<   2008年 09月 ( 31 )   > この月の画像一覧

cant work w/o internet

今個月既上網真係爆煲咁爆曬了,而今日勁早放學…搞到我思思上網,但因為quota問題而我就做好多平日唔好做既無聊野…唉,咁又一日了。

今日同Registry去理論,理論「題目」是《為何不改》。對話內容係因為我既外文名既問題,澳門政府特意把我等葡萄牙人既名字「改姓」(例如 Jorge W. Bush會寫做 Bush, Jorge W.,但在文件上就會寫為 Bush Jorge W.)所以理論…又話要收費外,又阻礙我去改回真名。例如你有無物業?會否出國等等問題,以希望我唔改返個真名。無聊,倒不如我叫陳大文做「大文陳」好過了。
[PR]

by agostinho | 2008-09-30 21:11

Times with A/C

今日成日都同Accounting好有關係,因為上午上左個半鐘既Accounting之外,下午同Nicole同埋Tiffany一齊補Accounting;而在10月1號會同Joey Tam佢地一齊溫Accounting,務求要99.99%識Accounting!

今日本來去鎖locker,但無奈既係我唔記得帶鎖匙去開鎖,所以無辦法去鎖個locker!白行一次!無法子了,唯有要明日先可以去鎖著。

明日就會幾多野做呀:一、交申請表;二、交轉名表、三、鎖locker;四、寄信(終於寫完了);五、去BEA入數;六、去中銀澳門打薄;七、去申請學生「一蚊巴士費」計劃。
[PR]

by agostinho | 2008-09-29 17:27

Meaningful day in HKG

今日如常地早的起身返香港,不過今日返香港有特別意義。首先係今日既重頭戲、主菜,無錯,一黎就黎主菜——2009香港東亞運(第一輪)面試。熟讀有關既「資料」係無用的,因為面試中係以香港會考既形式,作弊了!因為我無應試過會考囉,而且我是唯一一個來自澳門的。

面試過程中,首先係一場簡簡單單既Briefing,之後分組做討論(也是參照會考形式)。討論本身有11個組員(包括我在內,下同),但只有6個到會,真為組委會擔心。討論中,空姐一名、入境處的一名、簾記一名,而其餘兩個都係剛好中學畢業。

首先係自介…我係第二個自介,我既自介係:「Good morning, I am T.I.L. , and you call me Agostinho which is in Portuguese since I come from Macau. I am so pround me since I can attend in this interview meeting in here. For me, I was joined with some sports games such as a liasion officer in the last East Asian Games which is hosted by Macau in 2005. Besides that, I also attended in the Lusofonia Games which is hosted in Macau also in 2006. So, Why I have to attend this East Asian Games? First of all, do you know who is Eddie Laam? I can tell you that he is the former President of EAGA. He invited all of us, the althelets, volunteers, etc to united in the coming East Asian Games, which is the Hong Kong East Asian Games. That is why I attend. Moreover, I would like to use this oppuntunity to test myself and share to others. One for more that i attend some sports games like in Sydney, America and exectra. I hope we can meet again during the games' time. Thank you.」咁大推說話竟然可以響一分鐘講曬…我自已都覺得好勁!

之後就組討論…講做香港東亞運既好處同做義工有咩得益…唉,又難又唔難既問題…真煩!希望響尼個節度唔好扣我咁多分了。面試之後就去左中環搞小小野。

1400響MK等Oscar T,可惜我善忘,話唔出機,我就出;話響地鐵站E出口等,我就上埋去…樣衰!之後去食日本野…然後陪佢去找酒店,可惜無間合佢就無價表。之後就勁行街…然後行埋Langham。之後佢話好tired,所以去仙跡岩度hea,值得一提既係響4月同小K、Kyle同埋阿聰一齊飲野就係同一張台。及後散水,因為佢要返歸食飯。

然後我就響信和等阿哥(Christian)(行去期間見到柳俊江,佢打青綠色既tie,勁出位),佢同埋佢兩個fd(一個叫阿健,另一個唔記得叫叫咩)一齊。我地就去PizzaHut度食阿哥既生日飯…哈哈,一路食一路講笑…好開心呀,又多話題…無疑他是最好玩既阿哥!阿哥,我好慶幸有你做我尼個阿哥。

食完生日飯,時間都早既…不過阿哥既「energy指數」偏低,所以就散水,俾我預期既早一個鐘頭散水。之後我就去上環信德中心搭2130去澳門了。咁就結束今日尼個咁有意義既一日香港自由行。晚刻睇晚間新聞,中國既神七成功返回地球,全中國雷動式慶祝…重複我的說話是中國是第三,但是否真的很好嘛?
[PR]

by agostinho | 2008-09-28 23:55

China comes the third

今日,是中國的新的一頁,因為中國太空人翟志剛成功作出了太空漫步既任務指示,這個是繼美俄之後第三國國家可以在太空做太空漫步既國家。其實,尼次太空漫步有何特別呢?而且是特別慢過人。

今日特別早返學,因為Cindia要我地響0745響Grand Hall de IFT度上ACCT111!好在今早有個電話無啦啦打黎,不過都好,因為我唔知醒。實說,咁早起身去返學都係我既人生之中第一次。雖然我好想留心聽書,不過返到去當然鐘下鐘下…邊有咁好精神上堂丫?

之後就同8個同學一齊去Singing Bean做「greeting」,不過…擔泥早在上年已經話我知唔好食,而且我又唔肚餓,所以無食野,只叫了一杯野飲就算了。

今晚響IFT搞O Night,不過因為明日要返香港,無謂搞到仲無精神去面試啦,因為尼個試對我既「後路」黎講係好緊要,無左會差左了很多。另一方面又要同阿哥(Christian)慶祝生日嘛,無理由要我做安安佳佳嫁嘛。
[PR]

by agostinho | 2008-09-27 22:35

Greetings to Nova

今日返學、返學…返到已經開始麻目了。今日同阿哥(Cyrus)講開野先知,原來我地都係讀IFT既event,仲要係Yr 1,可惜不同的是我是全日制,他是夜間。無論如何,我地可各自努力為自已而奮鬥。

晚刻放學之後…巧合之中見到Cyrus,真有緣呢。其後同Nova舊同事去食飯…開心之象又出現在我的面前,不過…開心既時間特別快過,好讓這3小時多既時間可以停留,無奈時間是不留人的,而大家也有各自既野要做;他日我們一定會約下、見過、開心過。
[PR]

by agostinho | 2008-09-26 22:29

Towards to the universe

繼神六後,期待了兩年既神七(神舟七號)今晚終於發射了,今次全中國既人都被中央政府「洗腦」,因為今次採用了「無秒差式」直播外,更特別地邀請港澳臺三地各一家電視台(香港無線電視、臺灣TVBS和澳門的澳廣視)在北京航天城採訪,是中國的首次「零的突破」!


其實尼次「零的突破」有後多…而令外界關心的是中國太空人作首次太空漫步,而尼個「漫步」搞到好似係全球第一咁,不過這正是中央洗腦的所在,因為要向全中國大陸既人說:人們做到的,我們也會做到的。其實,太空慢步不是甚麼特別的「實驗」,因為美國、俄國都曾經做過,而且是無數的多。所以,有咩特別呢?特別是在於「中國的第一」而已。

神七之所以選擇在九月中下旬才發射是因為而外間關注2008年是中國的「特別的一年」!中國雖然經歷了雪災、四川大地震等等外,中國還向世人展示了北京奧運、中國的太空史新的一頁,均希望在有關既成就盡放於2008。
[PR]

by agostinho | 2008-09-25 22:17

delays by Hagupit

八號暴風或烈風信號仍然生效,不過到0630已經改發三號強風信號。對於在八號烈風信號生效期間,睇到《風暴消息》既新聞片段真係好驚慌每一個shot!記得前年(2006年)中颱派比安吹襲香港時,一個中國大陸女子被風吹到垃圾筒,繼而被吹起…今個颶風哈格比有兩個情景令我好記得。一、一名女子在街上被吹倒,腳浮左,無地心吸力既效果;二、杏花村既海水倒灌;海水搞到個坑蓋湧出水柱,勁!

a0094795_142660.jpg之後我都係訓左一個鐘…點訓都訓唔到…唉!之後睇住個風係咁吹走左去廣東西。其實好多人都問/話:「個風都唔係吹到黎香港,點解個風會咁勁,仲要勁過上次九號風球戈個呢?」其實,尼個係屬於颶風,而非一般的「颱風」!尼個颶風既風眼好大、暴風圈範圍好大(見圖)既原因係有成因;其原因如下:
1 哈格比在呂宋海峽及巴士海峽進入南中國海前已形成颱風,期間並無掠過任何陸地
2 哈格比與菲律賓、台灣、華南的沿岸地區保持在200公里或以上的距離
3 其移動速度一直平均保持在每小時30公里的較快速度,使得半圓效應明顯
4 南中國海北部適逢垂直風切變微弱,並有赤道西南氣流支援
5 在中國大陸地區沒有任何東北季風向南推進
6 哈格比的西向路線得以一直保持穩定,皆因位於中國中部及太平洋西部的兩個高壓區向西推進
7 拉尼娜現象影響,導致哈格比吹向較偏西方路線

a0094795_211269.jpg其實如果個颶風吹正香港既話,十號颶風信號一定會生效,可惜丫,佢鐘意去廣東西!如果唔係既話都會幾好玩。下午如常上課!不過打風都打到香港同澳門銀行體系。

下午返學期間,不斷有朋友(特別是有香港朋友)打黎俾我,不過佢地既來電都係得一個——東亞銀行唔掂!繼BEA之後,澳門國際銀行、澳門永亨銀行均相繼「出事」——擠提。其實,我對於尼次「擠提」,我真的是會有引號引著,因為尼個「擠提」是有人發布謊言心之作,為導致沖擊香港及澳門的穩定銀行體系,借機吸取資金。

雖然我既「身家性命」都在BEA,但我相信BEA作為香港第五大銀行是唔會死的;即使會「死」都有阿爺出手,最終唔會死,也死不去的。另一方面,各位可否有想過點解只得BEA出事,而別的銀行處於安然呢?說BEA有雷曼(Leman Brothers)的債券等等,點解citi、恆生、匯豐等多家銀行又唔怕呢?總之,我唔會就尼次「擠提」而成為「擠提人員」。
[PR]

by agostinho | 2008-09-24 22:32

S. Typhoon is passing by

颱風哈格比來得真係好快、走得都好快!今早特意開電視黎睇一睇…「天文台話會響今日日間發出三號強風信號,日落前後會改發八號信號!」嘩!我聽到都把我驚了一驚,因為我無想過會咁快囉!我預計之中係會響明日早上8點先到既快好多!

今日返得戈一堂…所以好快就返返屋企,阿媽仲好搞笑的說:「八號風球喇?咁快返黎既?」心想…唔好俾人知呀,笑死人嫁!其實發左三號強風信號而已。

之後就上網、MSN、睇戲等等…今日?睇左一齣戲,叫《六樓後座2家屬謝禮》。《六》既第一輯(《六樓後座》)都睇過…所以可以做個對比。《六2》係無《六》咁好睇,不過有Suzy尼個角色。《六》係講一班年青人為了自己既目標而努力,最後個個都可以成功;《六2》是以「死亡」為題,以Suzy既去世而鋪出來既劇情,係以「開心葬禮」為題。人物方面,《六2》不及《六》,因為飾演既人無《六》戈班咁好、咁好戲囉。其他都係媽媽夫夫,無咩特別。一句講曬:《六》好過《六2》好多。

1800,天文台改發八號東北烈風或暴風信號,對於尼個風,如果真係「入埋門」既話,10號颶風信號一定會發出!可惜,可惜!佢唔鐘意香港、澳門,佢鐘意去廣東西,無法子了。發出八號東北烈風或暴風信號之前,我send SMS俾我既兄弟同埋最好朋友,其他既,唔好意思了,SMS費貴左。

下午開始(除左做《六點半戈陣》)一路上網…上到去凌晨時份。值得一講既係尋晚我由2100一路訓到0730,如果唔係要起身返學,我會訓得仲內囉。另外,好多謝阿哥(Christian)、小阜阜、小K哥、安琪、Kaco、kanazawa、Erica、SaiAn、阿哥(聰)、師兄根、Raiimon、Takki、Eddie Lee等等陪我過尼個八號風球既一晚。
[PR]

by agostinho | 2008-09-23 17:02

love to study

今日係返左大學已經有一個禮拜既「小日子」了,對於尼一個禮拜黎講都幾特別下,因為我係響一個唔識任何同學(除了Nicole,即Isaac響紅會既朋友之外)既情況下來說,個個都好似識我、熟我咁樣…莫非真係中左佢當年同我所講既「女人緣旺」?時也,命也,無論係邊個,我都希望成為各位既朋友,而非敵友。

今日又上國文堂了,戈個咁既Paula又講錯曬葡文,讀音又錯,唉,我都係戈句:「你教咩葡文丫?教人煲冬瓜好過喇!」期間我同幾個同學忍唔到佢既教學,都想同周公講幾句。

1830,天文台就發出左今個月既首個一號戒備信號,尼個颱風「哈格比」係屬於「行得快、走得快、破壞大」既強颱,而且係今年最勁既大一個!天文台響新聞稿中指出「會在明日日間發出三號強風信號」,係唔係又會好似「清晨」事件咁解釋日間可能係日落之時呢?就真係要到明日先可以分出了。另一方面,根據日本氣象廳既預測,颱風會響後日0800於香港大嶼山「上岸」,但台灣、香港等等既天文台都指出會響廣東西部「上岸」,不過我希望個風會跟日本既「方案」黎行,因為禮拜三既堂係最可憐既一日。
[PR]

by agostinho | 2008-09-22 21:09

Movies and drama

今日起身就睇左套n年前但無睇過既電影《百分百感覺II》。《百》係由一系列香港漫畫改編而成,係講現時年青人既心理問題,編者好細膩地「分析」時下青年人的既心態——鐘意唔會去講,失去先黎珍惜既道理。

睇完《百》之後就打機…之唔又係《Sim City 4》,哈哈。我自已都覺得幾無聊下嫁,不過有咩好PC Game玩呢?有咩好介紹就話我知啦…我既熱線係MSN、mobile…總之話到我知就得了。

晚刻就當然睇《家好月圓》啦,不過尼個「結局」係人都知嫁喇,因為應中秋節既情況下,要搞到「家無寧日」既話一定會被廣大既香港市民話到你死下死下。其實,結局係點,係監製既「問題」,結局係點唔可以交俾電視機前既人而「做功課」。

對於「有情人都拉埋天窗」既情況下,大家會唔會唔記得左中仔呢?中仔係「半文盲」,但係尼個「半文盲」都響結局時(即劇中所講四年後)都有個女朋友丫,反之,我覺得中仔都幾可憐下。
[PR]

by agostinho | 2008-09-21 23:49