<   2009年 07月 ( 31 )   > この月の画像一覧

time is limited

今日算是一個好忙既日子,我想講係時間好似唔夠用。今日下午先去左林家駿主教既悼念儀式,真係好唔白點解一定會有人響白事會搞亂個檔囉,以及會做出一些不尊重人既野。儀式由天主教澳門教區主教黎主教、天主教香港教區主教湯主教以及陳日君樞機做主祭;當林主教既出殯時候,全場以拍手向主教表達,尼個方法真係好好。

跟著就去綜藝館既體育發展局交表,希望可到申請得到女排大獎賽澳門站既記者證啦。之後由細wing陪我去buy mouse。起初眼見個個mouse都要100有多,最少都要99,不過,好在有細wing陪我,因為佢無意之中發現有個45,唔駛問人啦,即刻成交!

跟著就去書局找書,因為書卷今日係最後限期。最後入左四本書,當中三本是林夕的,另外一本是健吾所寫去講日本野書。
[PR]

by agostinho | 2009-07-31 22:42

Will those dreams come ture? Hope not.

兩個月內接受左兩單不可信信既突發性事實,我的心真是交碎了,碎了。心碎還要訓下覺既,但「昨夜發的夢」就令到我覺得好恐怖,因為我竟然知道左我既將來會點,好恐怖!

今日去左剪頭髮,叫做修髮好d,因為轉緊個look嘛…所以我講清楚左要問剪,剪既時候我一定會訓左,點知起身戈陣差左小小囉!唉,可惜響澳門啦,否則一定叫Cyrus同我剪;無法子啦…

返到屋企之後,阿媽驚叫!原來屋企無啦啦有好多穀牛既出現,救命!
[PR]

by agostinho | 2009-07-30 22:02

nothing

痛?個心小小啦…

今日都無咩做嫁了,
響度玩Airline Manager,
其實我就覺得d人話讀左學士出黎之後,
到時一定做manager嫁了,
但我想講係唔係一定會做到manager呢?
大大疑問…

另一方面,
我今日都好火既就係
澳門日報竟然對於林家駿離開既消息
都仲可以半字不提!
[PR]

by agostinho | 2009-07-29 20:41

D. Domingos, you are my bishop

唉…這幾天,我的心總是覺得不好受,想和那好友交談,但那好友已去,只能夢中「相見」。

今早就想訓覺既時候,就見到怡親王王儲響facebook既一個突然既消息;信息牆上寫著「林主教咁就返左去,真係好突然lo !!」我真係唔信、唔信!林家駿主教點解會離開得咁突然呢?由於已經處於0600既時候了,但為左證實消息是否屬實,所以我就立即上網一查…澳門教區無、香港教區都無…但香港公教報出曬…唉,林家駿主教真的離開了…短短兩個月之中要接受一個知心既朋友以及我既良師既離開,我個心真係好痛,尼種既傷痛可否唔好咁多呀?好辛苦呀!

a0094795_239457.jpg林家駿主教,可以話唔算熟悉既,但同佢都好有「緣份」;首先我地大家都是出自同一個師門——澳門聖若瑟教區中學,及後也有讀過慈幼會辦學既學校。而我在我小學入讀澳門聖若瑟教區中學第二、三校既時候,每逢「大時大節」都會見到林主教為我地講道、教授做人既道理等等。轉校之後,我也不時可以接觸得到林主教既道理,對於我既人生既視野都因佢而擴大不少。

林主教講道既方式,是香港地區好罕有既,因為佢既講道方式好特別,而且會由最近發生既野加以「笑料」既方式同你去講,到最後大概5分鐘就會好詞彙強烈咁講左咩你知。記得有次林主教望著我,我就同佢講左聲招呼:「林主教」主教就露出笑容,並同我說:「乖仔,我而家唔係主教黎嫁了,退左休了,做番一個「普通既神父」了,而家既主教係姓黎,響戈度播,你係唔係搞錯左呀?」林家駿主教總是喜愛講笑,一個好好既人,不過鐘意食煙既佢永遠唔會響他人面前食煙仔;不過有時坐車既時侯響車入面食,而咁巧就響當時落車竟然整左先支煙,所以講佢都唔會教壞細路既。

林家駿主教,願你繼續在天上的爸爸身旁服務吧。
[PR]

by agostinho | 2009-07-28 20:05

In Memoriam D. Domingos Lam

澳門榮休主教 首名華人主教
林家駿安息主懷
【號外】【公教報】(本報訊)澳門教區榮休主教林家駿於七月二十七日病逝,享年八十一歲。
  澳門教區主教黎鴻昇七月二十七日對本報說,林主教於五月十一日起因病入院,於七月二十七日下午病情惡化不治,逝世時親人及教區內多位神長陪伴在側。黎主教說,澳門教區稍後會公布林主教的殯葬禮儀安排。
  黎鴻昇主教讚揚林主教在任期間貢獻良多,於澳門回歸之際帶領教區過渡,並在六個堂區之外設立了三個準堂區,配合澳門教區之成長;在社會方面,他擔任過澳門基本法起草委員,積極服務社會。
  一九八七年教宗冊立林家駿為澳門教區助理主教,協助當時的葡籍主教高秉常。一九八八年十月六日高秉常主教宣告退休,由林家駿接替主教職,成為當地首任華人主教。林主教於二零零三年宣告退休,由黎鴻昇接任澳門教區主教。
  服務澳門的寶血會梁潔芬修女七月二十七日說,林家駿主教在任期間鞏固了澳門教會的橋樑角色,讓澳門教會與中國政府保持良好關係,以服務內地信徒。梁修女讚揚林主教是位精明的牧者,具領導才能。她說隨著澳門移交至中國大陸,天主教在澳門的角色有所轉變,林主教讓澳門教會發揮橋樑角色上的優勢。
[PR]

by agostinho | 2009-07-28 00:00

Sleepy buddy

先講返尋日先啦…本身響前晚會去Kenneth既生日既,但Lammers都唔去,所以就等joey姐電話啦…點知12點幾先打黎,所以本身叫Lawrence陪我去都無去到了。不過,我應承左Kenneth會同佢食飯補數既。不過無去Kenneth既生日就令我舊年生日既願望成真左,因為其中一個願望就係可以同Ryanze做返兄弟,而尋晚譁講左好多野,而Ryanze都認番我,所以好開心。尼d係唔係叫做因小得大呢?

尋日黎講都算係7月最忙既一日,Albert響1100打俾我,叫我即刻起身響wiki度寫「崔世安當選」,但開電腦5分鐘後睇到但電視機就覺得佢係唔係「想害我」呢?因為戈陣唱票先唱到103張,都未過半數…點寫呀?及後又發現佢一早就寫著「……XXX票……」,心想,你想玩咩呀?你有立場在先都唔可以響尼個平台上玩、寫定嫁播…

下午就去左耶穌會紀念廣場(大三巴下面戈度)睇下「反崔」活動,點知離曬大獲囉,大大個字寫著「2019普選特首」,但香港都爭2012啦…咁澳門都好應該同高天賜既講法一樣要響2014啦,但無奈尼班總是自稱為民主既人要話響2019呢?可恥!

之後都有小小唔開心,算是有小小唔開心既啦,因為君好自己一個人飲曬成支紅酒!我最鐘意既既紅酒呀…其實我知君好因為咩事而飲既…希望你可以快d做番我識既君好啦。

今日可以講係我既訓覺日子,由0600訓到1700,之後又響2200訓到去2530!不過真係長一個好好既休息,訓多d唔係問題既,畢竟無野做嘛。
崔世安既當選真係成為頭條,勁!不過,我也要做尼個崔先生既編輯到介今日既0600。
[PR]

by agostinho | 2009-07-27 21:57

Fred as the new CE of Macau

我唔係撐崔、也不是反崔,但下列都是為客觀地分析點解崔世安可以當選為新的行政長官。

係澳門人都知今日是澳門發生左一單大野!不過尼單所謂既大野算是大野嘛?畢竟尼單大野係人都一早就知道個結果——崔世安當選新的一任行政長官。無論對於崔世安出選、當選等等,我都表示支持的,因為澳門真係無咩人選可以勝任得到行政長官這個位置;要做到這個位是不簡單的,首先要有承擔的責任、「阿爺」鐘意你、歷史既問題等等,

崔世安為人所知的是崔世安出身於崔家,崔六是為祖父、父親崔德勝、叔父崔德祺,而兄長崔世昌及堂弟崔世平在澳門的政商界都有一定份量既地位;而崔家就是有澳門三大家族(即何家、崔家以及馬家)之稱後代之外,而崔太霍慧芬更是被稱為「中國共產黨的親密朋友」既霍英東既姪女,試問這個關係又如何無份量呢?澳門現任行政長官是何厚鏵(何賢之子),而馬家既第二代(指馬萬祺的兒子)也在政界有較少地位,因而被指以第三代為主「先會從政」,所以崔世安是必選人物。

至於崔世安已經響1999年早已入左何厚鏵既政治班底,而且出任社會文化司司長既職位實是唔簡單嫁,因為尼個社會文化司既職權是包括左文化、教育、體育、民生、福利等等範疇,難聽來說的就是澳門五位司長之中最難做、最多野做既一個,但就可以得到政府經驗最多既一個重量位置。

對於坊間盛傳身兼全國人大常委的澳門行政會成員賀一誠、澳門檢察院檢察長何超明以及經濟財政司司長譚伯源會出選,但我覺得即使出選都唔會對崔世安有什麼特別的影響,因為賀一誠已經被傳為出掌第三任(即第五屆,2019至2024年),而譚伯源就無咩特別;至於最強既「對手」何超明則單單以打貪狗而民望高企,試問一個無政府經驗既人會是治澳既最好人選嗎?所以,非崔莫屬!

對於崔先生因為三大運動會(即東亞運、葡語運及亞室運)既問題以及有開支問題都同蕭威利既情況差不多,崔先生和蕭先生都是被「點名」要搞好尼三大運動會,是職責所在,不是他個人本身既問題,所以尼個反崔理據根本不可以成立。
[PR]

by agostinho | 2009-07-26 23:19

Please respect

你知你好cheap嗎?
Cheap到我都喜出望外囉,
而家你錯,
你就竟然將錯就錯就全部怪響我身上,
咩人黎嫁?
我未見過咁cheap既人囉。
你知你咁既行為好唔要得呢?
多麼的可悲為你祈禱。
[PR]

by agostinho | 2009-07-25 20:03

Feliz aniversario para o meu irmao Kyle

今日係7月24號,祝我細佬Kyle生日快樂,也希望快d繼續大個仔啦…20日後同你補返…

今日都算是一個幾好既日子,因為我終於忍唔著而打左去廣星(我屋企既天線服務公司,也是澳門有線電視)。當然,無得曬數碼頻道都算啦…仲要連模擬都七月飛雪…算點呀?我話足佢地戈個主任25分鐘,搞到佢無野好講、無聲出。

投訴期間,佢一路都反駁我…你知啦,對著一個嬲緊既人都駁咀就抵佢死既,所以佢又想推責任戈陣,我就會大篇章咁話返佢地;下列為幾個簡短例子:「我地尋日已經派左師父黎睇過嫁了,佢話無問題嫁播」「咁睇左又點呀?問題仲響度就唔駛去理既?廣星咁勁既咩?而家有問題先會打黎嫁啦,你當我玩野呀?」……「我地d師父好忙嫁…」「咁又真係響忙播,由打『三號風球』戈晚到而家都5日,唔知真係要排到幾時呢?等到出年呀?定係真係又插多個有線先得呀?你地係唔係特登黎博d客用有線既方法呀?」……總之好激氣啦

點知…投訴完唔夠個半鐘,廣星既師父就黎一一按鐘問清唔清…尼個時刻就開始全部回到正常了。標清的標清,而高清的也高清了,信號全部有曬;而模擬也都去返應有既水平…唉,一個25分鐘既電話就可以搞得到,早知就早d話佢地啦。
[PR]

by agostinho | 2009-07-24 00:00

The torch relay of Hong Kong 2009

今日,東亞運動會(香港)有限公司公布左100日倒數既聖火傳遞活動既所有資料了。聖火傳遞以「活力迎東亞」為主題,標誌著東亞運運動員及青年人的活力,以及在社區、學校及年青人中廣泛傳遞東亞運動會的信息。至於火炬,火炬既設計和北京奧運火炬相約,以白色為主色,外型和牛角相似。

聖火火炬手共有65名,可能是吸收左去年北京奧運聖火傳遞挑選火炬手既經驗,組委會安排運動員有83%、運動會義工代表及「青年代表」各有3%,而藝人就佔有11%;當中一名來自中華台北、一名來自中國大陸。聖火傳遞將於8月29日下午3時開始,預計於下午4時半結束接力;接力過後,聖火將於被運至電視廣播城為當晚進行100日倒數儀式。

至於今日無咩做,好眼訓,哈哈。不過…今早眼訓既時候,同響Syd既Micmic講開野,佢俾左一個今年既一個大驚喜俾我;而尼個大驚喜令我好開心既就係Micmic話會響今年十月返黎香港大概兩個禮拜…不過佢話週六日就因為已經計劃左「行程」,所以一定要weekdays見,不過我唔介意。唔介意被約響weekdays是因為micmic響香港都有自己既好朋友,但可以被安排到響weekdays都心滿意足啦,畢竟每個人都會當你是朋友先會約你嫁嘛…到時我唔介意要走幾堂而去meet Micmic。Micmic,等你返黎呀…10月見。
[PR]

by agostinho | 2009-07-23 21:36