<   2008年 06月 ( 29 )   > この月の画像一覧

回想

今日係2008年上半年最後既一日,明日就係香港政權移交左11年既日子,11年黎香港既得與失,大家都有所體會,但係多數既「失」都唔係人為的,即使人為也並非香港人造成的,是別國的人造成的。1997年的金融風暴、1998年既禽流感、2003年既沙士,誰都說是董先生行政不當,於是民憤日深;最終響2004年12月19日,胡錦濤當面說董建華不是,到左3月,董建華以「腳痛」向阿爺請辭,事實上佢而家健步如飛,莫非腳痛已經醫好左?

11年前既今日,香港的天哭了,大大的雨點、光劍既閃電…真係連個天都唔想英國走人,由中國人管返香港。香港之所以有今時今日既成績都係由英國人打返黎,所以香港如果無左鴉片戰爭、南京條約等等既話,香港而家會唔會仲係一條漁村呢?11年前既今日,英方做左好多既告別儀式,還記得響Tammar既告別儀式呀?當時地上的人唱的唱、說的說地告別,眼淚從眼邊之中出來。唉

10年前既今日,我離開我既母校——聖若瑟教區中學,當時我放棄我既好同學、好朋友、好既教師……轉到一個新既學習環境,不過好記得當時有杭親王同我一齊轉到尼個新的學校,這就是粵華中學。不過我也想不到的是10年後的今日我竟然會站回在聖若瑟的大家庭之內向各位宣布我畢業了。聖若瑟教區中學,是我一個永遠不忘的學校。

八月既第一個禮拜,即係會考公布既一日,我將會向大家講述我來年既去向以及我入學試既結果。另一方面,我會響不日同大家講下我畢業當日既情況。而響今日,係A-level公布既日子,今年公布無舊年咁「緊張」,主要原因係舊年好多人take A-level,而今年所識既只有幾個,分別是Micho、Ryan(TC)、Trent、阿Green同埋曳曳。

到目前為止(截稿時),而家問到Ryan同曳曳既成績;先講曳曳,曳曳有2D,英文不合格,入唔到大學;而Ryan就全部都係「U」,不過佢竟然無野,祝福你地呵。而今年既六優狀元竟然響沙田恆商出現,即係阿Key戈間,勁!而今年恆商人村勁勁,好分既多數響曬戈邊;相反,傳統名校好似聖若瑟書院、拔萃男女書院竟然…唉,唔好提了。而小K戈間既李城璧都唔差,最好戈個有3A1B,而根據佢所講,Geog全部合格。

出年既尼個時候,我就一定會緊張嫁喇,因為我既好哥哥小K係出年既應考生,希望小K生生性性,努努力力,唔好好似會考戈陣咁得個車邊分喇。小K,我撐你之餘,你都要盡你自已既努力呀!冀望你既成績會好好。
[PR]

by agostinho | 2008-06-30 22:50

越創新低

為何由上個月一個禮拜平均瀏覽次數既40幾降到而家一個禮拜平均瀏覽次數得戈8.5呢?各位,我打既日記係好需要各位既長期支持呵!朋友以及我唔識而喜歡到來既朋友,如果我無左你地既瀏覽,尼度就會變得空虛,好似係個空城計嫁喇。平均瀏覽次數記錄如下:上三個禮拜係25.5;上兩個禮拜係14;而上個禮拜係8.5!我唔想今個禮拜會好似恆生指數咁插水式下去呵。
[PR]

by agostinho | 2008-06-29 20:12

評審

今日係第一次響尼間公司度做評審,不過同之前不同既係我被人評審,心中有小小不安,因為「成績」未出,我都唔知我既「成果」係點,不過how can we satisfy other's demand呢?所以只要無悔於心的話,我就覺得無問題嫁喇。

1730,我做評審了,一大批既問題通通都問我一餐,連對同事既感受都要我一一道明,唉。不過我所講既都係事實,並無半點虛言。我對得住我自已,也對得住每一位同事。

評審結果有一個4,5個3,3個2,總分係70.83分,都算高嫁喇。不過Mr W.話有個4你好勁嫁喇,因為佢好少會俾到個4分人地,仲話我個心應該都好cold下。
[PR]

by agostinho | 2008-06-28 21:43

「訓」!尼個字係我最鐘意既字,因為尼個解成有得sleep,哈哈。唔知點解打完風之後住住都會好眼訓,但我又唔係因為「追風」而唔去訓既人,為何我會眼訓呢?莫非我有左尼個「颱風走後睡眠症」?
[PR]

by agostinho | 2008-06-27 22:57

風神訪港

掛左2個鐘既八號東北,天文台就改發八號西北,天文台仲話遲下會改發八號西南,即係個個方位都要「吹一吹」,「風神」尼個名真係改得無錯呀!之後就訓左一陣…訓到0530,風勁、雨勁!真係風神囉!打到埋身先「有料到」,尼個咁既風真係勁呵。之後睇《風暴消息》,哈哈,真係連記者都吹到…尼個風真勁!

風勁有咩用呢?響澳門連一號波都不如!澳門既三號波根本係因為香港發出八號波而發發三號,可以又講係「跟風」之作。當然,澳門最後都係發三號波,八號波無望。由於咁既原因,所以就死氣地地咁返工啦,不過澳門發出左黑雨,問下要唔唔要返工喇,點知係要!有無搞錯呢?黑雨都要人返工,尼間係黑公司黎嫁!
[PR]

by agostinho | 2008-06-25 23:45

風神殺到!

三號波!真係想不到1630就發出三號波上公仔箱囉,尼d係唔係想不到的驚喜呢?真係體會左尋日戈句。其實咁搞法都知天文台會發出八號波嫁啦,點知被我想中好,天文台真係發左新聞稿,稿上指出會響2300或之前發出八號波,正呀!不過有樣野要做既就係打電話返香港叫小K、Kyle同埋阿聰知會掛八號波。

第一個就係Kyle,不過點打都無人聽…要你救命就死得囉,呵。之後打俾小K,小K響荃灣,當我講緊佢知會改發八號波戈陣,我聽得出佢係半信半疑,不過最終都信我講。最後就係阿聰了,阿聰好勁囉,因為已經知道,咁就安心了。

2300都未到,天文台就已經響2245發出左八號東北,睇睇下《向世界出發(On the Road)》突然黎個《風暴消息》,東昇斑話而家改發八號,講左分幾鐘就播返《向》。
[PR]

by agostinho | 2008-06-24 17:28

風神入境

今日又掛一號風球喇,其實我地真係要改下個「口風」喇,因為而家既颱風信號邊會係用「掛」尼個字呢?而家尼個字實在唔應該去講,因為而家香港邊會「掛」個風球上去呢?而家係發出了,所以應該話:「天文台今日發出左一號戒備信號。」

「風神」今日入境,之前響賓賓國搞到好多人死傷,尼個「名」果然勁呀下…唔知黎到香港戈陣,風神會點發威呢?
[PR]

by agostinho | 2008-06-23 16:26

香港迷路記

今日返香港,原本係為阿聰慶祝生日嫁,點知佢又要返工,明明約好都…唉,算啦,我覺得有心就得嫁喇。今日返香港既另一個原因就係簽約。

今日1115返到上環,跟著就到香港公園附近簽約,簽咩約?個個都問我,哈哈。尼份合約係出年年中以「中國香港」既名義,用「中國香港代表團副領隊」既身份到哥本哈根出賽;機票、住宿、餐飲當然全部由運動會組委會包辦啦。雖然尼份合約已經簽左,不過我都可以到時唔帶隊,尼個係幾好既條款。

簽完約跟著就搭101號九巴去土瓜灣hea左陣。hea到大概1530就去MK,去join Kyle,點知搭錯巴士,搭左3C去慈雲山,響富山村落車。響富山概巴士站見到寫著有架巴士去九龍地鐵站,太好喇!此時,阿聰同Kyle分別打黎;阿聰同我講野,講近況多;Kyle就話打波打到1800,叫我去青衣join佢,所以就坐202E到九龍地鐵站,然後坐地鐵去青衣機鐵站。

入到青衣,當然熟路啦,哈哈,去到青衣市政大廈,原來尼個市政大廈既地面層係街市,樓上就係體育館,幾好丫,澳門都應該參考下好。之後就同Kyle出去荃灣等小K,由於小K已經被迫食飯,所以我就Kyle兩個人去食雲南米線,真係好大碗囉,18元而已!

之後小K join埋我地,三兄弟就去一間叫WinCafe既地方度講黎、玩下,好開心,不過時間飛逝,好快過曬,唯有期盼七月Kyle慶祝生日戈陣先聚下啦。
[PR]

by agostinho | 2008-06-22 23:28

痛也

腳痛!今日腳痛!由於連日黎都企響度仲要影印呀影印,對腳唔痛就怪囉。
[PR]

by agostinho | 2008-06-21 22:00

有言可說嘛?

秒秒都影印;
分分都影印;
鐘鐘都影印;
日日都影印;
影印到何時?
[PR]

by agostinho | 2008-06-20 22:59