<   2007年 12月 ( 35 )   > この月の画像一覧

高清年代

a0094795_1265131.jpg今晚,係香港電視歷史上新的一頁、新的里程碑;因為我地已經響今晚七點鐘齊齊進入高清廣播既時代喇,不過,高清真係清得好勁囉!無線今晚可能高清既問題,所以就「高清」曬俾我地去睇囉!今晚既翡翠台無啦啦換左做高清翡翠台,真係進入高清年代囉。
a0094795_1271186.jpg
首先,講下無線今晚出錯既問題所在先喇!做每個節目戈陣,都會話一陣間會做咩咩嫁嘛,無線既播道員話「一陣會係《數碼電視新紀元》」咁樣,不過電視畫面就無左「數碼電視新紀元」既字樣,真係兩年黎(用尼個線條性mode)既第一次喇,真係好野囉!

a0094795_1274544.jpga0094795_1281843.jpg之後響台呼戈陣又用高清翡翠台個台徽代替左翡翠台,應該用翡翠台嫁嘛,真係好勁下囉!
[PR]

by agostinho | 2007-12-31 22:55

【回顧】要案 + 今日鎖事

今日開始一連十幾日會講下2007年既特別事。今日要講既當然係頭炮,不如就講下案情喇!今年香港同澳門都各自有一單好勁既案件,香港有徐步高槍殺案同澳門既歐文龍貪污案。響徐步高案中,事件都好激下,一個警察竟然自身演出左一齣既「《無間道》」,你話勁唔勁呢?連其他人包括同事、家人都唔知,仲要以為係好人,真係同張維美(徐母)可憐有個咁既仔。至於歐文龍貪污案之中,我一直都好關心案情進展,因為范小雲(歐母)係我以前既主任,而且又係杭親王個阿婆,歐文龍害范主任,我覺得范主任好可憐,因為死左都要俾自己個仔害,真係死得唔眼閉囉。我想講既係做人阿媽真係長憂唔係九十九,而係死左都要憂。

今日下午去街,去buy錶同剪頭髮。錶終於buy左一隻,係黑綱既,所以好鐘意。頭髮就剪錯曬,唉,好無奈囉。晚刻食飯好開胃下,食完都仲要食,哈哈。
[PR]

by agostinho | 2007-12-30 01:48

小感想一則

今日睇《臘筆小新》既黑暗咩咩劇場版;其實我覺得劇場版無一個故仔戈種咁好睇,因為劇場版永遠響個plot度都好有問題,雖然係咁,娛樂下、輕鬆下啦。

下午去博士文具同大創百貨buy小小野,包括1 pack folder、eraser同埋筆袋等等。期間見到「河童」清淨送俾我既禮物,唉,真係大創既出品,無奈也。

晚刻無無聊聊咁過,唉。明日開始就會講下今年既大事回顧,不過日記、頒獎禮等等會繼續去寫既。
[PR]

by agostinho | 2007-12-29 03:47

叱o它投票

尋晚新城完曬喇,下一個就係叱o宅戈邊;有關叱o它既投票,我就投曬票喇,唔知你投左未呢?下列為我既最喜愛投向:男歌手,張敬軒;女歌手,容祖兒;組合,I Love You Boy'z;歌曲,酷愛(張敬軒)。

而我最最最最最最最最最喜愛歌曲就係最難投既一個「項目」,因為首首都係好歌,候選既係《只要為我愛一天》 (1997,黎明 ) 、《越吻越傷心》 (1998,蘇永康) 、《幸福摩天輪》 (1999,陳奕迅)、《K歌之王》 (2000,陳奕迅 ) 、《開不了口》 (2001,周杰倫) 、《好心分手》 (2002,盧巧音)、《必殺技》 (2003,古巨基) 、《愛與誠》 (2004,古巨基) 、《夕陽無限好》 (2005,陳奕迅)同埋《愛得太遲》 (2006,古巨基)。

我覺得越「新」既歌有最著數,因為首歌熟嘛。我既心水我最最最最最最最最最喜愛歌曲5強係《只要為我愛一天》 、《幸福摩天輪》 、《好心分手》 、《愛與誠》 同埋《夕陽無限好》 。尼5首係實力之作。候選既10首只有《只要為我愛一天》係「天王級」既歌,其他既都係「新一代」既歌,所以好難投。如果講melody,《幸福摩天輪》就實至名歸;而情歌就《好心分手》 、《愛與誠》都唔差,不過《好心分手》 較勝一些。最後,我投左《幸福摩天輪》。投佢既原因係咩?好聽同埋近年少見既一級好歌囉。
[PR]

by agostinho | 2007-12-28 04:10

【號外】貝娜齊爾去世

a0094795_1595878.jpg今晚突然收到一個不可相信的消息,就是巴基斯坦前總理、該國民主領袖貝娜齊爾(Benazir Bhutto)於當地時間大概1730因被自殺式襲擊而去世。對於今次的針對性及有預期的襲擊,本人對此表示失望、難過及沮喪的。有關發動襲擊的人士的「行動」表面雖然是成功了,但對於巴基斯埋的民主進情等各方面均會因此而受到嚴重的打擊,襲擊是民主、自由以及是和平的倒退;除了巴基斯坦之外,在中亞地區的影響也是有深深的影響,會影響當地的區內的緊張局勢加劇。另外,對於貝娜齊爾為巴基斯坦就有關民主、自由及和平的推動,是作出正面的行為。對於貝娜齊爾的去世及有關的襲擊是民主憂傷的一日,也是一次無理性的襲擊。
二零零七年十二月二十七日
[PR]

by agostinho | 2007-12-27 22:58

Boxing Day + 新城頒獎禮

今日係一年一度既Boxing day,又係南亞海嘯三周年既紀念日子。先講海嘯回顧先喇!海嘯第二年(2005年)既一月,楊神父要我地一一講出有關海嘯既感受,雖然我無咩經歷,但我講左一個朋友個boss既女親身經歷,當時想喊,眼仔充曬淚水。事後同張蒨家姐講番,原來我同家姐都係一樣,覺得戈次海嘯係自然災難,而唔係咩特別囉。

講返Boxing Day喇,今日一口氣地開曬到而家收到既生日同聖誕禮物,合共26份,多謝你地呀,最名貴既係阿言送既紫水晶飾物(估值500幾),而最cheap既係清淨迷既豬膠公仔(估值20蚊)。不過點都好,都係你地既一番心意。

今晚,新城頒獎,係第一張香港樂壇成績表,個結果係人都知係太公分豬肉嫁喇,個個都有既。不過賽果好有問題囉,一頒戈類人(指公司or地區)就係戈類既,無奈囉。新城根本唔可以叫做頒獎禮,應該叫分獎禮。

軒仔今年成績好似幾好,因為新城都分左三個獎俾佢。而華叔(劉德華)同醫神(Eason)都分到5個獎,係人都知嫁喇。至於傳媒大獎會落在何人就言之尚早。等無線出左成績表就會可以估下嫁喇。
[PR]

by agostinho | 2007-12-26 03:22

這個聖誕不快樂

今日係聖誕節,人人都會同你講句「聖誕快樂」,但係我可以同你講,尼個聖誕節以及我既生日一d都唔快樂!無錯,一點都無快樂過。

人也是一個爭執既動物,和別的動物無異。天主要我們到這個世上就是要我們和他人和平共處、互愛互助、互相包容。這幾年來,特別是我成為天父兒女的一份子後,這個對人的態度好明顯。不過,你對人好就唔會一定人人都會對你好,反而會害你、冼你、唱你……

今晚,同aunt食飯之後,就同arthur MSN;之後由於記起響維基百科既不公平既封鎖對付期完左,所以就去編番有關既條目,不過維基百科繼給了我一個咁勁「生日禮物」我之後,今日又到到佢既「聖誕禮物」,「聖誕禮物」就係繼續封我,無解封過既動作,而且是來自中華民國既「天上的雲彩」封我。之後我到MSN睇下邊個管理員響度可以問下,問知上海既管理員Emily響度,所以問下佢為何。

返黎既答案就係話我「於封禁時多次繞過封禁發言且對他人進行法律威脅」,真無奈!封禁既時候都無用過個用戶去編,而且都編咁到喇,用家姐部腦就「封鎖浩劫」去自己既用戶頁作記錄都唔得既咩?犯人在獄中也可以讀書、寫書、打波喇,而且我都無過界。而話我「進行法律威脅」仲O咀囉!因為我話會保留法律追夠既權利就變左做「法律威脅」,咁仲有天理既?我真係又被人針著喇。

編輯網友(都唔知係唔係友tim la)仲話我上次響科大戈度好用唔用英文講之外仲要話我無精力準備,無奈!病都黎同你去講仲要被劉偉(響我之前戈個講者講埋我既時間仲要超時),我勁快地去講姐,咁都要被人話。而且每個講座既講者都有佢自己既唔同作風,你可以話得我既咩?你可以有批評既意見,但批評黎話我不對就無理喇。

就尼單封鎖事件,我同阿哥、Wasa、妙妙講過尼單野,同最新既封鎖情況,佢地都話無奈,無野好講,同我一樣咁。而Wasa叫我俾曬有關既信、MSN歷史佢睇,覺得好無問題,而問題係佢地度,仲話我做得都叫理智同平靜左。不過我同Wasa討論過後都覺得我地覺得正常、合理,但唔係一定代表大陸同台灣戈班都覺得正常,因為大陸、台灣以力港澳無論響教學、思想等等方向都好唔同,所以會有尼個情況。Wasa仲話大陸話就話開放,不過開放得黎唔文明,搞gag既係開放係將共產戈套戲子開放到全世界無一個各落,而台灣就個天綠過頭,搞到唔知似咩。香港就偏激咁爭民主、爭普選;而澳門就有錢過活就咩都得。Wasa仲話四地成日要交流就係因為尼種既情況既出現而要交流,如果唔係既話,已經係同一面既旗幟啦,駛咩有四面呢?(一個好玄既答案)

算啦,就算解封都要想清楚編唔編好,因為wasa話想同我一齊編都話「唔好搞我著」。而我都無咩心機去編,個人認為維基真係好黑暗,唔知頭唔知路既就會被佢地踏到你死囉。
[PR]

by agostinho | 2007-12-25 04:37

聖誕祝賀文獻

(GR,希臘文)Καλά Χριστούγεννα!
(CH,中文) 聖誕快樂!
(EN,英文)Merry Christmas!
(PT,葡文)Feliz Natal!
(FR,法文)Joyeux Noël!
Flash 版祝福

其實,用邊個語言同人地講,都係想講一句祝福的語句。一句簡簡單單既祝福,就可以令到受祝福既人感到額外的溫暖,為何不向你身邊既人說一聲「聖誕快樂」呢?

聖誕老人、聖誕餐、聖誕襪、聖誕禮物等等尼d野都係商業化左既行為而出黎既野,不過誰會感到聖誕節既真正意義呢?公元一年時,一個嬰孩出生了,祂的出生就改變了我們,因而有這個全球性普天同慶的大日子!

站在天主教的角度,聖誕節雖然不足以復活節的意義較大,但聖誕節也有它的特別。聖誕節既主角耶穌響一個非常之寒冷既冬天度,仲要響一個馬糟裡面出世。試問有那一個嬰兒會咁樣出世呢?尼個正是表示出耶穌雖然是天主之子,聖子,但也沒有特別的特權既享有。

而家,聖誕節真係被商業化得太過嚴重了,而且聖誕老人尼個假人物被人以假當真,將耶穌只「收藏」在於《聖經》之內,確實是「不孝」了。希望各位要知道聖誕的真正主角是誰及節日的含意。

另外,而家成日都會發現商戶以及朋友都會寫「Merry X'mas」,但你又可知「X'mas」有何意義、解釋呢?「Merry Christmas」的「Christmas」是代表著耶穌既出生,所以好有意義既存在。希望大家下年寫英文既聖誕快樂時,會寫「Merry Christmas」,而非「X'mas」。
[PR]

by agostinho | 2007-12-25 00:03

平安,平安

今日係平安夜,今晚就要迎接耶穌既第二千零六個生日喇!耶穌大阿哥,生日快樂呀!

下午去Park'n Shop入返小小貨,因為今晚開始急降到1月1號既11度!唔buy返黎食既就一定會唔夠暖,病既日子會仲長。

舊年既今日都係響澳門過,不過氣溫就大不同。記得舊年要著厚厚既3,而今年就可以小小地就夠,個天真係唔同左。

今個平安夜病左,所以無返到香港,真掃興。希望響黎緊既一年會平平安安喇。

最後,祝各位平安夜平安,平安!
[PR]

by agostinho | 2007-12-24 22:07

煲劇

今日成家成個下午都響度煲無線既劇,一共睇左十集。無錯,係十集!真跨張!

不過個病又勁左咁,都唔知搞咩,唉。好唔開心,因為好怕平安夜返唔到香港。

晚刻阿根打俾我,睇下有無船飛,當然無啦,而家咩時候呢?哈哈。就算有都早d啦,下下都前一晚先問就一定無嫁喇。
[PR]

by agostinho | 2007-12-23 04:22