煙花聲此起彼落,原在昨晚發放既煙花因為中國大陸既哀悼日而改左響今晚。雖然要第多一晚,但有咩所謂呢?

煙花,我好鐘意睇,可以叫做「煙花狂」;當有煙花的時候就會睇下邊度放就會準備定好去影佢地既歷史一秒鐘,但令我戀上煙花的是可以近距離之下去攝下他們最美麗時刻,當然煙花就是最難影既野,因為佢「走得好快」。

今晚,睇完煙花後,永利澳門既代表特別俾左個press kit我,證明永利澳門可以是「照顧周到」,而press kit裡面有好野囉,當中覺得最好既就係印有永利澳門商標的手指;唉,又多手指了…
[PR]

by agostinho | 2010-04-22 19:38

Dia da meia-haste em memória das vítimas de Qinghai

一個禮拜之前,
中國大陸青海省既玉樹發生七級地震;
為對遇難人士致哀,
中國大陸國務院通令整個中國今日下半旗致哀。

由於一切既娛樂活動都要取消,
因此永利澳門旗下既萬利酒店(Encore)
響晚刻既煙花匯演都要順延至明晚發放。
可憐既永利選錯左日子開張。

由於無煙花煙,
所以今日既行程就改左;
去幾個「景點」影半旗尼個歷史罕有時刻。
不過唔知點解就係同上次一樣都係個天暗暗地無陽光。
[PR]

by agostinho | 2010-04-21 22:20