<   2010年 01月 ( 32 )   > この月の画像一覧

Music Awards

近黎(差唔多都有個幾月)好多人問我對於新城、商台、無線同港台既樂壇頒獎禮既睇法都問我;有朋友仲問我「你幾時先出blog去講下你既睇法呢?」無錯,過往我通常都會在頒獎禮前夕發表一些「預告」,但今年就全部欠奉,理由就是今年賽果無咩特別睇頭。

新城係「博愛傳媒機構」就係人都知嫁啦,一頒就一定係三位數字既獎項;商台就算是最公道既一間,但賽果有時都會好「驚喜」(例如去年MC Jin得獎戈陣個個都唔知咩事);無線就慣性用「服務幾多、回報幾多」黎得獎既,但今年明顯因為同HKRIA既版權問題而將最有實力的四大唱片公司踢出門外,成功造就左「英皇娛樂十大勁歌金曲頒獎禮」以及林峰成黃袍加身為「亞太區我最喜愛的男歌手」;香港電台就一向賽果平實,所以無咩大既話題。

今年,由於無線同HKRIA既不和事件造就容祖兒在無線頒獎禮中奪得七個獎項,成功以總共19個獎得到四台聯頒既傳媒大獎,而容祖兒就趾高氣揚地手持傳媒大獎的獎座步出紅館到慶功會場。但是睇返四台賽果,被稱為「神級」既陳奕迅因為唱片公司同無線不和問題而失落於無線的獎項,但他在其餘三台既頒獎禮之中一共有17個獎項,證明真正傳媒大獎得主該是陳奕迅,而非容祖兒;所以陳奕迅都要暗寸容祖兒都不是問題了;雖然容祖兒是繼2004年之後首次奪得傳媒大獎,但顯然不是實至名歸。

回望四個頒獎禮的獎項,Mr成功以《如果我是陳奕迅》得到10個獎項,證明香港的組合是可以有得做,而且只要是好歌就會有人鐘意嫁了。憑著《給自己的信》而唱到通街都知既鐘舒漫就真係「卓越表現」既作品,也因此而奪得8個獎項;而「丁太」丁楊千嬅都有10個獎項都算佳績。張敬軒同謝安琪無法承繼2007同2008年既情況下都有8個獎算是不錯的一年。

至於新人方面,今年同之前相對之下不算是太激;不過,被張敬軒批評咬字不清的Jonathan Wong(王梓軒)就得到4個獎項,是新人之中最好的新人;同時間我都睇好Jonathan在樂壇的發展,因為Jonathan在美國著名的Milton Academy學習之時成為該校歷史中首位獲舞蹈藝術殊榮的華人學生,而大學畢業時獲該校頒發藝術家年獎,實力非凡!但都唔好睇少Aarif(李治廷),因為佢單單在新城同商台就已經得到3個獎項。而29歲的澳門歌手樂瞳就得到3個新人獎,證明了澳門歌手都是唱得之人,而不是只有Joe Junior、恭碩良、Soler、小肥。

回望過去的「時勢新人」農夫、狄易達、溫家恆、Square、棒棒堂都開始「風光不再」了。農夫同狄易達因街舞歌而出名,但真正要去持續尼個傳奇都會是辛苦日子了。而溫家恆、Square、棒棒堂都是因為外貌而出名的歌手、組合,而溫家恆更是因2008年的「中仔」一角要出道,雖然得到好多長輩賞識而被重視,但無奈無線都唔撐中仔,相信中仔要在樂壇發展都幾難了。
[PR]

by agostinho | 2010-01-31 18:14

Fish x Chi Chong; fdship in Macau

今日下午首先同小魚行街,因為人地要xxx播(由於涉及私隱問題,所以要用xxx,請各位唔好想邪野)…同佢一齊響好多間格價,最後都找到一間,由於聰頭一遲再遲,所以我最後陪小魚。1730,聰頭到了,但由於小魚就快搞點,所以就叫佢一齊上黎等佢了。無奈既係聰頭係唔係都借意去打小魚囉…如果俾阿仔見到一定心痛死了。

小魚之後搞好之後就一齊行街了,由於我想睇下有無多一件港隊既風褸,所以就響荷蘭找,結果是找唔到既,所以及後就行去噴水池一帶。

大概1900左右,小魚響玫瑰堂附近間body shop撞到佢既朋友,而佢朋友好似識得我係咁望著我,雖然我唔知佢係邊個,但我都同佢互相用微笑;當尼個人走左之後,由於佢好熟口面,所以問小魚佢係邊個,點知佢係我五、六年前所認識的Kenneth。好樣衰囉,我竟然唔記得佢係邊個…雖然我已經離開澳門尼個朋友圈子,但我究竟應唔應該重返尼個圈子呢?
[PR]

by agostinho | 2010-01-30 02:03

Breaking news that we did not estimate

a0094795_201797.jpg今日雖然都算好大霧,不過都算平平安安。1400戈陣,商台響廣播中突然廣播:「各位,一節由警察同運輸處既一項特別通知……」馬頭圍道45J唐樓塌樓,成為今日的頭條,由於尼單新聞在香港都算係「罕見」,所以個個都好關心,又加上黎得好突然,所以就好多人關心尼單新聞。

下午響上水,之後就落返CWB了,尼日好傳奇咁一南一北囉。勁爆!晚刻仲要找到幾年黎都找唔到既感覺都俾我找得到,好正呀!好內無試過了。多謝你呵。
[PR]

by agostinho | 2010-01-29 20:46

iPad

Apple公司宣布了平面電腦的一個新產品,名為iPad。iPad的樣子其實叫做「無咩特別」,因為佢外型同操作都同iPhone差唔多,只是一部「大版iPad」而已。iPad,無疑對於歐美的市場有一定的實力以及吸引力,但在港澳地區的就相對不會顯得有一樣的吸引力。

大家還記得iPhone當年推出既時候,歐美好多人都連繼幾晚去排,希望買到一部iPhone;當iPhone在港澳出售時,都唔算太多人「爭著去買」。這個因為iPhone 2G同一部電話無咩特別,所以港澳地區既人都無咩心想換機。iPhone隨著時間的改變而「升呢」,iPhone 3G的吸引力都因為可以上網而多左,但因為食電、hang機同開發唔算太好情況下而不太成功;當iPhone 3Gs推出了,人就自然因為易於上網外,仲有好多媒介去應用,例如apps同facebook等等人與人之間的聯系。所以,香港人通常都會等2個generation先會「入貨」。

iPad另一個主打是電子書問題,主要的對手是amazon尼個問題,所以iPad想做電子書既「一哥」以及希望將電腦既主要對手Microsoft的市場。iPad會唔會達到佢既預期效果就要時間證明了。
[PR]

by agostinho | 2010-01-27 20:35

Social problem in the gov

近來的澳門報章都離不開公職人員的心理壓力問題;但事實上是誰導致這些問題的出現呢?

月初,澳門著名的搖滾過江歌手恭碩良在仁伯爵醫院因為愛妻心切而打男醫生,及後醫護團體力撐該名醫生而表示一定要向恭碩良追究到底;及後醫護界還公開表示有關的壓力問題。早在幾日前,一名消防員因為不滿消防局對其弟的工作安排而拿菜刀要脅同袍。昨日,一名被革職的司法警察不滿以不公平的理由而被革職,一度聲言會自燃。

其實,單是一個月之內都發生這些公職人員表示不開心、不公平的問題,但有關當局可否作出自我討論以及有沒有查看問題呢?澳門,一向被指官僚問題嚴重,但在這個情況下都不懂得去檢討問題,是否真的要由一、兩件事演變到社會問題才去解決呢?澳門政府如果還覺得不是問題,那我真是要為公職人員而感到可憐。
[PR]

by agostinho | 2010-01-27 20:18

Teenagers problem

「夜青」,相信是每個國家及地區都會面對的問題,但澳門政府在政權移交後一次又一次希望用立法的角度來規範夜青這個問題。

記得我的中學時代(粵華時代)已經有位姓梁的議員就提出不足十八歲的青少年就要「安在家中」,唔可以去街,咁係一個咩道理呢?人要進步,地球都要運行嫁嘛,你有咩理由去唔準人去街呢?幸好,不記得當年為何而不成功立法了。如今,又有聲音要立法作出規管,這個明顯是犯了人權應有自由。

其實,青少年問題不是人人都一樣;有好,也有壞的,但是要真正解決問題先是最緊要,如果只懂得在立法做工作的話,而不正視問題,相信問題會變得嚴重以及引起社會問題。要解決問題,就應該要找社工及有關組織深入青少年當中,從而了解他們的需要及訴求而不是立法規管他們的行動、自由。
[PR]

by agostinho | 2010-01-26 20:01

Centro de Ciencia de Macau

上個月下旬由中國國家主席主持開幕的澳門科學館今日正式對外開放了,但在同時,我建議大家唔好去尼個科學館,唔係唔值得去,係因為仲有三個細館未完成,所以大家都是等多兩、三個月先去啦。

澳門政府為了加強澳門旅遊博彩業的發展,於是派出澳門基金會在2002年3月到美國邀請國際著名建築師貝聿銘和貝氏建築事務所為澳門科技館設計該建築體。

由於澳門科學館希望在建築外型類似香港太空館般有其建築特色,因此貝聿銘及其子貝禮中在2004年下旬親自到澳門進行考察及設計。貝聿銘的考察團一行在主要在澳門觀光塔第六十三層的觀光層進行主要參察地,就澳門科學館在景觀、交通、地理等和澳門政府相關部門進行商討及可行性;而澳門科學館的選址也是由貝聿銘倡議的,他為澳門科學館選址於澳門文化中心對出的海面,而他的倡議也被澳門當局許可下在澳門觀光塔執筆,親自為澳門的科學館勾劃設計草圖。

2005年12月上旬,澳門政府正式在澳門文化中心對出海面為澳門科學館的興建進行填海達六萬二千平方米的填海地;翌年10月19日,澳門科學館主體建築工程正式展開,並在2009年底落成。
[PR]

by agostinho | 2010-01-25 19:36

boring sun

今日無咩做,
好悶…
其實有咩可以做呢?
[PR]

by agostinho | 2010-01-24 19:33

1980's

「八十後」尼個詞彙是近多個月來被「採用」,也是標誌著一個「新時代的興起」。香港八十後的文化、示威已經改變以致影響了香港的本土文化,但為何自稱為五十後、六十後以及七十後的人會感到害怕呢?

香港的八十後其實都是和平的人士,但面對著每人要支付一萬大元去興建高錢香港段,你又會甘心嗎?一萬,儘管一名八十後在香港大學畢業,也未必可以有月薪一萬,即使有一萬元作為月薪的話,也都一定有了較多工作經驗或是早已投入勞動市場工作。至於澳門「八十後」,大多都較香港八十後富有,這都是因為他們大多在娛樂場當荷官,因而有這個月薪,但回看當文職的話,最多七、八千而已。

今日參與一個名為「『八十後』現象分享會」;與會人士包括講者都以香港青年以苦行方式等等實例來說明以及分享反高鐵的八十後,但分享會在澳門進行,議題旨在香港是格格不入,並引起不到什麼反應。

生於八十後的我我識不少港澳的八十後,而兩地的八十後都各有不同。先說香港的八十後;香港八十後可以說是物質主義的較多,每日都併個你死我活之後就會娛樂一下;當然,香港人會盡量把金錢投資在他們的外表之上,因為香港人總是覺得外表的打扮是非常重要的,但都會盡量留一點錢作日後不時之需。反觀澳門八十後開始香港化了,努力打工的錢都放在娛樂上,打機、飲酒、唱K等等消費性的娛樂;嚴重的就是澳門青年大多不懂得「儲蓄」這二個中文字了。

早前香港八十後反高鐵的活動令到五十後、六十後以及七十後反感而大力反對其行為。八十後的這一代將會改變社會,成為一個新的秩序、新的棟樑,但現時已經受到五十後、六十後以及七十後的無理反對,在這個情況之下,八十後的文化如何成功站在頒獎台上的最高點呢?
[PR]

by agostinho | 2010-01-23 18:16

result

今日禮拜五,
exam既結果仲未出曬,
當年有人話IFT既公布效率好快,
但今次我真係唔覺得快囉,
不過我對個成績唔會唔落觀,
因為acct已經失敗左。
[PR]

by agostinho | 2010-01-22 17:38