<   2007年 09月 ( 30 )   > この月の画像一覧

Samsung奧運火炬手準候選人

各位朋友,今日我有一個重要的消息要告知各位。尋日,我收到Samsung既電話,叫我去參加Samsung奧運火炬手面試既選拔,即係話,我已經成功進入左尼個選拔活動既第二大關。

下午,我到星際酒店邊行面試,面試之前,我拍左一輯既自我介紹以及日後響網上的官方照。在自我介紹的片段之中,我總共NG左5次,對於我第三次面對鏡頭(如果以得我自己一個面對鏡頭的話,我就係第一次),已經算是「OK喇」。不過如果真的有機會,大家睇下個片段丫,我既「職業病」又發作,好似報道新聞咁、又做伍晃榮、又做歷史教師咁;唉,其實算失敗。之後影官方照就算係咁啦。

之後入去面試,面試官有5位,包括澳門奧林匹克委員會主席籃鏵纓 (Eddie LAAM)、澳門立法會議員崔世平、澳門大學副校長、Samsung代表以及JCI代表。

面試開始由Eddie LAAM做開場白,然後叫我做個自我介紹;之後提問問題,面試大概10分鐘左右。自我介紹之中,我只得分半鐘既關係,對於我黎講係好少時間;唉,一定失分啦。之後既提問我覺得都答得幾好,不過由澳大副校長問:「點解你既國籍係寫葡萄牙?」同埋崔世平議員所問既:「你覺得你點樣可以發揮到奧林匹克的精神?」就死曬。

不過Samsung代表定還是JCI代表(因為我唔記得,也無多餘時間去睇真個名牌)就讚賞我可以用「火苗」來代表聖火,因此佢問:「點解用火苗這個名詞同埋有咩意義?」由於尼個「火苗」形容詞我響自我介紹的文章中用咩代表火炬中的聖火,所以我有想過尼個問題,所以好輕鬆地答出以及道明意義。

最後,響Eddie LAAM既最後結語之後,代表左我既面試都完結了。希望可以踏入第三關——網上公投喇。

根據選拔程序,Samsung會響10月3號公布候選人嫁喇,而當日1300響銅記世貿中心會有個拉票宣傳發布會,到時就會知道我會唔會入選嫁喇。如果成功入選的話,請各位投下你既神聖一票,多謝。

在Samsung奧運火炬手選拔的一百字兒自我介紹:
世人眼光在二零零八年必集於北京。在這之前,會跟著一束火光在地球上走,那就是聖火。聖火將會傳遞到澳門,而本人也希望有幸把火炬上的火苗永遠在澳門燃點。雖然澳門仍非奧林匹克成員,但我深信這火苗會帶領澳門踏入奧林匹克這個大家庭的。

Samsung奧運火炬手(港澳區)選拔活動官方網頁:http://www.samsung.com/hk/otr
[PR]

by agostinho | 2007-09-30 21:40

演出成功

今晚去永樂戲院睇我阿媽既演出。

由於是晚無咩特別,因為是日日記不詳記錄。
[PR]

by agostinho | 2007-09-29 23:09

幸運之神

今日覺得幸運之神幫緊我。所以今日過得特別開心。

今日既我如常中午先起身。今日既數學測驗就應該可以有70分既,因為我唔識做一題,之外仲有一題靠「做數」而得出黎既。地理堂戈陣,蓮姐講書真係好舒服嫁,聲音中等,無高無低,好似唱歌咁…搞到我又釣魚中。

踏入2300,佢(我心愛既人)放工,於是又講左5分鐘到。雖然係尼少少既5分鐘,但對於我黎講5分鐘都可以好內嫁喇,因為我珍惜每次講電話既機會。能夠去愛你是我既幸福,而你也愛我更是真的稱得上是緣份。
[PR]

by agostinho | 2007-09-28 23:09

用心良苦的教師

中秋既兩日大假就咁玩完喇!尋晚同Steven講電話戈陣,佢話:「個中秋就咁過左lu。」佢係想講咩意思呢?唉,你想講就唔好轉大圈啦,因為我中文水平都唔好既。

之後同阿輝(HKG)講野,哈哈,佢玩我囉,成日話我唔理佢。唉,對唔住呀,你知啦,我地身在異地之外,我同你既上網時間都唔同,所以都好難怪我呀下?哈哈,點都好,你永遠是我的朋友嘛,唔好咁擔心啦。之後同Gerry講,哈哈,好內無講啦,都有成個月囉。近來點呀?哈哈。

今日返學,又小測英文,期間發生左個小小野,就係Miss Chong VS 劉x志同學。事關劉同學唔識做份英文卷,所以放棄左(無做);Miss Chong行行下,行到去佢度就話:「你做咩唔做呀?」劉x志回答:「我英文好差,所以……」「你知唔知你咁唔得嫁?死左英文既話你會白費成年嫁?死英文一科都會唔畢得業嫁?……」看來Miss Chong scold佢唔去試下,但係想心一層,Miss Chong係想劉x志同學唔好浪費時間,因為我記得Mr Samson講過一年既Oppotunity cost(機會成本)係好大嫁。尼個事件之中,我深信Miss Chong係個好教師黎既。
[PR]

by agostinho | 2007-09-27 02:47

中秋的翌日


中秋節過去了,今日就迎來了亞室運仲有30日既大倒數日子。今日響南灣度傳聖火,當然我無份去傳啦,不過我好想去問下組委會事前無徵過人去傳聖火呢?真係共產化左。

下午就為左慶祝尼個日記網啟用半週年,所以搞左好多圖,新既圖將會響9月30號面世嫁喇,請等等啦。

晚刻又訓覺覺豬,訓醒就打俾我至愛既人,講左5分鐘到啦。之後去bath,點知Arvil上左黎,同佢玩左陣先去bath。
[PR]

by agostinho | 2007-09-26 23:34

想和團圓的在那?

今日係中秋節,尋日上「靚又平」戈堂已經係中秋喇,因為「靚又平」同我地一齊去玩猜燈謎。以下係幾個特別既謎面:
1 弄璋之喜(一字)
2 弄瓦之喜(一字)
3 便秘的後果(人名)
4 太陽下山(城市)
5 肚痛的原因(人名)
6 揚帆出海(城市)
7 舉頭望名月 (首都)
8 枯泉(一字)
9 視而不見(一字)
10 有他為天,無他為大(一字)
答案:
1 甥  2 姓   3 史太林  4 西藏  5 史太龍
6 上海  7 仰光  8 白    9 示   10 一
中國人有句中秋名言:「中秋佳節,人月兩團圓。」對於我,今年真的是兩團圓。不,是三團圓才對的。一是家庭,以及我既張氏;二是我自己的阿哥、細佬以及一群仔仔女女;三就係唯一的,而又無他人可以取代的,那就是我戀上的人。三個之中,我最想同最後戈個一齊慶祝的,但因為佢唔知我今日都放假同埋佢屋企要佢返屋企食飯,所以最終今晚都是一面無緣。

中秋節對於我黎講唔係咩大節日,因為我根本唔係中國人(2004年才知道我既身世,祖籍葡萄牙),不過由於融合響香港同澳門既生活,我都被中秋節而中國化左。歸根到底,我既重大節日有新年(元旦)、326領洗紀念日、復活節、葡萄牙國慶以及我既生日。而中秋節就次級重要左,其中一個原因可能就係有假放啦。講開有假放,今年就真係特別左d,因為今年連中秋節放正日同埋翌日,真係好難有咁好既「福利」。

講返今朝訓之前先,Keith同我講有關我既card片問題,多謝你先。

今晚雖然陪唔到同佢一齊過中秋尼個佳節,但係只要有心既話,無論身在何地都可以感到佳音的,不過當然最好係一齊過啦。由今日凌晨開始,已經開始接到相關既祝福,除左香港同澳門既,仲有澳洲、英國同埋加拿大。

另外,已經移左民去加拿大既Spencer突然話會響尼幾日之內會打電話俾我,唔知咩事要用電話讀咁嚴重呢?期待中,因為好想知道咩事。

到左晚刻,Steven打黎俾我又打唔到,後來講MSN又壞;之後佢黎俾我,講唔夠一句我就知出事,因為我直覺話我知佢既心情指數大瀉!唉,唔好咁啦,我都唔想嫁嘛,請原諒我吧。

最後,響度同你講聲
◢████◣     ◢████◣
◢◤    ◥◣    ◢◤    ◥◣
◤      ◥◣  ◢◤      █
▎  ◢█◣  ◥◣◢◤   ◢█  █
◣ ◢◤ ◥◣       ◢◣◥◣◢◤
◥█◤ ◢◤         ◥◣
█ ●       ● █
█ 〃   ▄   〃 █
◥◣   ╚╩╝   ◢◤
◥█▅▃▃ ▃▃▅█◤
◢◤   ◥◣ 
█中秋節快樂█ 
◢◤▕   ▎◥◣
▕▃◣◢▅▅▅◣◢▃

[PR]

by agostinho | 2007-09-25 02:29

忙了、忘了

到今朝0600我訓戈陣,我仲聽到商業電台第二台既新聞話:「天文台目前仍然發出一號戒備信號…」誰不知當我在中午醒來的時候已經取消曬所有風暴信號。都話左會打唔成嫁喇。不過今次熱帶風暴「三藩市」(即范斯高 ,Francisco)黎得怪,走得都怪,因為好少可響一號戒備信號會咁大風、落咁大雨下,天氣真係反常喇!各位朋友,請珍惜我地既地球呀。

下午繼續做埋d數學既practise題目,初頭全部做錯曬,好在後來自己發理唔對路,睇番d notes後就重新做過曬。返到學校都係係咁做數ja,無咩特別。總共有32題可以做,我當然怕唔識,所以迫自己一定做做曬。最後,第14題同第17題點都做唔到,後來要「自由人」出手。唉!我一定做唔到啦,因為d自由字寫左個平方響上面戈行,我俾你玩死喇!

放學之後好不自主地打去俾steven去訴苦;「尼個電話暫時未能接通……」唉自己食得蝦多,所以做左隻大頭蝦,唔記得左佢唔響澳門。之後就「吹」3澳門搞成點,無奈既係:「……我地已經check緊嫁喇……」唉,係就好,因為我唔想又俾人話我個電話問題。
[PR]

by agostinho | 2007-09-24 19:10

預左打唔成既風

響0240,當時睇緊《魔剎》,突然之間見到無線彈出左個icon,原來係天文台發出左一號戒備信號,之後就上天文台官網一睇之後就好失望,因為打唔正,「佢」會去海南。

之後MSN、打SMS去發布尼個風暴消息,原本以為全部都訓曬嫁,點知都有好幾個回我、打電話俾我問係唔係玩野。不過都好在有人信我,多謝Jay (SW)、大阿哥等等既信任。期間,Jay一收到我既「風暴消息」就話我:「哈哈,你又做天文台喇!」阿阜大概響0500去完TST返到佢既老家,之後收到我既風暴消息,佢就話:「怪不得剛才又大風又大雨喇。」

中午起身去Hotel Emperor飲茶,佢全新既格局,不過個個female waiter個化妝都好似埃及妖后咁跨張。飲茶期間,Steven打黎,佢話佢病左。唉,小心d啦你,佢(鐘意你戈個)會擔心你嫁。

下午開始好呵、作嘔,好辛苦下,所以又要去訓幾覺。到左晚刻先好番好多。唉,搞咩呀你?
[PR]

by agostinho | 2007-09-23 21:29

病了

今日終於病了,好左我有「打底」,哈哈!多謝裨之保祐。

晚刻無無聊聊,所以搞左個新葡京。新葡京落在我的屋企喇!
[PR]

by agostinho | 2007-09-22 20:58

聖火


今日,adidas成為倫敦奧運官方贊助商,其實都係品牌效應既結果。即係話Nike又死左!

今日做左個決定,我決定唔會參加2007年亞洲室內運動會既火炬手!理由是佢既要求好白痴下(引文既紅字)。
參加者必須持有澳門永久居民身份證,無犯罪紀錄;身體健康、狀況良好,無畏高症、近視眼、心臟病及高血壓等病症;年齡在十八至廿五歲之間(一九八二年十月廿六日至一九八九年十月廿六日); 身高在一點六五米至一點七五米間,體重七十公斤以下;具備優秀的身體協調能力及良好的精神狀態;如條件相若,則以滑板、沖浪、滑輪及街舞運動員優先考慮
收到報名表後,主辦單位將於九月廿九日對通過初步甄選的參加者進行面試及體能測試,翌日公佈三位被選出的候選人,他們將於十月一日送往北京接受為期五日的高空及形態動作培訓,然後從中選出一位作為開幕式燃點主火炬塔的火炬手。

講開聖火,國際奧委會宣布北京奧運聖火將唔會經過台北市,因為北京奧組委以及中華台北奧委會達唔成協議。其實係邊個講既野先係真就真係要「各自表述」好d喇,因為佢地一路都鐘意用「各自表述」尼個方法既。

今日又病病地,不過最後都無咩野。一切都係多謝天主保祐。
[PR]

by agostinho | 2007-09-21 04:07