<   2009年 12月 ( 31 )   > この月の画像一覧

The last day of 2009

今日係2009年既最後一年了,最後一日就同兄弟一齊過,真係可以話兄弟過年,兄弟大曬!哈哈。首先,2030響銀行中心等阿聰,之後就去buy左隻16GB既手指,之後就食晚餐。

跟著我地就去尖咀找Christian,之後就響新港打機;不過,同舊年相比之下,新港機鋪細左一半。我地打左大概一個鐘頭既機就去新灌接Kyle了,可惜今晚無小k啦,如果唔係就「五大核心」嫁了(C兄都因事要走先)。點知,Kyle間鋪既客好唔識做囉…搞到Kyle遲到2403先走得…唉…倒完數都未放得工,真可憐。
[PR]

by agostinho | 2009-12-31 23:29

Dia do Dylanbb

今日又同Buddies中既buddy既Dylan出街,因為佢放假嘛,哈哈。無見2日姐,都仲可以大把野去講…太好了。咁落去…做得兄弟都得嫁了…哈哈。

我地先去學聯,因為我要搞國際學生證,點知條友就串咩咁:「以澳門身份證黎嫁?」我就話:「旅遊學院唔係澳門嫁咩?」之後佢又死死地咁同我做張學生證。串,有咩用丫?之後就去Harbour既anges b.買左條鍊…幾靚嫁,個個都話靚,正!2010年就用佢黎閃爆全澳。

之後就過左去葵興找Cyrus幫我修下個頭…之後就落返MK同Dylanbb既2個朋友一齊響旺中既Neway唱K。唔講唔知Dylanbb原來好din嫁,不過都只限於唱k戈陣既姐…由原本話唱到2400都唱到2600,真係超曬鐘了。跟著響MK去坐小巴途中撞到Ir Ranz…可惜佢上左小巴,如果唔係就影張相啦…哈哈。
[PR]

by agostinho | 2009-12-30 23:40

Rico x Anson So

今日好悶呀…仲要訓死左到1630,都就黎可以破紀錄嫁了。之後Rico(方包)黎找我,跟著就出去玩左啦。

之後就過MK找Anson So,因為佢放工,所以就一齊食野了。坐地鐵期間,Anson So問我響邊,我就真係話唔知,佢話:「有燈牌嫁嘛」,但無奈真係無開囉。食完野都繼續講…由2400開始食野講到2600先走人,真係勁,仲要期間發現大家都鐘意去旅行既!太好了,第時去旅行可能有陪了。之後就各自回家去了。
[PR]

by agostinho | 2009-12-29 18:30

CHOICE x ChrisHim

今日又遲起身了…哈哈…不愧我是歐洲人是也。呵呵。

由於謙仔一遲又遲,所以我就上左去CHOICE度見下各位朋友是等下謙仔啦。無奈既係竟然小阜阜響CHOICE度囉…約唔到就可以撞得到,尼d叫緣份囉。

之後就同謙仔行街啦…但又好出奇咁同阿程戈日差唔多,又係要由MK去太子然後返去MK囉;搞笑!無見謙仔都有四年半了,但仲可以維持到尼個關係,真係唔野少嫁!好朋友黎嫁了…我地就咁一路行一路講…講唔停,太多話題了。之後我又入左小小野,幾好呀,不過好彩有謙仔帶路,多謝。
[PR]

by agostinho | 2009-12-28 18:22

Dylanbb

今日無咩做,而且又「早」到5點先起身,或許就係因為尋日起身既時間過長所致,所以我都無理會自己,俾自己訓一覺好好既。

晚刻先係我既「出動時間」,本身Daniel L.話一齊食飯嫁,點知Ray Lam就話落雨所以唔食…食飯姐,又唔係露天去食,借口。之後就同Daniel一齊去Sogo等等趣方換野,45分鐘之後去3個地方,而且每個地方既距離都唔近嫁,勁呀!之後2300我就過TST,因為我隻手錶響Cliff度…點知佢仆街,想佔為己有。好火囉!

跟著就要releax一下…所以去MK找Dylanbb。哈哈…同Dylanbb真係好好傾,好似一個已經識左好內既好朋友咁,所以我都好罕有咁俾左bb(buddies中既buddy)尼個地位佢。我地響雅蘭既一壽司度食野,點知一入門口就見到Daniel L.坐響度囉,我好火!因為尼個死野話唔會過海嫁。之後我同Dylanbb食壽司,成台都係囉…多到要急急口咁放落肚。

食之後就走了,點Dylanbb心血來潮想睇戲,又好想睇《神探福爾摩斯》,咁大家都想睇,而且只係開場15分鐘左右,所以就「照剎」去睇… 結果真係好好睇!跟著我地就各自回家了,禮拜三再見。
[PR]

by agostinho | 2009-12-27 19:25

CWC + Hit Awards + Anniversairo do Ir. A-lin

今日連走三場,仲要分響澳門、灣仔同埋銅鑼灣,真係會展業都可以殺人了。

一大清早0700過返澳門,為既就係要主持《第二屆中文維基年會開幕禮》既儀式,因為我要做司儀,非到不可就又因為Denise同Cynthia都唔free,所以唯有我唱獨角戲了。幸好,一切都要做順,所以都無咩言論既出現。當然,我也要在此多謝一班澳門既主辦單位對我既信任、大家通力合作等等先會成功。多謝你地。之後就響嘉年華一齊中午飯過後就將東亞運既記念野同文件送曬響澳門的家,之後又要飛的過返香港了,短短六小時既旋風式回澳又要等到出年先會回澳了。

跟著就返香港了,去灣仔度搞下個《新城勁爆頒獎禮2009》,成個event都算好好,而且好多獎都超出左預期,所以都「幾緊張」。但無奈既係新城一向貫徹左派聖誕禮物「分豬肉」既作風,所以成為今年都無咩睇頭既一個頒獎禮,或許,今年既頒獎禮既焦點就係無線既十大勁歌戈面了,因為無線同四大唱片公司不和既白熱化,會成為「英皇十大勁歌金曲頒獎禮」了。

由於要做新城既關係,所以Ir A-lin既生日晚宴都因我而要延遲到2300;在此向A-lin既各位出席人士講句真係唔好意思呀。阿哥,第一年同你慶祝,生日快樂呵!之後送埋A-lin到鵝頸橋之後,我返歸get埋d野就過G Point俾野Kenson,因為Kenson會幫我將野俾Ir Ranz;麻煩曬了。
[PR]

by agostinho | 2009-12-26 22:06

His birth

「平安夜、聖善夜,黑暗中、光華射……」隨著天主教香港教區聖母無原罪主教座堂聖詠團既歌聲,又是時候去同主耶穌慶祝祂的第2009個生日了。第一次以主教身份在聖誕子夜彌撒講道既湯漢主教表示每一年有好多嬰孩出生,我地自己每個人都有一個生日的日子去慶祝,但為何生於公元一年既耶穌會有咁多人仲要一年又一年、一代又一代不斷地同佢去慶祝呢?理由好簡單,因祂是天主的獨生子,也有一個重大使命之外,也要讓人知道他和世人一樣,無分彼此。隨此之外,祂也選擇了馬槽出世,就是向人表示同知道即使是天主子也不是享有高尚的享樂。湯主教仲表示,朋友之間彼此給予更多關懷,以生命影響生命,人間就更加溫暖、可愛同有人情味;而尼個亦是我一貫對朋友既作風同態度,永遠不變。

去完堅道之後就過去cwb找Keithkeith了…因為佢約左我落research既,無奈既係竟到然會見到Ryan kay囉,搞笑。我地戈台計埋我都係得戈5個人,心想,點解唔叫多d呢?不過,臨時拉夫出黎既都算係咁啦…好過戈晚得我、Daniel L.同埋Ray Lam啦。我地玩到0400就走了… 下午同晚刻Adley就陪我一齊…然後就約左Bee Ng一陣就回家了。
[PR]

by agostinho | 2009-12-25 21:00

Vespera de Natal

今日係平安夜,希望各位都平安啦,因為我知各位在平安夜都會平安。(講緊咩呢?我都唔知。哈哈)

今日又無人約…最後都係返「屋企」。今晚去左堅道(即係天主教香港教區聖母無原罪主教座堂)參加子夜彌撒。我響2100已經到左聖堂了,相對於澳門既話,我最早都會響2230先會到嫁,但今年好彩早到炸,因為堅道尼個主教座堂真係好多人到嫁,2100已經有人坐響度,而且都好多人,一點冷清都無嫁囉!

到左大概2215,真係「坐無虛席」了,工作人員拉地帶條,如果有位就安排坐位俾企位既人,但我就覺幾搞笑囉,因為澳門既主教座堂都無尼家野既出現囉,而且個個都好自律;但對於香港主教座堂黎講相對係叫得有規律好多,但我鐘意澳門主教座堂戈種「自由」。總括黎講都叫各有各好啦。
[PR]

by agostinho | 2009-12-24 22:01

What a boring

今日成日無野做呀,成日響屋企度過,悶到爆根了。
[PR]

by agostinho | 2009-12-23 22:07

Last time to meet Alfred

今日又一日「訓死左」,不過今日仲勁,因為今日訓到1630!我既歐洲時間式又黎了,不過唔會維持好內。1900,阿妹Sherry叫我去City度找許廷鏗,我見應該我離開香港之前都會無咩機會見到許生嫁了,所以就入City最後會晤Alfred了。1930到左City了,點知原來係響城大宿舍,所以就坐的入去;搞笑既係阿思唔夠十分鐘又飛的入黎,咁點解唔一齊飛的入宿舍呢?搞笑囉。

Alfreed唱完之後就同Alfred影左一張應該係今次響香港既「最後一張相」了,希望你響《超級巨聲》度可以盡你既能力去唱好每一首歌,即使有日要告別《巨聲》行列的話都唔好喊,因為你已經Try your best同埋要be a good man,你講嫁!之後就響又一城既壽司鋪食野啦,成班人一共11個人囉,勁!最後,還要多謝Alfred簽單,可憐的Alfred。走戈陣,Alfred話有隻比卡起夾左響扶手電梯度,跟著唔記得咩了,不過好搞笑囉,爛爆過我。

返左CWB之後就找左On了,跟著MSN同朋友講下同埋講下電話之後就訓左覺覺了,這就一日了,時間真係過得好快囉,一日可以是48小時而非24嘛?
[PR]

by agostinho | 2009-12-22 14:01