<   2008年 07月 ( 31 )   > この月の画像一覧

高清

今日將戈張「從地球傳回來」的相放上Facebook度,不過就發現左一樣野…就係既相係16x9既,而非4x3,可能我太過響往16x9既效果了,所以我都唔多覺。當post張相響日記戈陣先知道,這既相是16x9的。唉…

明日要要無啦啦返香港俾boss簽約,開齋的當然係我啦。今日又黎一次不足5小時即日來回香港澳門!真係今個月既第二次,也是今年第二次!

返黎香港期間,知道左桃桃被香港警察鎖返警局,警方人士指出桃桃因為同未成年人士發生性行為而鎖佢返警局。唉,桃桃邊會做埋d咁既野呢?一問原來就知係戈個未成年小朋友搞桃桃在先。當警方查過戈個野既電話對話後,就響今日大概0600鎖桃桃返警局。唉,希望桃桃你無事了。

另一方面,好多人都有打電話俾我,Terry最勁囉,仲話唔記得打俾我…無奈是也。而另一個最勁就係Guy了,因為佢竟然知我全名!勁!
[PR]

by agostinho | 2008-07-31 22:10

傳來的第一張相

今日,我終於收到Kiki send俾我既相喇,尼個「接收動作」就好似我響戈d咩地面控制室等待響太空咩咩號傳返地球既第一張相返地球咁。尼張就係響尋晚創新中學戈陣影既,係我地既「全家福」,有我、Kiki、詩琪、黃清淨,當然仲有鐘麗源了。鐘麗源就好似我地個個人既「阿媽」咁。

想不到一年的過去,個個都好記得大家,大家既面容、笑聲等等都無改過,改過的只有我地既時間係經過考驗的。一年了,我地大家都唔記得大家,而且互相都仲好珍惜對方,這就是我要的一種同學性質的好朋友了。

別了,我地各自有各的道路要走,正如張敬軒的《My Way》(又賣了廣告,軒仔,廣告費呵)所言,「I will find my way, I want a diiferent day.」自已的每一日是由自已所創的,而無人可以推動的,即使有人推動,也要是否推動得到我地,也是一個問題。
[PR]

by agostinho | 2008-07-30 22:02

創新永遠創新

今晚係創新中學既畢業禮…不過校名真係無搞錯、無改錯,創新永遠都鐘意去創新,真係好好野喇。作為創新中學既校友,我自覺無面。何解?因為百樣出錯,連個司儀都係傻下傻下咁,跟本就無臨場既經驗。總之,錯漏百出仲要搞笑到咩咁。

當蘇樹輝上台頒獎時,司儀竟然唔叫蘇上台,但一路望著蘇樹輝,之後要副校長媽佢先會去講。而搞完之後,唔叫蘇樹輝落台,司儀打眼色叫佢落台,唉,咩司儀黎嫁?總之笑話百出。

最後,我要賀一賀下我既舊同學,包括Kiki、詩琪、梁永金堅等等…不過,我希望Kiki、金全快快回相俾我,等我可以快快post上Facebook同友人分享下嘛。
[PR]

by agostinho | 2008-07-29 22:45

月餅風暴

繼去年年中大賣、收視勁高既《唐心風暴》之後,無線例牌咁又一次推續集,今次又《家好月圓》。《家》以一個月餅為題既家庭內爭戲,又有5角戀,新的《唐心風暴》會幾好睇。

不過點解無線咁鐘意用係咩咩既續集呢?用一個新戲名唔得既?好似四葉草3咁,雖然「四葉草」尼個名詞並無提及,不過劇中就乜都四葉草一餐…救命呵!
[PR]

by agostinho | 2008-07-28 00:23

風雲變色

a0094795_17541962.jpg假若香港真的成為恐怖分子既目標,咁香港就真係高危了。奧運,已經係一個高手聚集既地方,但也令到恐怖分子成為佢既目標。不過,奧運以和平叫名,點解要搞到咁恐怖呢?不過我預計8月17號會可能中招。

a0094795_17582384.jpg一個鐘前後風雲變色,真係搞到好恐怖囉,大風大雨,跟本唔可以出街、唔可以做任何野。

今日已經病左幾日了,好多朋友都問我有無野、病成點、好返未。哈哈,好多謝各位。
[PR]

by agostinho | 2008-07-27 17:53

澳門申辦明年中文維基年會

今日響Macau Square召開成維基會議,與會人士決定左正式申辦翌年中文維基年會。年會預定於明年四月中(復活節)舉辦,到目前為止,澳門是唯一一個提出申辦主辦權的城市。
[PR]

by agostinho | 2008-07-26 17:54

新聞自由何在?

a0094795_11182467.jpg今日發生左一單最不幸既新聞自由事件,無線、有線、now、南華早報記者被公安以非人道對待,還要說是「有善對待」;這個做法是嚴重地影響新聞自由採訪,有違在2001年、2005年時北京奧組委所作出新關自由既協議。香港記者協會(記協,下同)就北京公安暴力干預新聞採訪事件發表聲明如下:

就近日在北京發生一連串本港記者進行正常新聞採訪時遭公安暴力干預的事件,香港記者協會深表震驚,要求北京當局及公安部門給予公開解釋,保證奧運期間境外記者在北京享有新聞採訪自由,並確保類似暴力干預不會重演。

七月一日,蘋果日報記者蔡元貴於北京機場被拒入境及回鄉証遭没收。七月十一日,明報駐京記者於七月十一日採訪華廈商品現貨交易所採訪涉嫌詐騙一億七千萬人民幣案時,遭受公安干預並被取去相機記憶卡。七月二十四日Now寬頻電視攝影記者在北京採訪群眾輪候購買奧運門票時,被公安不禮貌對待及扣留數小時,並要求刪除拍攝的影片。

七月二十五日(今日)更發生本港四個傳媒機構的記者在採訪北京發售奧運門票的混亂情況時,同時被公安暴力阻撓。包括有線電視新聞記者被公安打傷;南華早報記者被公安扣留,更曾被公安要求下跪及蹲下,直至有一名較高級的公安前來,才獲較友善對待;無線電視一台攝影機的觀景器被公安抓脫;Now寬頻電視一名攝影記者亦被公安從攝影梯上強行拉下。

公安干預新聞採訪的事件,隨著奧運逼近而顯得愈來愈頻密及嚴重,反映北京收緊採訪自由。記協再次促請北京嚴守申奧承諾,以及最近中央政治局常委李長春向國際記者再次作出的承諾,確保境外記者自由採訪新聞不受干預。

最近的幾次事件亦顯示出中央政府對國際記者的承諾,未能在國內的管治架構內上傳下達,特別在是公安部方面。本會促請中央政府向公安部作出明確指示,以確保公安不再對在北京採訪的記者進行無理干預,以保障新聞自由及記者的人身安全。記協亦要求公安部給予公開解釋,以及保証前線的執法人員不再干預境外記者在北京的新聞採訪自由。

香港記者協會謹啟

[PR]

by agostinho | 2008-07-25 11:12

無奈之突返香港

今日真係好無奈囉,因為公司個boss走左去香港,搞到我特登get曬合約由澳門去上環俾尼個boss簽,而且一等就要我等左至少半個鐘,真係好無奈囉。唔計餐飯響1525食之外,仲要我炸炸林咁飛返澳門,尼間真係一間非人道既公司黎嫁,正宗駛人唔駛本嫁。

尼次無奈性質既突然返香港,搞到我就黎病發嫁喇,我係時候要去get返一日病假了。
[PR]

by agostinho | 2008-07-24 22:38

細佬,生日快樂!

同小K食完野(應該叫飲完野)之後就join埋Kyle同阿諾去MK既Neway City度唱K,我同小K去到K場都話:「乜尼度係唱K既咩?咁似個商場既?」早知我就影低尼個商場式既K場啦,哈哈。

之後就唱K,唱到0130到啦,阿聰放工過埋黎了;我、小K、Kyle、阿聰,尼個兄弟核心繼張敬軒演唱會之後又一次集合了。阿聰同佢戈個發生左小小插曲,而我都同我戈個有插曲,所以成為左尼晚唱K既主要話題了。最後,我地當然無被尼d插曲要影響喇,反而越玩越開心。

Neway送左個生日蛋糕俾Kyle,慶祝佢生日,期間搞笑!04xx,阿聰同小K走人先,我就同Kyle、阿諾一齊繼續唱K,不過我撐唔著了,我訓著左。不過Kyle同阿諾就唱呀唱,真係好勁!而且阿諾真係由頭唱到落尾,而且好多歌都識唱,真係好勁呀!

0545,夠鐘了,我地要走人了,我地三個行去旺角東站坐火車走人,我同Kyle入MOS,而阿諾就返上水。當我同Kyle響大圍站上馬鐵戈陣,由於火車門close得過快,搞到我上唔到車,哈哈,兩兄弟要分開兩班火車入MOS!返到相熟既Kyle房間,我地講左陣野就訓了。

1300曾經醒過,醒左大概半個鐘,因為被個電話搞醒左。之後訓返,訓到1530先起身,點知Kyle媽媽同阿爸返左黎,佢爸爸對我問長問短,問我做咩、讀邊、Kyle既情況,Kyle應該讀邊等等,唉,一如Kyle所講,得一個字——煩!

1730出MOS了,Kyle去MK同佢既朋友響大角咀慶祝生日,而我原本出cwb找Ranz食飯先走人,點知佢又放我飛機…所以無曬mood…即刻去上環Mcd buy個餐做dinner,坐船返澳門。返到澳門已經2100了,都叫ok早了。

返到屋企就第一時間去bath啦,之後執返好d野,然後上網打返禮拜日到今日既日記。2359,打IDD俾Kyle同佢講左聲:「細佬,生日快樂呵!」
[PR]

by agostinho | 2008-07-23 23:59

返來了

終於返黎了,返黎了!不過返黎之前好大頭蝦,因為我唔記得左去執行李,唉…一執就執左成個鐘頭了,搞到要坐1230船。原本約左Nathan既,無奈的是佢話要排舞…真氣!結果突然之間找左阿雞陪我,好多謝阿雞呀,無你陪我真係唔知去邊好了。

1340到上環了,跟著就響信德中心既McD找到阿雞,之後我地響銅記去麻布食午餐。初頭阿雞話去食「麻布」,我心想…下…「食麻布」?咩黎嫁?原來去到就知,「麻布」係間鋪既名…由於突然之間要阿雞陪我,所以我就請佢食尼餐中午。之後就行呀行…去buy阿Jack,哈哈,佢原於buy到佢既生日禮物了,不過我就唔記得左送…真係大頭蝦了。

由於我地行到好tried,所以我就去左阿雞屋企訓覺覺豬…之後就去返銅記找Michael…唉,我遲到囉。食完拉面就行去維園,行行下突然想上一上去Search Lonuge & Bar度一陣,因為Search做到8月10號就結業了。到去Search之後就搞野囉,因為一心去找Kenson,無奈既係我響香港,Kenson走左去澳門,真係巧合了。Kenson,下次去澳門既話早d同我講嘛,如果唔係我點知你會過澳門玩呢?

正當失望之時,Ranz打黎叫我去食糖水,我當然應承喇!無奈後來佢又放我飛機。不過小K已經出黎MK找我…所以響時間上都要做好配合下,哈哈。多謝小K你咁快出到黎MK。由於到唱K時段仲有2個鐘,而且阿聰返緊工,Kyle同阿諾一齊睇戲,得返我同小K…我同佢見渴同埋想坐落,所以去左一間糖水鋪食糖水,無奈冷氣唔夠、糖水又唔知似咩,所以就換地方。

去邊呢?我同小K兩個人去左祥嫂戈間許留山,叫左個「芒椰芒果爽」。尼個爽真係好正下…消暑既最佳產物!響尼度,冷氣又夠、野飲又好,我地異口同聲咁話早就應該響尼度坐啦。期間我同小K講下個月響澳門既行程,總括黎講唔會有太大既改變。

【待續於明日日記】

[PR]

by agostinho | 2008-07-22 23:14