<   2007年 11月 ( 25 )   > この月の画像一覧

《香港樂壇頒獎禮》之預測男歌手獎

好喇,今日就講下樂壇既男歌手獎喇!由於到而家只得商台出左名單之外,其餘既三份提名名單都未出(新城會響明日出),所以只可以講叱o宅男歌手獎。響排除左新人、唔get獎、今年既努力等等因素而覺得出十強名單如下:古巨基、李克勤、林海峰、孫耀威、側田、張敬軒、張繼聰、陳奕迅、劉德華、關楚耀。至於五強就會係古巨基、李克勤、側田、張敬軒、陳奕迅。

響五強既入選名單之中,當然要選擇一下三甲位置喇。古巨基、張敬軒、陳奕迅就係我既心水,而Eason就一定get定金獎嫁喇,可以「連任」。而銀獎就好睇個戰況喇,一定係兩個仔(基仔對軒仔)既爭奪戰喇。張敬軒入選三甲係因為盛傳軒仔會因為《酷愛》尼首歌既播放好高(商台以播放率再加投票而頒獎),而且《酷愛》大碟既銷售量大破軒仔紀錄,所以軒仔今年可以入三甲位置外仲可以坐銅望銀!不過,根據斥測樂壇響10月7號既記錄,軒仔既播放率高過基仔都有40( 陳奕迅 609、張敬軒 473、古巨基 435),所以今次既男歌手爭奪戰唔響金銀之爭,而是銀銅之戰;因此銀銅之戰我都唔會去猜測,不過軒仔第一次入選五強就去get銀獎會唔會「破紀錄」就真係要到出年第一日就知喇。

至於叱o宅既我最喜愛的男歌手候選名單是為(根據商台名單為序):Eric Kwok、Oscar、小肥、方力申、方大同、王力宏、王友良、古巨基、光良、何山、吳浩康、呂方、李克勤、李逸朗、谷德昭、周杰倫、周柏豪、林一峰、林子祥、林威辰、林海峰、洪卓立、孫耀威、側田、庾澄慶、張信哲、張敬軒、張震嶽、張學友、張繼聰、曹格、梁家輝、梁漢文、許志安、許冠傑、郭富城、陳小春、陳冠希、陳奕迅、陳柏宇、陳曉東、麥浚龍、森美、黃大煒、黃家強、黃貫中、黃耀明、葉宇澄、劉德華、鄭中基、黎明、顏福偉、譚詠麟、關智斌、關楚耀以及蘇永康。

而我覺得「我最喜愛的男歌手」最後五強會係古巨基、李克勤(可能)、側田、張敬軒、陳奕迅、劉德華(可能);而得獎會係陳奕迅既成數多。

  註:編者按Patrick既留言而在2007年12月4日凌晨作修訂。
[PR]

by agostinho | 2007-11-30 19:28

《見工記》之信德(二)

a0094795_533143.jpg今日去nova(信德旗下)見工,我響1430到左,見人既係澳洲拍賣官及註冊經紀Mr Johnny Chong。Mr Chong問左我幾個問題之後就同我講有關公司既野,之後問我識唔識電腦既連接等等……之後同我講解一下公司既背景、運作等等……

最後佢話請我,不過要等三間母公司既人事部去confirm(nova係聯營公司,包括合和、信德同埋澳門旅遊娛樂)之後就可以正式上班,而公司無制服,可以著自己衫(不過大boss落區就要著得好睇d)。

冀望信德會請我啦,因為我唔想好無聊咁過日子喇(而且無收入既日子就快降臨)。
[PR]

by agostinho | 2007-11-29 19:25

《見工記》之信德(一)

今日上網無啦啦去左余宜發(Andes)個blog~ 佢原來都有份中「幸運40」,即紅寶石等等禮物。原來我一路都覺得TVB成日講既禮物、獎金係假既,不過見到Andes既blog show埋相出黎,所以禮品、獎金係真係有既,不過Andes係唔係要幫TVB黎個公道證明呢?咁就唔知喇。

a0094795_533143.jpg今日去左信德(0242)見工,可以講係成功地踏出左我既第一步嫁喇。因為信德係香港公司嘛,而Ranz尋日讚我識想就係尼件事喇。佢話我人仔細細就咁快鋪定將來要點走,真係好少有,連佢自己都話自己要學下我咁。其實我有曬計劃係要多謝響慈青(響粵華時代戈陣join既一個宗教性組織)。主要人物有江神父、阿媽(Miss Ng)、Miss Andrea、雲尼沙等人。佢地既建議、提議等等,以至話我(地)都係想我(地)好好咁去善用時間。

講返見工先,1500就去到信德既總部。之後就填form、之後Miss Law就同我做interview。個Interview同上次響福田見工戈次好好多,起碼個氣氛都好好多,可能係女士面我試掛。跟著後日就要2nd interview喇,而邊度做應該都知嫁喇,不過而家要賣個關子,因為始終都未算係信德既員工嘛,不過都希望可以做到信德既一份子呵。

最後提示下大家,明日既天氣會降到去14度,而御日就會降到入冬以來最低既12度左右,各位記得要著多件,唔好凍親呵!
[PR]

by agostinho | 2007-11-27 18:09

《香港樂壇頒獎禮》之成績表仲有一個月就派喇

訓之前好夜先見到Ranz上黎,不過佢話我知佢唔開心,因為被人放飛機之外仲要返到屋企又被人話。唉,好小見佢會咁唔開心嫁,之後去開解下佢喇,之後都無咩野。席間,我地講開做野既問題,佢係做賣日本雜誌既店員,而我就找緊工。佢開我找緊份咩工,我就講左佢知找咩同點解,佢聽完之後就讚我叻、識想,哈哈,多謝你呀。

到左今日起身之後,《澳門日報》大字標題寫著「肥肥又昏迷」。唉肥姐響無線台慶頒獎禮戈陣講過咩嫁:「我會好好咁堅持落去,唔會放棄我既演藝事業!」尼句說話講左唔夠十日就「破」左喇。肥姐,身體重要呀!

仲有一個月既倒數,一年一度既香港樂壇第一張成績表將會由新城電台頒發,12月26號尼個boxing day,有邊個歌手可以拆下禮物呢?由明日開始,我將會慢慢細數同分析一下邊個最有機會拆禮物。另外,今個年度既頒獎禮日期、時間同埋地點而經收曬風喇,詳情如下:
  12月26日 1900 會展七樓  新城電台勁爆頒獎典禮2007
  1月1日  2015 亞洲博覽館 叱o宅903流行榜頒獎典禮2007
  1月13日 2030 紅館    十大勁歌金曲頒獎典禮2007
  1月27日 1930 紅館    十大中文金曲頒獎典禮2007
而響無線睇到就四個都睇到,到而家,新城同叱o宅兩個頒獎禮會轉播(應該響2300開始到凌晨時份),而勁歌同十大就會做扒(現場直播),如果你有收音機既話,新城娛樂台會做新城扒,而叱o宅(商業二台)就做903扒,港台第二、五台就會做番十大個扒。

另外,各位香港朋友可以響www.my903.com度開始投下你既你最喜愛既男歌手、女歌手同組合喇!至於海外既朋友就唔好意思喇(都唔關我事,係商台唔準ja)。
[PR]

by agostinho | 2007-11-26 18:32

補選前戰

仲有一個禮拜,有「兩個阿太大決戰」、「阿太對阿太」、「下屬挑戰上司」、「政務司對局長」既選舉就會舉行,除左「陳四萬」同「廿三條」之外,仲引黎左多六個參選人,而尼六個人之中,最好既就係保育人士何來。

今晚由香港八大電子傳媒(aTV、Cable、商台、香港寬頻、nowTV、新城、港台、無線)合辦既《補選擂台》開左一場辨論。陳四萬第一就受到凌蔚雲既唔準你講野既態度,不過四萬都好有心機,面容無失色過。到四萬戈陣當然問廿三條喇,不過都無咩激戰,失望左;連到廿三條戈陣,竟然唔要四萬,要問何來!何來就係最好既一個,好有禮貌地回答每個參選人既提問,除左兩個阿太之外,何來就係最好既嫁喇,至於其他的則無謂講了。
[PR]

by agostinho | 2007-11-25 22:03

金精火眼寫英文

尼排最hit既莫過於女子組合Freeze喇。Freeze既新歌《金精火眼》成功響月初成功成為勁歌金曲既推薦歌;不過,個歌名改得無錯喇,真是「金精火眼」了。廣播管理局響《金》出街之後,立即收到不同既投訴,包括淫蕩、教壞細佬、風俗差等等,之後廣管局向無線投訴,而無線都立即停播,刪掉去含有色情挑釁性既片段。而「Freeze」尼個組合名都改得無錯,因為「Freeze」有冷凍之意,莫非佢地尼個整容組合要在「雪櫃」先會修心養性?

另一個要講既係英文問題,今晚響香港電台1900做既《傳媒春秋》內(傳媒人)之中講及一名美國人David Tool在北京做「語言警察」,他的「工作」就是要指出在北京大小街道上、大小店鋪等的英文問題,包括錯字、文法、用詞等等。令到我最深刻既係童子雞既英文。其實,David Tool都話響英文裡面的確是無「童子雞」尼個名詞,不過北京就用「chicken without sexual life」就真係怪上加怪喇。響美國南部的確有「童子雞」一詞,就係「pullet」,不過唔係人人都知,單是美國本土,北面的美國人都唔識嫁喇,咁點解決呢?「童子」,意思係好細既雞仔,所以同春天有小小關連(一年之始);所以David Tool就建議用「spring chicken」黎代替尼個「chicken without sexual life」喇。
[PR]

by agostinho | 2007-11-24 05:44

《預科堂記》之「測驗」

今日終於測中文喇,雖然最終都有溫過,不過都唔係好識,尼個可能係因為要讀「君子」咩咩「小人」又咩咩既一句子。

到左中文堂,靚又平入黎,我地就話:「Miss,Open book呵?」「係呀,準備好嘛?」她回答說。之後我地有人(唔記得邊個)問:「我地可以討論嫁呵?」「當然啦。」我眼見可以討論,就對住另一邊既同學(何仲街、劉立志)講:「你地不如一齊黎討論啦!」我身後既女同學(唔知叫咩名)就話:「係囉,過黎一齊討論啦。」

之後我地就一齊討論測驗既問題,互講答案……過左一陣,何仲街就直頭同後面既人一齊拍台,而我之後都一齊拍台去討論。有同學走到去靚又平戈度去問答案,而靚又平又去講播,真係搞笑。

之後余藹杭(以我記得佢應該係怡親王同屆,不過應該之後repeat左,舊年畢業不成既粵華中中學生)就走到過黎一齊討論,佢把口真係好差之外,又勁煙味,有時真係好想講:「你食煙之後真係香左唔少播!」之後又扮曬野,好似讀過中六就叻曬咁,真係頂你唔順,好在當年無繼續響粵華中中讀係正確既決定。

之後兩份卷就咁響討論之下就完成左,不過我咁仲驚,因為曾經問過阿根佢係戈種記人好勁既人黎,今次尼件事對於考試既題目會點呢?因為而家份卷都已經好難做嫁喇。
[PR]

by agostinho | 2007-11-23 21:21

路牌

今日唔知做咩咁,本身有中文測驗,不過就無咩溫過。返到學就見人地(同學)好努力咁溫,所以我又執起本書去溫。無奈既係靚又平唔返改上英文,無奈是也。

今日都無咩好做,所以就製作左d有特色既野;原本想試繪製一下香港路牌既,不過又唔知做咩街名好,所以整最後都係去整澳門路牌。澳門既路牌有兩種,一是國家(即澳葡時期)遺留落黎既方式(三分葡文、一分中文)以及特區樣式(葡中文各自一半,而中文在上)。由於特區樣式無左戈份獨特同埋會失去中文既文字書寫方式,所以最後就去彷製左國家遺留落黎既樣式喇。

最初都唔知點入手好,因為澳門路牌係由石屎同磚造成,所以有凹凸既感覺。可是在平面設計以我不太精於設計的如何是好呢?最後都能夠找出一個方法去解決。到個模樣整好之後,覺得自己既平面設計勁左小小,因為平面設計之下會有3D效果,都算勁嫁喇。
[PR]

by agostinho | 2007-11-22 22:09

沉想

其實,今日係沉思既日子,只係因為無野去做。想一想,我究竟響今年做過咩呢?有咩值得讚下自己既呢?有咩要話下自己呢?結果係都有幾多下,不過開心既野多過唔好既野,可是是否有些會忙記了?
[PR]

by agostinho | 2007-11-21 22:36

《預科堂記》之改邪歸正?

自從上次余X龍大戰Miss鐘之後就無聽過余X龍既聲音喇,班房都平靜左好多,取而代之既就係不同的女仔和男仔聲。無聽過一排余X龍把聲一把就好似唔習慣,因為無左好多既大小風波出現。

不過我所想並非如此,同香港個friend講完電話返入課室之後就見到余X龍坐左響前面,仲要最前,真係想不到為何。之後就好似以前咁大大聲講野,又串咀。唉,非學生上堂是也。

上英文堂喇,我想會係「戲玉」,誰知Miss鐘同余X龍都相敬如賓,以禮相待。其實咁就最好不過嫁喇,因為咩事都響和平既方式去進行就最好不過嫁喇。希望餘下幾個月既預科生涯會平平無奇咁順利畢業喇。

另外我想同各位投訴一下既就係日日都高過15人次黎尼度睇發生過咩事,但係唔知點解一個留言都無囉。尼個情況真係好無奈,俾小小freeback我都好丫,好嘛?如果真係唔識點留言就睇下1月1號監個post又或者問我點留啦,好嘛?
[PR]

by agostinho | 2007-11-20 23:02