<   2009年 08月 ( 31 )   > この月の画像一覧

2/3 of Year 2009

話咁快…
2009年已經到左2/3既「界線」了,
真係好快,
唔知今年會響邊同邊個同我跨年呢?

今我識左個臺灣人,
佢既另一半響香港嫁…
不知佢地可以一齊幾內呢?
祝福。
[PR]

by agostinho | 2009-08-31 22:37

Festival Comico de Macau

返學之前既最後一個公開活動就係「澳門同人節V」了。今年既「澳門同人節」係第5年嫁了,不過我就第一次去… 今年我去睇都係因為2大原因:一、Sohome過黎扮維基娘;二、尼排睇comics多…

澳門同人節同香港既動漫節真係差天共地…香港動漫節既情況真係無需我去形容都知嫁了,但澳門同人節就真係冷清到爆,爆到係空到你想點行就點行咁空!當然,今日既「主角」係找sohome尼個人物啦…去到戈陣,都好多就找到佢了,跟著同佢影既相…及後做左佢既special photographical!及後自已都影左d… 見到有《魯魯修》既cosplay…不過扮zero既就唔算好,因為我鐘意zero作戰戈個mode而不是學生mode。
[PR]

by agostinho | 2009-08-30 23:18

Feeling to the torch relay of HKEAG

作為東亞運動會主辦城市的香港,終於在今日主辦了聖火傳遞活動,路線類同於北京奧運聖火香港站的一樣,但和多哈奧運聖火在香港傳遞的路線是完全一樣,可以顯示出當局是沒有「創造傳奇一刻」。

香港東亞運動會的一百日倒數聖火傳遞本於2009年8月27日舉行,但不知為何組委會方便竟然將改為倒數97日「改為」100日倒數,我想問開幕式是否也是延期至12月6日呢?否則為何會是倒數百日呢?香港不單是為香港東亞運創造了傳奇一刻,而且創造了三天出來!700萬香港人全被騙了!

對於早前的「風波」,其實都是香港東亞運動會「效法了澳門東亞運動會」。澳門的第四屆東亞運動會所有節目的製作權都是全部給予中國中央電視台,連開幕式都是「進貢」於中央的,而當年運動會其中一個轉播權落入在無線電視手中,記憶所及無線電視只是把澳門東亞運動會在《體育世界》以及訪問身為組委會主席的蕭Sir(即蕭威利)而已。香港東亞運把這個聖火傳遞的節目製作都是交予無線電視,也要在電視廣播城做,就有別於澳門的一屆。澳門東亞運動會舉行前曾經舉辦三次聖火傳遞:倒數一週年的「開元之火」、西灣大橋通車前的「回歸之火」以及倒數三十天誓師大會的「創紀元之火」合共三次的聖火傳遞,但無一次出現問題。

火炬手的名單中,可以說是道出這個那個火炬手是代表何等機構、區議會等,但有關的選拔都不知從可以來。還記得北京奧運火炬手名單是有場show而出來的,但絕大部分都是「內定」的,而澳門東亞運聖火火炬手全是由組委會精心安排,但令人生氣的就是燒點聖火的最後一棒竟然要落入中國大陸一所武術學校的小朋友手中,最終一棒都是和澳門人無緣。而香港東亞運聖火的最後一棒會是如何點起呢?

香港東亞運開幕式會在維港上演,將會創了全球所有運動會的不在體育場館進行的先河,首先,來自不同國家及地區的3000名運動員如何進場呢?莫非要在坐船進入維港呢?另一方面,介時由「開元之火」、「回歸之火」以及「創紀元之火」合併而成的澳門東亞運聖火將會如何在香港又一次點燃起來呢?不知聖火會否由維港飛至將軍澳運動場這個主場館呢?真的令人非常期待。

最後,相約大家於12月5日香港文化中心的香港東亞運開幕式見。
[PR]

by agostinho | 2009-08-29 23:05

Day for enrollment

今日IFT要求響0930到1030做enroll,其實做得一科既enroll之嘛,因為其他幾科都無得選擇既,咁enroll黎做咩呢?無聊!今年既時間表好K型,IFT真係真不該了。

不過我一路enroll唔到,好彩響facebook問Jones點解我做唔到,點知Jones提醒左我要做左reg先enroll到。做完reg都已經0945了,心想個時間表會仲差,點知又被我enroll到英文響個好d既時間表,咁就令個時間表好睇好多了;而enroll左英文之後,只得6個位炸,超好彩!

跟著就訓唔著就唯有上MSN啦…點知Sherry就問我野,當中仲有好幾個例如Yoji尼排好少講MSN既朋友都同我MSN,勁開心。跟著響1600就頂不到而訓了,訓到1930;晚餐後由2100又訓到2600,你話我今日係唔係k型呢?
[PR]

by agostinho | 2009-08-28 21:27

Feliz anniversairo ao Senhor Yama

Feliz anniversairo
ao Senhor Yama

也媽生日快樂...
27 de Agosto, dia de amizade dos amigos.

也文薩奇.華渣!今日,是一個好特別既日子。之唔係你既生日大日子囉。不過,相信你今年都可以「成功分身」去到好多個朋友慶祝你生日既地方,對嗎?係唔係著你最鐘意既湖水籃色呢?相信你戈陣都聽過我意見之後都無響大熱天時著boot喇呵?又不知你有無黎左澳門呢?這一切只有你先知了。

今年既八月二十七日明顯就是一個令我好難過渡的日子,但又係好特別。雖然今日係你生日,而我正常黎講要搞學院既野都同唔到你慶祝生日,但舊年你的生日竟然成為往後的絕筆。我地之間和你最好一班既好朋友相對而言,我地認識時間雖然唔算多,亦和你任何一個好朋友都不及他(她)的半成以至一個巴仙,但有幸成為大家心中的知己朋友,有咩都會講出黎,我覺得我識到你以及互相可以講到心事就已經我人生之中是無憾的事。

雖然你離開左我地各位都有一段小小時間,雖然當初真係無法接受,而且是較難過的,但我仍然感受得到你的「威力」以及「影響力」仍然存在於你每一個朋友之中。你可知否我因你而認識了不少的朋友呢?當中有壞的,但也有好的。因你離去而令我間接上認識了你當天所言會介紹你的好朋友給我認識,但認識了又如何呢?因為我和你的好朋友原本不是朋友,如果成為朋友呢?搞笑既係咁既場合黎識朋友,會否K型同好怪呢?(因為有人借你過橋而識人、「強取」對方電話喇…)幸好,以我間接而識既…唔好的都不算多,也被我一一擊退左佢地了;而家,全部都「無咩聯絡」了,因為戈個一下子的時期都叫做已經「過去」了,一切都回到平常時,但只是有些東西沒法回來,總是覺得缺少了什麼。

要告訴你一個好消息的知的是,我因你而多左個妹妹Sherry…多左尼個妹之後先記得曾經同你講過我兄弟就多,但妹就一個都無,戈陣你叫我「放心」,第時一定有,所以這個係關係是否由你一手「造成」呢?無論如果,都因你而令我多了一個妹妹;感謝你。尼個妹都好有我地心既…你知嘛,佢話會響今個禮拜六要親手整個蛋糕俾你,又問我你會鐘意咩蛋糕,我就代你斷言答左佢只要有心的話,是什麼你都喜歡,對嗎?仲有,佢問我同你講咩播,哈哈,尼個妹真係好乖女。

以前,每當有事想和你傾訴就永遠響MSN等你,而家就點等都等唔到;而家我就好似d癡人咁自言自語咁,因為我有時覺得靈光一觸的覺得你響我身邊。這是我的錯覺還是真的呢?一個解不開的謎。實說,今晚作了一個夢,夢中見到我全部親戚、全部兄弟、最好既朋友都好似太空人出發前送行那樣被隔著一一向我望了幾眼而離去;奇怪的是我記得個夢裡面見到尼班好友既同時,佢地個個都是哭著、落淚;及後就出了一個全黑色的情景,之後就見到和你響一個籃天白雲既大草地上。這個夢是什麼意思呢?尼個夢好深奧;醒來時也摸不著頭,也令我解釋不到,你知嘛?

最後,你知今日仲有100日就到東亞運開幕既大日子嘛?好巧合的是今日你生日就倒數百日。你記得到時跟著我一齊去睇東亞運呀…同埋到時慶祝我生日呵。仲有…最重要戈樣就係生日點少得生日禮拜呢?今年你既生日禮物真係唔知點俾你,所以唯有存放響我間房,幾日後應該就會搬過去飾物櫃度。

Miss u buddy, care at anywhere.

Agostinho@827/09

(2009年8月29日0420 改為公開)
(2009年8月29日0530 修改)
[PR]

by agostinho | 2009-08-27 20:27

23th wedding anniversary of Melinda and David

Melinda同David「為左慶祝23週年結婚紀念」,的所以就特別搞左個23日流水式既結婚宴會,今晚我出席左,同過Melinda同埋Davia對對手…尼個刻意做出黎既「效果」好假囉!

講返個宴會啦…全程以「5」黎做show,大家都知點解嫁啦…但又唔可以講張出口點解,都幾煩下嫁。至於宴會安排上,David就「開演唱會」,雖然都叫做不過不失,但真係有如《多啦A夢》既技安咁,好心你坐落食野好過啦。

講開食野,都叫做幾差下;不論在安排、服務、招呼等等都可以話係差到勁囉。安排上無咩次序,所以搞到好似難民式咁去食(當然我地先無咁白癡)。服務上,所有既waiter都好似做又36,唔做又36,叫佢get杯水都無下文,乾死我了!而招待上就好假情假意,根本就唔係出自真心,咁做個大show有何用呢?
[PR]

by agostinho | 2009-08-26 22:32

Anything can be a bit special?

今日真係好悶…
搞咩呀?
日日都好似repeat緊個生活無變過咁…
好無聊下呀…

抽中獎,
套野響韓國嫁…
都算好靚下呀…
[PR]

by agostinho | 2009-08-25 19:31

Show good

今日是最後一日向台灣風災下半旗。

今日下午睇cable既直播新聞台睇東亞運既記招…香港東亞運終於肯作出承擔了,把火炬既「終點」放返響灣仔既金紫荊廣場度,都算是可以叫做「聽取民意」而唔會一意孤行。至於門票上,東亞運也宣布左響下禮拜一就可以buy ticket了,不過我今次又「唔駛休」了,因為我已經報左做press,希望下個月有好消息啦…

今晚開始又做《蘇good》了,唔睇就走寶了。至於今晚就要幫Arthur(阿一)去整forum個banner了。
[PR]

by agostinho | 2009-08-24 02:38

Senhora Hong Kong do ano 2009

今日是第二日繼續為台灣風災下半旗。

今日成日都是講msn囉…無咩點做過下,不過都是要時候寫返2篇文章嫁了。第一篇會是寫番對於「五區公投」既利弊,而另一篇就會寫有關東亞運聖火最後一棒點火響無線電視既觀感。不過,今日響尼度就要講最新出爐既香港小姐了。

a0094795_453179.jpg今日又睇番尋晚一年一屆既香港小姐選舉盛事,結果都無咩心水,所以都咩好講啦,因為每年既水平以及質數都好差下去,唔知幾時會有一個響選前就有個「心水港姐」既出現呢?有睇港姐選舉既人都知會是由「霍太」朱玲玲取代左舊年冠軍既張舒雅;被喻為港姐史上「最hea冠軍」的張舒雅,今晚改寫港姐決賽歷史,未能上台為應屆港姐冠軍加冕,結果由朱玲玲頂上擔當此重任。a0094795_49760.jpg至於「霍太」朱玲玲真係好靚,仲繼續有當年既風采,起碼好過1997年既澳姐羅慧雲成個師奶啦…哈哈。成晚香港小姐最好睇既就係曹格率領十八位《超級巨聲》參賽者以beat box形式演唱,真係最好睇一唯一一幕。而最cheap既一幕係曾志偉問朱玲玲香港小姐冠軍應該點就擺明暗指張舒雅做得好錯(但是否無線叫曾志偉咁樣去講呢?因為佢地會有「預稿」嫁嘛)。
[PR]

by agostinho | 2009-08-23 23:48

In memerial

今日起為八八水災下半旗三天。
為向臺灣88水災罹難者致以衷心的悼念…
請各位在今日活動前、
會議召開前等都可以
為罹難者默哀三分鐘。

今日召開維基會議,
我覺好多野有人全不讓步,
而且仲要針著我,
試問點解佢要咁做呢?
[PR]

by agostinho | 2009-08-22 18:35