<   2007年 10月 ( 30 )   > この月の画像一覧

萬聖萬聖 Trick-or-treat

今日係萬聖節,我想問下大家,trick or treat呢?其實萬聖節係一個普通的節慶,唔好玩到過份就好喇,要適可而止。

迪迪尼同海馬公園同e-max等等都有搞有關萬聖節既活動,作為商業效益之餘又可以谷下人氣、宣傳等等。萬聖節既真正意義已經被推翻左喇。

今日響阿濕暈方面,香港進帳左4金1銀1銅,4面金都黎自短池50米。而施幸如尼個女飛魚就打破左3項大會兼亞洲紀錄,真係勁!香港,努力呀!響獎牌榜方面,由尋日既第8升到第3位,好野!而澳門就依然排第10。

今晚有啦啦落雨,搞到我無準備。濕曬,真係「濕」喇,哈哈,阿濕暈無改錯名,因為響阿濕暈期間我真係又濕過,又暈過,真靈呵。之後同Terry U煲粥,一煲就煲一個鐘,好內。佢部腦好有問題,明晚黎幫你睇睇咩事啦。之後又講下見工既野。唉,見工、見工!我真係唔知做咩好囉。有無人介紹份工俾我呢?

上網戈陣,有個叫Peter既人煩著我,成日要相、要我名,玩我咁。我話知你!之後打日記戈陣見到Steven留言話約我,不過約還約,你知你自己幾忙下嫁喇,我地無見個幾月喇。唉。約會……主要係你free,我通常都得嫁喇。
[PR]

by agostinho | 2007-10-31 04:15

巴西獨贏

講下阿濕暈先。今日響個獎牌榜,CHN以30金大大遠離排第二既THA。毫無意外之下,CHN一定會係今次既金牌大軍喇。相反,上屆第二有24金既KAZ而家排緊第9,只得一銀,係唔係大敗左d呢?

尋日「封廟」既媽閣廟今日重開返,不過由值理會去管,無奈囉。仲話會響一個禮拜之內請法師黎,咁點解又唔叫返原本戈個呢?一場無聊的把戲正在公演中……

「Brasil 2014: presidente Ricardo Teixeira diz que escolha unânime da FIFA contemplou projeto da Nação brasileira!」今晚,FIFA公布,BRA(巴西)取得2014年世界杯既主辦權。不過,FIFA主席白禮達話2018年世界杯主辦權將唔會繼續由五大洲輪辦,以及好似申辦2014年世界杯主辦權咁得一個國家申辦。其實「五大洲輪辦」尼個構思由白禮達提出,而家又收返,咁你話尼d係唔係叫自相矛盾呢?【報道
[PR]

by agostinho | 2007-10-30 04:17

暈了暈了

今日下午響屋企無啦啦暈左。之後aunt loretta上黎知道我暈左就送左我去山頂醫院。醫院report話我葡萄糖偏低,所以暈左。無啦啦又會「葡萄糖偏低」既?真係唔知咩事喇。

今日係東亞運既兩週年紀念,唔知大家會唔會記得呢?

回想2005年既今日,我響澳門大球場走來走去,仲可以第一次入到去主禮台既主包箱,見到好多好多政商界名人……回首、回憶永存我的腦海之中。


響澳門,媽閣廟竟然「封廟」!「封廟」係因為媽閣廟既管理問題,今次係和尚對值理會。對於我黎講,我完全唔知佛教既野,但我覺得媽閣廟既然係廟,就應該好自然地由和尚黎管理嫁喇。我舉得例,一座天主教教堂如果由和尚打理,你會唔會覺得好怪呢?根據報道,又話打又趕人……搞咩呢?點解唔可以和平地坐低去講,而要動武呢?
[PR]

by agostinho | 2007-10-29 03:53

第三個仔既第三日

訓之前同Terry U傾MSN講心事,好多謝你尼個fd做我既listener呀;之後Carr同我講會去Venetian Macau睇Bejoyce既演唱會,話到時會黎找下我(唔知會唔會呢?);最後同Gaius阿哥傾MSN,大家講下自己既近況,佢響KT度返工,都好遠下囉。

今日係第三個仔既賽事第三日喇!中國無啦啦又多左成10個金,無奈囉,咁你叫人地(KOR、JPN)點同你爭呢?莫非你真係咁勁咩?我覺得係Umpires俾面囉。

Gerry,生日快樂!
[PR]

by agostinho | 2007-10-28 22:03

第一,第一!

【阿濕暈私人特別報道】澳門既關淑梅奪運動會首金(第一金),而香港之後好努力,奪左兩個金,名列榜首。不過,香港響榜首尼個位都有8個鐘頭咁內,1930開始就由榜首下降至第二日(今日)賽事結束既第四位。香港,努力呀!

今日一起身就好開心,因為香港奪左個金!希望可以打破上屆響bangkok阿濕暈既成績啦!

下午就睇live,雖然幾boring,不過都ok啦。之後睇體育舞蹈戈,阿媽就話d舞3好靚。當然啦,比賽播~ 不過我睇好既KAZ(哈薩克)既選手,但無奈地只得第4、第5,而CHN(中華人民共和國)就包辦左5個金,JPN(日本)有1個金;好angry囉,中國都唔知有無做手腳去錢銀交易下d Umpires(判員),因為CHN既選手無論響戰衣、跳舞都真係好差下。
[PR]

by agostinho | 2007-10-27 22:44

阿濕暈,我等左你5年喇

今晚,「阿濕暈」開幕響大球場喇!我等左你5年喇!

「阿濕暈」開幕特邀表演嘉賓有飛輪海容祖兒

以下係有關「阿濕暈」既節目:
Oct 26 19:30 2007年第二屆亞洲室內運動會開幕式【澳門電視台(TDM)】
Oct 26 19:55 2007年第二屆亞洲室內運動會開幕式【CCTV5】
Oct 27 18:30 2007年第二屆亞洲室內運動會體育舞蹈【CCTV5】
Oct 28 18:35 2007年第二屆亞洲室內運動會8球1/4决赛

=====
5年喇!等左5年!由2002到2007足足5年,我地既「第三個仔」終於響澳門運動場出世喇!OC好好睇,不過好似無咩位坐(封左3,000座位)

由於無人陪,唯有一個人去睇,其實都好boring下,就act左係來自香港既人出現。雖然今次幫組委做好少野,不過都算啦。

開幕式既圖不日上載!
[PR]

by agostinho | 2007-10-26 04:30

籌組準備

今日除左返學之外,成日都搞「澳門維基媒體協會」既籌組建議書的草擬工作。相信尼幾日都搞尼本白皮書嫁喇。
[PR]

by agostinho | 2007-10-23 22:34

成年生日之聚

訓之前例牌會講下MSN喇,不過見到好少見既Five,死人頭成0330先上,之後互講近況,大家都一切安好。之後就講到生日,佢話今年可能會唔搞,問我搞唔搞,其實都無咩心機搞嫁喇,不過12月就真真正正大個仔成年喇,所以會搞既。我擔心開既出席人數問題,佢就拍曬心口叫我放心,仲話會幫我「叫馬」同揀番隻好馬;哈哈,多謝Five你尼個對我咁好既朋友呀,仲話一定會做人情俾我(當然啦,我地交換禮物既)。

之後見到阿烈神咁早唔夠0400就起左身,我知你由堅尼地葵興返學好遠下,不過你平時都過0500先起啦,今日又會無啦啦咁早既?

起身之後,因為尋晚無儲定d水,所以今日無水用(水公司響樓下維修水管)。無水用真係好煩,之後走落去對面樓既水車get水,煩死之餘又重……

之後返學,返到學校仲想繼續去訓,作反你咩?之後劉大姐話:「休息一陣,想訓的去訓5分鐘喇!」嘩!我唔訓得戈陣你叫人去訓,玩我咩?

仲有3日,佢黎到澳門喇!兩年無見既朋友到喇!
[PR]

by agostinho | 2007-10-22 05:30

唔舒服

今日好咁舒服,包括眼、鼻……響警鐘呢?哈,冬天呀冬天,你遲d先黎得嘛?

今日都無咩野做咁,聊下聊下咁。之後pack下d野就咁又一日喇。一連三日既假期就咁飛曬。
[PR]

by agostinho | 2007-10-21 21:42

維基大同

今日到澳門科大度由香港維基媒體協會(簡稱香港維基)主辦既秋聚。我因為有事而遲左,遲到1330先到澳門科大,幸好的是會議先開始,但幫唔到手做準備就要向有關人士致歉。

各與會人士各自在澳門科大裡面既既紅點(Red Spot)餐廳集合並共進午餐,我叫既set lunch都好好味呀;餐後在澳門科大門牌合照,然後走到澳門科大既C504進行「粵港澳高峰會」,第一次響澳門科大「上堂」,又係扮做大學生。

響「高峰會」度有好多個討論議題,包括採訪問題、各地互補合作、籌備成立澳門維基協會 、關注中華人民共和國封鎖維基事件以及相關推廣工作。【詳見:聚會記錄及議題

響高峰會度講到口水都乾,不過個個都有心成立澳門既分部協會都ok丫;另外多謝CT(澳門科大教師、今次高峰會既場地提供者)咁睇得起我,叫我同pan浩同埋9old9搞好去;而澳門維基既成立將會係繼聖若瑟皇國既另一個組織。

會議之後去龍環葡韻大合照;走到龍環葡韻先記得「葡韻嘉年華」今日先開幕,找日玩玩先。合照後就走人,雞飛狗走,哈哈。

之後坐巴去返屋企,響搭巴士既途中,有個運動員響澳門大球場上車好熟面口,大家都互望左幾次,究竟係唔係識既呢?

晚刻同Steven MSN,佢話佢對腳好痛,搞咩呀你?注意身子呀!
[PR]

by agostinho | 2007-10-20 23:15