<   2009年 09月 ( 32 )   > この月の画像一覧

Waiting for the first holiday

明日,係大陸既國慶,雖然叫做唔關我事,但我可以因此而放假;咁叫唔叫關我事呢?關既…

今日返學,個個都無咩精神去上堂,理由就係個個都好期待放學既一刻,開始四日假期;而我,我都好想放假呵,因為自從戈日颱風假之後,就無假了,而可以講句就係成個九月都無假放,辛苦成個月先有幾日假放都好既。奇怪既係禮拜六下午同禮拜都放假嫁啦,點解我唔覺得會係放假既呢?可以是習慣掛,K型。

放學之後就去入左200 is了,幾好呀…又輕又靚。在此多謝阜阜同beaker.
[PR]

by agostinho | 2009-09-30 18:43

Cats and dogs

「打風唔成幾日雨」尼句話係唔係真既呢?因為今日一連幾日都會落雨。我好鐘意落雨嫁,因為咁就可以將好悶既大熱天氣趕走曬。當然,落雨都會有點煩既情況,倒如要帶傘子,否則無傘子就好煩了,最差既情況就係「落湯雞」了。

落雨,尼4年都用同一把傘子,不過,尼把最有紀念性既傘子就黎要結束佢既任務了。四年後既今日,我應該選用咩新既傘子好呢?
[PR]

by agostinho | 2009-09-29 18:36

A typhoon for T1 only

一個口會發出一號戒備信號既颱風凱薩娜,澳門竟然可以響700幾公里外既颱風都發出三號強風信號,尼個係咩天文台黎嫁?其實尼個「三號強風信號」既強風係受到季候風既風力而影響,而唔係颱風凱薩娜既風力囉,澳門氣象局真係丫。今日放學就落雨,好彩都叫做唔算大,仲成身都濕左小小係無法嫁了。尼個只會一號風球既颱風打黎做乜丫…唉
[PR]

by agostinho | 2009-09-28 18:31

World Tourism Day 2009

9月27日,係世界旅遊日。今日就被學院強姦曬我地成班人去幫澳門旅遊局做世界旅遊日既活動——托盤比賽工作人員。

1230到左澳門旅遊局既商務中心,等到1255先有人黎同我地做briefing,跟著局方既anna同佢同事就就解釋我地要做咩同點又點…跟著就派水、派紙同埋派筆俾我地用。跟著就帶我地去去企咩位,但好k型囉,點解唔可以用個floorplan然後叫我地企響邊呢?旅遊局尼班人一定無做過澳門東亞運!

1325散水無聊到爆!跟著就去食小小野啦,但又飽飽地…咁食咩好呢?最後就想到珠記,所以就響珠記既正鋪食。珠記,以前去整頭髮之前都會響珠記食左碗野先整頭嫁,所以珠記係陪我大既一個歷史地點之一。食完野,又早播,所以就去玫瑰堂,坐到1430先出黎,期間當然同我既天上的爸爸講下野啦。

a0094795_20533473.jpg由1430就企到1455,局方既人就叫我同O小姐一齊企,太好了!因為無咁悶嘛。其間有個法輪功既人黎同我答散,所以我就講到佢悶爆,佢最終都自己走開…哈哈。不過尼個時間就悶倒O小姐了。1510左右,第一批既女子組黎了,大概15分鐘後就到男子組;不過參賽人士就勁犯規,10個有7、8個都犯規,而且係好明顯咁去犯規!所以好在有O小姐講邊個犯規號碼我知,我就寫邊個犯規。大概到1535就完曬了,跟著返澳門旅遊局商務中心…講小小野之後就走了。

尼個咁既活動仔就浪費我既時間,只是半個鐘既活動就由1400先集合都得啦…無奈。另一方面,又浪費左我一個可以休息既安息日。
[PR]

by agostinho | 2009-09-27 20:40

Event people do not know the bidding

今日上MICE212尼一堂,不過Glenn係唔係唔識去教書呢?因為佢話美國總統Obama寫信俾IOC既成員,希望佢地會響10月2號響哥本哈根投票戈陣投俾芝加哥,讓芝市成為2016年奧運既主辦城市。

不過,Glenn意然就話Obama寫信俾IOC成員係顯示芝市以及全美國對申辦既信心。無錯係,但佢無講明清楚表示尼個係IOC既規定之一。當然,IOC一定要規定當地政府要咁做,但就無講明係戈個國家既總統要咁做,但申辦奧運係個辛苦事,所以好多申辦城市都會咁做。所以Obama咁做,其他三個城市(里約熱內盧、東京以及馬德里)都會咁做嫁啦。尼d就叫人做誤人子弟了。

其實,Glenn話本申辦書好厚,但其實只係得戈100版都唔夠仲要雙面印既申辦書,就叫厚咩?陳水扁既案件既一審判決書就已經加工咁印幾日,試問申辦書可以叫厚嘛?
[PR]

by agostinho | 2009-09-26 18:54

How should we read English in a proper way?

禮拜五…係我最開心既一日,不過今個禮拜既禮拜五就有點失落。失落既原因係因為今日要補堂,仲要係英文,不過,上午就可以遲個半鐘先返學,有得又有失啦。響尼個情況之下都唔知應該係開心定還是係唔開心既好了。

其實,我記得Mr Ma話過澳門電視台報英文既人所講既英文真係唔得,而家完全同意佢既講法,理由就係當中一個報導員既教我地英文,佢今日係咁將個「ed」尾凸黎凸去…仲要凸得好大聲,超難聽囉,仲話佢唔會教錯我地去讀!救命!

其實,我覺得讀定還是同人對話用英文戈陣,只要清清楚楚咁俾人知道你講咩就得了。我仲好記得Mr Rana同Mrs Rana都曾經同我講過,佢地話講同讀英文只要被人知道你講咩,就算真係唔識表達、讀錯音、文法錯左都唔係主要問題,最重要人地明你講緊咩。當然,用最正確既方法去讀英文係最好既,但特意去將個「ed」、「th」尾既字讀得凸黎凸去、呼黎呼去,即使讀得無錯都變得好難聽。
[PR]

by agostinho | 2009-09-25 18:24

If we w/o internet one day

今日…又好奇怪。因為今日上msn同人講講下就要走,不過奇在係一個接一個,好似有人覺得我悶,所以又「找一個」黎同我繼續msn,唔知係唔係呢?希望啦。

晚刻,大概響2030戈陣就load唔到facebook,跟著問vincent就話有人hack左facebook同CTM既DNS…(即係有黑客入侵)!所以都好驚,不過,我就覺得如果我地無左互聯網戈陣會點呢?人和人之間既溝通會點呢?
[PR]

by agostinho | 2009-09-24 20:38

I am a good guy

尼幾日覺得好奇怪,奇怪在於好多人都話我好乖,無奈!不過,有人話我乖係好事既,難道人會鐘意聽到有人話你係壞人、bad guy咩?哈哈。

尼排響度等一個身在澳洲既新朋友叫kaima MSN,時差幾個鐘問題姐,但都好難去撞到一齊msn。不過,佢都幾好人呀,因為佢已經同我約定響12月大家見面!期待呵。另一個時時都好似唔知幾時上網既係Anson!哈哈。而家,我準備開始接受大家同我約會,當然會分開兩批;第一批會是兄弟同好朋友優先,第二批就會係朋友約會。有關約會問題,請大家留意我既facebook invitation。
[PR]

by agostinho | 2009-09-23 23:28

Am I a sleepy buddy?

訓覺,對我黎講好緊要,因為有時想訓都訓唔到,但有時就唔想訓既時候就會眼訓。自從開始左我既大二生涯後,日日既訓覺時間都好唔定,有時真係連上網既時間都無曬預算。唔知我既訓覺時間幾時先會「normal」番曬呢?

我覺得尼排受到陳柏宇既影響,理由係因為我訓覺未入睡戈陣以及起身戈陣都一定會頭到903播陳柏宇既歌,我覺得商台好有意響年底俾一個獎佢囉,否則做咩要播咁內呢?因為由7月到而家嫁了。另一方面,聽到張敬軒既新歌《Yes and No》,尼首歌同軒仔之前既曲風都好唔同下,不過都好好聽。
[PR]

by agostinho | 2009-09-23 20:18

the result

今日…澳門立法會選舉投票日後既第二日了。晚上,選舉委員會公布左有關既消息了,結果同初時既結果一樣無變。但身為法官既馮文莊就多次保護自己既團隊,對於選委會以及有咩錯都全部話:「無。」澳門既立法會選舉真係完了,四年後希望各位可以選出一個對自己投下既議員了。各位新既議員,希望你地真係會實行你地既競選承諾。
[PR]

by agostinho | 2009-09-22 22:49