<   2008年 03月 ( 22 )   > この月の画像一覧

北京奧完

北京將會響八月搞奧運,中共成日都話「完了百年美夢」,不過係唔係真係「美夢」就見人見智囉。以下有兩個好好既例子去同大家公享下:

「同一個世界,同一個夢想」係北京奧運既口號,不過組委會都無做到「同一個世界」,點解?事關選聖火火炬手戈陣,因為我既國籍係葡萄牙就一口要我「出境」,無得傳聖火。唉。

第二就係小K哥響佢個bolg度講既,環保、污染、衛生、民生等等既問題械根本無改過,而小K哥想去同上訪人士(指到北京投訴既人民)就被著黑色衫既包圍著,這可說明中國既民主、自由在何呢?而拉薩騷亂中,是中共問題定藏民搞事,定還是中共做既騷呢?真係唔知點講好囉。

所以我覺得,杯葛北京奧運都有合情既合理理據,不過體育唔可以同政治聯上關系的,因為體育就是體育、政治就是政治,不過有時候就要用尼d野黎「威脅」下先可能會有進步的。而北京奧運倒數一週年主題曲中既「...We are ready, we are ready!...」係唔係到開幕當日先會懟民主、自由ready好呢?係唔係要放長雙眼去睇呢?
[PR]

by agostinho | 2008-03-29 18:57

出信出信

今日都要學下古月咁講:「好忙呀,好忙呀!」成個下午都響度出信、出memo,真係「行政」囉。回想舊年,Flora成日要我地去作信咁交功課俾佢都算係功不可沒了。

晚刻同好內無見(都有兩年)既團友Martin講MSN,發現個個份工都無可能睇著自已個title黎做野囉,而且澳門更是。不過講開又講丫,我地都各自各忙,要黎一個「大集合」唔知幾時可以「發生」呢?
[PR]

by agostinho | 2008-03-28 21:28

【入學記】旅遊面試

「入學記」又黎喇,希望可以寫埋今年就算啦(可以入到大學喇)。至於今日既面試係「先頭部隊」,因為我被免筆試,而且係因為舊年入到三甲而得黎既。

講返今日既面試先喇,1630就到IFT喇,之後響Inspiratation Building度等入去interview(我係1700 interview既)。而interview除左我之外,一個係澳門聖羅撒(Rosa中中)、另外2個都係澳門陳瑞祺(PHC),三個女加我一個男仔……唉。至於面試官就係一個日本既、一個係叫Tom Wilhelem既外國人士同埋響做運動會戈陣識既Justine La。

面試過程我係被動戈個,因為我睇過香港既朋友響HKCEE、A level都係採取被動既作風,之後就容易去band人地既point,而我都係用尼個「計謀」。至於提目係「你覺得澳門居民的語言水平能力如何?」。Rosa中中戈個既英文唔得之外仲要話政府政策唔好,唉,你上政治課咩?而PHC戈兩個就中規中舉,算係過關嫁喇,而我就…唔講喇,因為我自己點評自已呢?不過我覺ok啦。

Interview完之後就去找Rita既新公司,去幫佢睇下佢個九方有咩問題,結果係click少左個關聯鍵。之後講左一陣野就走人。
[PR]

by agostinho | 2008-03-26 20:21

童真漫漫

今日訓之前同Micko講野,都好開心呵。而Siu K哥就仲響北京……而Cyrus哥就今日生日,祝阿哥生日快樂!

今日就成日都響度將有歷史記錄價值既相upload到我既facebook度…唉,真係童年時最好,咩都有人撐,可以講係好過去旅行,即使係做MEAG戈陣,都好開心,係學到野囉。至於而家,人心難測,互相猜忌就……唉。
[PR]

by agostinho | 2008-03-25 18:34

回想當年

今日係復活節喇,先祝各位Happy Easter!

三年前既復活節,我「出世」囉,做左天國既子民,到而家睇返d相戈陣,就覺得當時好開心,好好玩,有時真係好想返去戈個時期去過活,咁想繼續大下去。

特別的是讀書戈陣有一班又一班既同學、miss同阿sir既照顧下,成為左小花咁成長。而家成長了,真係有唔份氣點解畢業後會咁囉,同學、好友各自工作、讀書等等,見到戈陣都係過路時見到,點點頭就各有各走。唉,朋友,有時間我地要坐下一齊回想當年呵。
[PR]

by agostinho | 2008-03-23 17:12

【號外】終於變天了

各位,如我所想,籃營大勝了!籃營今次大勝二百萬票,贏出六成選票!選舉到而家,馬英九可以順利當選,成功變回籃天。
a0094795_0583311.gif

[PR]

by agostinho | 2008-03-22 20:24

支持2號

明日,係注視台灣既大日子,因為台灣能唔能夠「變天」就要睇尼一日,因為明日係中華民國新的一屆總統選舉日。而我既心水號碼就是編為二號的中國國民黨總統侯選人馬英九及副總統侯選人蕭萬長。

四年前、八年前既三月尼個時候,國民黨(籃營)小數於民進黨(綠營),做了在野黨,也是中華民國建國以來的第一次,而八年後的今天是否能夠「變天」就好緊要,因為阿扁時代正式要走下來,要結束了,取而代之的是新的總統。所以,籃綠陣營都好緊張尼次選舉;對於籃營勝的話,代表了台灣人對過去八年阿扁執政以選票來表示他們的不滿,所以阿扁而家成為左民進黨的票源毒針;而綠營勝的話,代表了台灣人又怕國民黨一黨獨大…

可是,國民黨真是當選的話,她可以會一黨「獨大」嘛?雖然行政、立法可以「獨大」,尼個表面證據是成立的,但下台灣媒體、人民的監督之下,即使國民黨要「獨大」也無可能的,因為是無可能。而「獨大」是由民進黨在阿扁的政策下而造成的,唔可以話阿扁無幫過人地手。

對於民進黨的奧步(即使詐)真係好勁,籃營又出動到國民黨主席郭伯雄「留守」大本營到最後一刻,仲要隨時準備回應民進黨奧步,真係表達了國民黨唔想因為對手的奧步而影響選情外,也可以即時回應、向記者解畫。另一方面,民進黨成日講小馬哥有綠卡(美國移民簽證)同埋唔係台灣人,真係無奈了,因為中華民國中央選舉委員會對馬英九作出評審侯選人的資格的,而中選會都表示無問題,點解謝長廷仲要咁講呢?真奧步呢!

點都好,而家講咩都無用的了,選舉明日就開始,我也希望台灣選民好好善用佢地既每一張選票去選出佢地心目中的侯選人、心中的總統、心中的副總統。明日,台灣選戰正式開波,一切都會成為事實。最後,希望在三二二晚上會知道勝出的是二號,而非一號。
[PR]

by agostinho | 2008-03-21 22:00

確定計劃

哈哈,我終於要同大家講喇,不過係我既好朋友同埋香港戈面既阿哥已經知咩事嫁喇。我會響4月5號下午(或者中午)返黎香港,首先會同Terry(MAC)一齊,之後Joey姐會join我同Terry。至於晚刻我地三個同埋阿哥(阿聰)去香港體育館(即紅館)睇阿仔既第一場演唱會。

演唱會之後,就去唱K(地點未定,不過Neway同CEO既成數高d),而家已經知道會出席既人有我、小K哥、阿哥(阿聰)、Terry(MAC)、Joey姐、Kurits、謙仔合共七個,而Roddick哥、Ranz哥、Jay(KEN)、Kim等等。不過,今次唱K只接待我既阿哥同埋最好既朋友,其他一律不會招待或歡迎。
[PR]

by agostinho | 2008-03-20 15:51

新的妖精

雖然我地燒左隻妖精已經大半個月,不過妖精既妖氣死不離開,「新的妖精」響公司橫行,仲連我地既上司都照罵,有無搞錯呀?事實上,上司真係好人一個,而尼種上司真係好少見;佢認為,總之你搞得好d野就咩都得…根本係世間少有。而新的妖精就不斷向上司施壓,而且一次多過一次,一次勁過一次,根本無當佢既上司係上司,自己高高在上。

事實上,新的妖精根本唔識做野都算啦,成日錯漏百出之餘又唔認自己做錯左野,根本係無實權而當是有權既人,遲早會係范仲憎。其實我都好不滿佢,佢唔出學野、努力,求求其其咁做野,又無交帶,真係唔知佢做乜。
[PR]

by agostinho | 2008-03-19 02:06

閉門打仔

由尋日凌晨開始,中國開始唔準人入西藏,仲要係送埋機票要你走人,正宗非走不可。而15名香港記者也被帶離拉薩,尼個舉作好顯示出西藏自治區政府進一步準備閉門打仔,分分鐘係今年既六四事件重演。

事件既「真相」我地一定唔會知,因為中國怖下地網,無人可以入藏問津,而西藏既政治情況會點呢?相信都要等佢教好仔、教好女、鎮壓好先會「重新開放」被人入去。
[PR]

by agostinho | 2008-03-18 17:21