<   2008年 02月 ( 18 )   > この月の画像一覧

Special Day

今日係四年先得戈一次既二月二十九日,所以我特別地去tickl day off既。

講返今日喇,真係無咩好做,因為day off同平時放假都係差唔多,之後要返學,所以好似無咩「特別意義」。
[PR]

by agostinho | 2008-02-29 21:09

後移的後移

「髮線後移」今日落區黎巡視,之後就d內部表格而「講數」…根本就係簡單野去複雜化…到時真係要我去填既話,我想講:「唔好煩我啦!」

今日好煩,唔知做咩咁煩,煩到我都心煩曬,成人「妖精」既「自己人」仲要話我…事緣戈個「自己人」get左Gloria份蘋果日報黎睇,我叫佢放低,因為尼份報紙唔係被人睇,係我地員工既私人物品,之後佢唔份氣,話我:「而家你算點呀?咁叻去報警囉,報警啦!」

之後「妖精」條仔打黎要轉名,不過有三個版本,佢好火咁話:「我唔你做呀,唔要你!你同我叫第二個!」但因為同事去開會,所以我就話:「佢地開緊會播,你遲d打黎啦。」「遲d係唔係明日、後日呀?」「咩叫遲d呀?」我說畢,立即收線!哈哈,仲咁俾我玩死?之後佢打俾「妖精」既手提,「妖精」話:「我尼d人邊有會開丫?」,此刻心想,妖精你都仲有尼幾日就唔做,日後既野,會關你事咩?

總之,今日好煩,無曬心機,唉,算矣,因我心無戀於此也。
[PR]

by agostinho | 2008-02-27 21:03

【入大記述】

早前報左澳門理工,今朝就報左澳大,報左咩?理工既志願係公共行政同埋公共關係;而澳門大學就係公共行政、新聞及公共事務同埋歷史專業。

其實,三個系都係我既「非快律」,要邊個做第一個志願真係好難去choose,不過我覺得公共行政就好配合我既作風,因為公共行政係同政治互不可分開既一個範疇,所以第一志願係公共行政。第二個係新聞及公共事務,又係同上一個理由差唔多,不過讀完書之後會好辛苦,因為做記者就…唉,不過死都唔入無線嫁喇,因為係人都知,無線(特別係六嬸)對新聞部既作風係點嫁喇。最後一個係歷史專業,歷史都係有關既。所以我可以話同政治全部都有關既關系。
[PR]

by agostinho | 2008-02-25 15:18

禮拜日,樂也

又到左一個禮拜好期待既禮拜日喇。因為禮拜日係「安息日」,唔點做野嫁嘛,哈哈,不過明日開始就又會唔同樣嫁喇。

安息日做咩?當然上網、睇下新聞咁囉,無無聊聊咁就過一日嫁喇。不過今日都為左軒仔既個唱而忙而少少,就係一個又一個咁打電話去問取唔取消認購d飛,結果好好,無一個話取消。多謝你地對軒仔既support呀!
[PR]

by agostinho | 2008-02-24 19:10

新的家

尼幾日,我多左三個香港既阿哥,佢地都幾錫我嫁,哈哈。不過而家唔講係邊個著,下個月二十六號我就會公布尼個「新的家」家庭成員名單,不過可以透露既係現時既「屋企人」會有人被Out出局。
[PR]

by agostinho | 2008-02-23 14:25

【特別報道】2010年新加坡見

新加坡成功申辦2010年夏季奧林匹克青年運動會‎

今日,傳來了一個好的消息,就是新加坡成功申辦奧青運。其實我好想里斯本可以申辦,不過當時都唔知點解無申辦到。其後,我睇到有十一個城市申辦,所以我就覺得新加坡好有機會,個list係咁減下減下…最終得返莫斯科同新加坡,我就覺新加坡好有機會,因為莫斯科既同國家既城市Sochi成功申辦左2014冬奧運,所以新加坡個機會會自然高出一線。
[PR]

by agostinho | 2008-02-21 20:36

永別肥姐

a0094795_2572166.jpg肥姐已經離開左我地喇,正如煲呔咁話:「『肥肥』係我地既開心果,香港人既開心果」。這粒開心果就咁離開左我地,雖然離開左我地,不過我都想佢離開。唔係我黑心,係因為肥姐要同個病打仗打咁內,係人都辛苦;肥姐睇見有得食而唔食得,你話係唔係好辛苦呢?所以肥姐既離去會更好。肥姐既笑聲永存我地既心中、腦海、資料庫之中,係唔會被人delete左去既。
[PR]

by agostinho | 2008-02-20 18:20

【號外】肥姐,你的笑聲永存我們腦海

a0094795_2572166.jpg今日突然收到今年一個不幸的消息,就是我地既「肥姐」沈殿霞在今日早上8時38分於香港瑪麗醫院病逝,過渡了一個甲子。據悉其家人已經領走遺體。其家人及親友一直未有露面。據醫院稱是按肥肥的家人要求,低調處理肥姐的死訊。
  肥姐沈殿霞1947年在上海出生,家中共有九姊弟,肥姐排第六。出身富裕家庭的肥姐,家中做代理香煙生意,11歲時隨父母來港定居。
  肥姐在1960加入娛樂圏,67年在蔡和平介紹下加入無綫成為開國功臣,及後成為《歡樂今宵》的台柱。多年來一直工作機會不斷,由粵語長片、電視劇到大型節目主持等,作品多不勝數。
  行政長官曾蔭權表示肥姐離世感到難過,他稱讚她是港人心中的「開心果」,與港人共同成長;又指她近年一直對抗病魔,有著堅毅的意志,代表港人的精神;他代表政府和全港市民向沈殿霞家人送上慰問。
  民政事務局局長曾德成表示,對沈殿霞的逝世深感難過和惋惜,並向她的家人致以深切慰問;他讚揚肥姐是一位出色藝人,畢生貢獻演藝事業,帶給香港市民許多歡樂,社會各界人士將會十分懷念她。
  商務及經濟發展局局長馬時亨表示,對沈殿霞逝世深感惋惜。他指肥姐自60年代以童星進入演藝界,至今40多年,貢獻良多。認為肥姐的開心果形象,帶給觀眾無限歡樂。馬時亨又認為,肥姐的逝世,令香港痛失一位出色喜劇演員和節目主持人。他代表商務及經濟發展局,向其家人致以最深切的慰問。
  周梁淑怡對此感到突然及惋惜,她稱一直有和肥姐聯絡,數月前更相約出外用膳,指當時肥姐已需要服食大量藥物,她稱讚肥姐是一個敬業樂業及高水平的名人,亦是有天份及勤力的藝人。周梁淑怡又指肥姐對本港貢獻很大、對後輩有著大啟發,她帶給觀眾的歡笑,是最能代表娛樂界的目標。
  香港演藝人協會會長譚詠麟對此表示難過,稱在農曆新年前曾與肥姐通過電話,相約她康復後晚膳,他形容肥姐即時以響亮聲音答應。
  蔡和平接受傳媒訪問時聲音哽咽,說到肥姐的生平時更傳出飲泣之聲,不時需中斷對話,情緒激動。
  盧海鵬稱對肥姐離世感觸良多,亦是本港一個絕大的損失,他讚揚肥姐為人專業,地位無人可比。盧表示與沈共事多年,不管當年共同演出「歡樂今宵」,之後他轉至亞視及移民,甚至回流香港,可說是合作不斷。
  何守信接受電台訪問時表示:「呢次佢離開好沉重,雖然冇心理準備,我去年五月曾經同佢食飯,佢當時身體好弱,但好有信心戰勝病魔,奈何人都係人,敵不過病魔。肥姐已經盡咗自己個人努力,佢現在不需受痛苦,雖然離開咗,我為佢祝福。」
  現身在外地的謝賢表示,已得悉好友沈殿霞病逝,坦言非常唔開心,他大讚肥姐是非常突出的藝人,聰明加上口齒伶俐,不諱言擔心欣宜情況,曾致電對方但仍聯絡不上,希望欣宜要堅強下去。
  狄波拉對肥肥去世十分傷心,接受訪問時更泣不成聲,她是前晚才返港,之後致電陳淑芬,想約李琳琳一起去探肥肥,想不到未能見最後一面。拉姑認為肥肥去世之後,欣宜要對面很大的壓力,她很乖很孝順,也很堅強,肥姐患病期間她的表現很好,也成熟了很多,希望大家錫肥姐就要錫欣宜。
  李香琴表示,對她的逝世感到難過。李香琴今早接受傳媒訪問時聲音哽咽,情緒激動,傳出飲泣之聲,心情無法平復。
  薜家燕說沈殿霞一直堅強對抗病魔,她的離世是演藝界的一大損失。
  現居於加拿大、曾為無線藝人的苗可秀聽聞肥姐去世新聞後立即泣不成聲,不肯再發表意見,只說太難過。
  身在洛杉磯的孫泳恩驚聞肥姐沈殿霞逝世的消息後,表示十分難過,她說:「好難受!估唔到兩年前佢來洛杉磯拍《友緣相聚》係最後一次見佢,感到傷心,唔知講乜好,人生好化。」
  成龍對於肥姐逝世深表難過,靜默幾秒才表示,今早從收音機上得悉好友病逝,坦言對方離去乃整個香港社會、影壇甚至全中國的損失,雖然這幾年間未有與肥姐見面,但仍有透過電話問候對方,大讚她意志力驚人,如今好朋友離去,最擔心愛女欣宜,呼籲她一定要振作,還寄望大家可如支持肥姐般支持欣宜。
  由於不少市民都不知肥姐今早病逝的消息,有市民聽到消息後,感到震驚,回想她生前的演出時,更是淚流。許多市民更不約而同,形容肥姐是眾人的開心果,最難忘的演出是《歡樂今宵》。
[PR]

by agostinho | 2008-02-19 13:19

【EAG】日期決出

今晚收到風喇!出年響香港搞既東亞運會響12月5號到13舉行,而且開、閉幕禮都會由將軍澳運動場度搞曬,大球場就落空左喇。

其實冬天先黎去搞EAG會唔會有問題呢?因為12月既溫度都會10幾到21、22度咁上下溫度,而家係搞冬季定係夏季呢?雖然,尼屆既東亞運會係我既「生日禮物」,不過我都唔想凍冰冰黎搞,因為咁樣會影響運動員既應有水平。
[PR]

by agostinho | 2008-02-15 16:32

首次有情人的情人節

今日係一年一次既情人節,哈哈,等左尼日好內喇,因為今個情人節係第一次有情人陪我過既情人節。雖然情人不在香港、澳門,不過我都可以感受到佢對我既愛意之外,我都好愛佢呵!

無得親身陪情人,就唯有去陪一陪同見一見我地既「恩人」,無佢就唔會有尼段愛情,所以我好多謝佢嫁。1200去到MK既銀行中心度等佢,之後去食中午,行左幾條街先選擇到食咩,當然係由Nicky拍版啦。今餐我地食米線,而Nikcy就要多三串串燒,食量可謂「驚人」!食完就陪佢去等佢阿妹同阿媽…哈哈,Nicky好得意,俾阿哥蝦到上心口都唔知。

之後就叫Kenny陪我一陣,行左先達就走人…因為佢要見工。隨後就約阿妹,佢要搞個半鐘先出得黎,所以就入青衣找Dext。三點半就走人,因為係時侯見阿妹喇!

1620…遲左20分鐘,阿妹唔好意思呀,因為無車嘛。之後我地就由南昌地鐵(西鐵)站行到深水埗既西九龍中心度行商場,一路行、一路睇下野。行行下見到有人大囂地講野,我地就去睇咩事,好好笑囉。之後就響McD度食,之後發現左件唔開心既事(我既最好朋友大部分都知道咩事),之後阿妹安慰我,是但啦,係你既就係你,唔係你既,死爭都唔得嫁喇。

食完之後就經過鴨寮街行返去南昌,跟著就傾心事。之後見到阿妹個男朋友,佢送左4扎花(一扎101朵,兩札11朵、一札唔記得幾多)真係好甜呢!

之後就返澳門同阿花傾MSN,哈哈,佢等左我成幾個鐘喇,心痛死。所以即刻send三扎花(無線新聞既cap圖)俾佢,希望佢覺得等咁內都值得啦,哈哈。最後,祝各位情人節快樂!
[PR]

by agostinho | 2008-02-14 23:48