人気ブログランキング | 話題のタグを見る

Gold Medals Day

今日「趕5場」,真係好勁下囉。由早到晚都用盡生日既一刻…真係不愧今日既時光。

今日遲左15分鐘起身,搞到趕一趕咁趕過去西區公園體育館…去到剛好,不過係好彩我既「金牌直擊」未出賽,不過過多2分鐘就無得睇。一如我所料,澳門隊既賈瑞成功為澳門奪金,也是「成功」得到第二屆既東亞運金牌,希望賈瑞尼個澳門武術隊既「大師兄」可以響下屆既天津奪多個佢自己既第三屆東亞運獎牌啦。

睇完賈瑞奪金過程後,跟著去東亞運「主場」將軍澳運動場睇「中國欄王」劉翔奪金過程;好多、好好多!好多記者!粗粗地計數都有100人,當中「基仔」古巨基都「化身」為體育記者。一如大家所料,劉翔奪金!記者會上個個都問劉翔幾時會退下來,而劉翔就表示會響2012年賽埋倫敦奧運之後就退役,意味著劉翔唔會參加天津東亞運。

睇完劉翔就去九龍公園游泳館睇跳水。女子跳一米板真係好悶,而且又要係「新秀式」既細路女跳水,搞到我都要訓下補補精神既最好時機。到男子雙人十米高台跳就醒曬了,哈哈。始終高台先好睇好多既,一米,真係唔知跳出個咩囉;也怪不得賽會要咁安排啦。題外話個個記者響傳媒室度個個係咁講點解跳水既泳褲會好似去曬沙灘咁多花樣同埋如果郭晶晶後日得獎,咁霍大公子會唔會做頒獎嘉賓呢?

響九公睇完跳水就過CWB同Christian響翠華食野,跟著我就「創造傳奇一刻」了。

by agostinho | 2009-12-11 23:36

<< The Legend Bday... The Legend HKEAG >>