<   2009年 06月 ( 32 )   > この月の画像一覧

The last day of the 1st half of 2009

今日是2009年上半年的最後一日,有開心、有唔開心、有驚喜,也有無法接受事件的日子,至於今年下半年會係點,是好還是壞、全年既指數會係點,仲有半年就可以知道。不過,7月26日、9月20日以及12月都會是一個大既「轉點」。

今日下午就睇左「Johnny's Countdown08-09跨年演唱會」。講真,我真係無聽日本樂壇既創作都有2、3年了!近來因為響J2台有得睇《Music Station》而搞到我又想聽返日本樂壇既歌。響日本樂壇上,雖然我唔識日文,但我可以欣賞到歌聲以及佢地既舞台設計、歌舞並一真係響香港樂壇係睇唔到既野,尼個真是娛樂既享受。

我響98定99年戈陣特登響10點起身,就是為了睇一個小時既日本樂壇既節目,記得個名係《堂本兄弟》同《Viva Viva V6》等等Johnny事務所既節目。到W-inds.出道既時候就開始留意左佢地既舞步同MV製作。不過,因為學習既關係…2005年就無睇到了,也是我同日本樂壇「中斷」聯絡既時間。
[PR]

by agostinho | 2009-06-30 19:05

A bag and preparing

今日buy左袋,
但根本係響一個不情願的情況下而buy的。

今日都響度開始執行李、
整下個清單。
都叫幾忙多野做下。

另一方面,
小霖霖今晚因為我執野執得內而嬲左我,
我真係好唔鐘意有人會嬲我,
特別是我的好朋友嬲我。
因為我真係唔知點樣先可以令到人地唔嬲我。
[PR]

by agostinho | 2009-06-29 23:14

Game day

今日有咩做?無咩做呀…響facebook打機囉…就係咁簡單。
[PR]

by agostinho | 2009-06-28 17:11

Plannng

今日都無咩做呀,所以又上網呀上網。
不過上得多網多…
有時真係唔知做咩好,
所以決定就睇返幾集《包青天》既《打龍袍》。
我而家先終於睇完《打龍袍》了!
唉,而家先12集,幾時等到睇曬61集呢?
是否要睇到出年呢?

連日來都為了plan下個行程,
而行程都plan得都叫順利,
當然有人唔當係咩一回事,
有些想約但無奈要返工;
幸好,有人好有心咁主動約我。
無論約到與否,
朋友永遠都會是朋友,
唔會因為約唔到而無朋友做既。
[PR]

by agostinho | 2009-06-27 22:43

Feeling on typhoon

今日,天文台同氣象局相約在0715發出了一號戒備信號,而當時熱帶風暴浪卡(臺譯南卡)已經集結在400公里的大關了!無論是根據香港的還是澳門的熱帶氣旋警告中的發出一號戒備信號的定義中表示「表示有一熱帶氣旋集結於香港約800公里的範圍內,可能影響香港」、「熱帶氣旋中心在澳門特別行政區800公里範圍內,可能影響澳門」都指出是800公里,而然浪卡是由菲國進入800公里的警戒範圍,幸而浪卡只為一個熱帶風暴還是強烈熱帶風暴,其「影響力」都是較細的,但假若浪卡突然增強的話,後果會是如何呢?在400公里大關才發出一號戒備信號是否遲了一點呢?

1540,天文台改發了三號強風信號,而氣象局則於1900改掛。及後被指浪卡減弱以及浪卡以西北偏北方向而不會改發八號;但回看路線圖,浪卡的行徑雖然是西北偏北,但是較早前的預計較偏北的較為西北偏北一點兒,而預計登陸地點是汕尾,最終是於大亞灣登陸,和香港只有60公里之差!假若浪卡在接近香港時才突然改變方向,以西北方向前進,並蹼向香港,介時才改發八號是否可行呢?(請切記打風時不可用縮骨雨傘{按此就知我點解會咁講})

幸好,「李氏力場」以及「何氏力場」成功把浪卡在最近香港的時間前減弱為熱帶低氣壓,而風不算大、雨也不算大;否則一定會又被人指責。另一方面,有人連同上週的強烈熱帶風暴蓮花一同相比,並指出不要這此下欄颱風要改道或增強方可入境港澳;我覺得這個真是一個無聊的動作,因為人可以勝過變幻莫測的自然天文現象嗎?當然,我也冀望盡快有一個自1999年颱風約克(York)以來第一個十號颶風信號的時間,因為人生之中會有幾多個十號颶風信號呢?
[PR]

by agostinho | 2009-06-26 22:30

Cannot believe that MJ has died.

【號外】【編者按】有「流行音樂之王(King of Pop)」之稱既米高積遜(Michael Jackson)尋日在家中因心搏停止而猝死,享年五十歲。尼個消息真是來得突然、震驚。

a0094795_19294630.jpg【星島日報】)「流行音樂之王」(King of Pop)米高積遜(Michael Jackson)周四在洛杉磯 家中因心搏停止猝死,享年五十歲。這名與貓王、披頭四並列為流行樂史上最偉大的一代巨星殞落,消息傳開後,舉世震驚。醫院門外以及米高的寓所門外,有大批歌迷圍觀和憑弔,一片愁雲慘霧。

米高積遜於美國西岸時間周四中午十二時左右感到不適,未幾昏迷,當時私人醫生在場,曾為他急救但無效。家人致電報警,當局派出救護車於十二時二十一分趕到其寓所,但救護員發現他已經沒有呼吸,脈搏也停止跳動,因此馬上把他送到加州大學洛杉磯分校的醫科中心急救。但醫生經過逾一小時搶救,仍無法令他恢復心跳,於下午二時二十六分(香港時間周五早上五時二十六分)宣告不治。洛杉磯當局定於當地時間周五中午前對米高積遜驗屍,但需等到毒理學檢驗完成後才可得出最終結果,或需六至八周。

死訊傳出後,震撼全球。在醫院門外,有大批歌迷聚集,在數公里外的荷爾貝山,也有大批樂迷在米高的寓所門外圍觀和憑弔,不肯離去,又有歌迷在其寓所大閘外放下鮮花悼念,有歌迷泣不成聲,一片愁雲慘霧,淚流成河。來自鹽湖城二十六歲歌迷貝姬•威廉絲說:「很震驚,他走了,一個音樂天才。」在荷爾貝山一帶的街上,很多汽車駛過時,司機都刻意調高車上音響器材的聲量,播放米高的歌曲。很多汽車在米高的寓所門外停下來,司機下車拍照,要警員干涉及威脅要拖車。數以百萬計樂迷蜂擁進入互聯網搜尋器查找,Google搜尋器一度因太多人使用而出現故障,癱瘓近半小時。

許多人一時間都不能接受這個事實,尤其是米高積遜多年好友波姬小絲及「玉婆」伊利沙伯泰萊感到傷心欲絕;流行樂天后麥當娜 發表聲明說:「對於這個悲傷的消息,我無法停止哭泣;世界樂壇痛失一名偉大的藝人,但他的音樂長存。」加州州長阿諾舒華辛力加 發表聲明,痛惜音樂界失去了其中一位最具影響力的象徵人物。英國外相文禮彬也在Twitter的個人網誌內發表文章,悼念米高。

米高被譽為流行音樂之王,其成就已超越貓王,為出色的音樂全才,在作詞、作曲、場景製作、編曲、演唱、舞蹈、樂器演奏方面都有卓越的成就。曾經為米高監製過多張暢銷唱片的Quincy Jones表示:「米高還年輕,就這樣突然離開我們,我失去了一位好兄弟,好像奪走了我一部分靈魂一樣。」

米高一生中出版過的唱片,全球總銷量高達七億五千萬張,先後獲得十三項格林美音樂獎,奠定他在樂壇的殿堂級地位,但自從二○○五年在孌童案中脫身後,過去數年一直過着隱居生活,至最近復出。他原計畫於下月十三日起以倫敦 為起點,舉行巡迴演唱會至明年三月。倫敦演唱會總共五十場,三月售票時瞬間已沽清。過去兩個月,米高一直留在洛杉磯,忙於綵排。
[PR]

by agostinho | 2009-06-26 05:59

Which is true with huge informations?

尼幾日都0600先訓…今日仲踏多一個鐘到0700先訓!勁囉。所以我響1600先起到身,我唔想繼續過咁既生活喇!我要慢慢改番個時間先得。

今日無啦啦響無野做既情況下無聊就找一找我以前個boss既資料,發現佢真係響尼國都有一定既「勢力」,而家退休都繼續出任好多既公職,真係令我佩服。不過,我知他仍然在生,因為假若他歸於天國,一定會有新聞出。而家打算寄封信俾尼個舊既boss,但好多地址,都唔知去信邊個地址先好,而且個個地址都是差小小,而郵箱號碼是全部一樣,咁我應該信邊個呢?回望當年佢俾我既名片既地址都已經無用了,因為佢已經無做戈個位,咁我應該寄去ABCDEFG邊個地址好呢?恩尼斯先生(Mr. Rana),請你話我知吧。
[PR]

by agostinho | 2009-06-25 18:50

I appoint you at July 03, 2009

七月三日向也媽告別
【號外】本人在得到可靠而證實消息情況下向各位報道有關也媽既告別儀式:地點:萬國殯儀館Rm 302;7月3日設靈、7月4日舉殯。
[PR]

by agostinho | 2009-06-25 16:30

No more dreams

本想讀完大一之後,就可以返半日學,到時就可以找份好既鐘點來做一做,對我既收入都有返個0.xx既增幅丫…點知,尼個夢會是失望的夢。可恥!尼個係無聊既動作,我深信尼個「計劃」是為了方便教授既時間,不過就要辛苦曬所有學生;因為日前已經收到由Registry俾既mail如下(節錄):
... starting from the academic year 2009/10, all class schedules from Year 1 to Year 4 will be spreading throughout the whole day and hence please be prepared that you will be attending classes both in the morning and afternoon sessions during each semester. ...

響尼「計動」中,Registry一定被人話緊,但我想提出幾個問題;一、尼個決定是Registry自行決定還是經過深思而決定呢?二、尼個「計劃」有無得到院長既批准呢?三、尼個「計劃」有無曾經咨詢過上學年在讀學生呢?四、時間安排上會否中間有時間大空位呢?五、「計劃」既實行本身目的是為了學生好還是方便學校既行政呢?

今日訓得好多…由0600訓到1600;然後響2200又訓到2430…今日就一共訓左13個鐘!不過仲未破到我既健力士,因為我既記錄係一日訓左16個鐘!另一方面,有邊個響7月1號到6號未約我既要好約我了。
[PR]

by agostinho | 2009-06-24 17:31

Reservation is hard job

Reservation真係好難,
原本以為可以做到reservation,
但點知唔得。
另一個壞消息就是DSEC唔要我…
可憐的我。
有邊個可以介紹pt俾我做呢?

今日下午成功做左reservation了,
也媽,我來陪你!
今日,要好多謝幾個人既…
分別是Samuel, Keith, LV, Gregory, Raymond
以及所有幫過我既人。

不過…
今次要特別多謝Samuel同Keith。
samuel提供左好多既報價同有關資料我知…
而keith就響公司幫我做reservation,
雖然最終都唔駛keith幫手,
但keith幫過我既忙一定會記得。
多請。
[PR]

by agostinho | 2009-06-23 23:25