人気ブログランキング | 話題のタグを見る

Comments

今日睇多次《亞洲星光大道》;所有評價如下:

讀中三、只得15歲既何詠森把女聲都叫得,但無咩台風啦,而且化妝唔算得囉,係一個好普通既「產物」;另一方面,雖然肥媽講出佢有經驗,但響動作方面好生硬而顯得唔自然,而且無法投入到感情,而且會突然大眼,好恐怖!覺得唔應該有64分咁多。懂得創作既羅力威全部都可以講係周杰倫既翻版之外仲目中無人性格,好差!譚杏藍選唱周杰倫既歌都叫做喜出望外,因為我覺得尼首歌要雄厚一點先好聽好多,而最敗筆之處就真係唔算得啦,因為識唱歌既人一定會識點「運氣」,但譚杏藍就好明顯唔識「運氣」,唱到要反肚同彎低身,好似K房唱K咁,所以我一定out佢。讀香港演藝既唐曉楓以表現黎講,就無咩台風,而且仲要雙手hold mic,真係要用「差到爆炸」;而且參賽者係好似叫歌咁,好似人地響K房唔開心唔叫歌出黎。另一方面,肥媽講得佢無錯既就係佢選錯曬,如果佢選陳奕迅既《愛是懷疑》就真係好正。

唯一來自澳門,而我也曾經認識的參賽人,是澳門以及里斯本葡語系運動會主題曲既原唱歌手German古卓文唱出《熱情的沙漠》;台風同唱功就唔駛講都得啦…但面部表情就真係好緊同生硬小小、選錯歌(歌風同個人性格唔算融合)之外,最後舞步部分就真係同音樂唔可以一齊收就成為主要敗筆之處,但總體都叫過得去。做CS主任既Hinson黃文韜尼個名好熟;佢無論響選歌(《飛花》)、台風、眼神、情感、打扮、唱功、運氣等等可以講係一流!可以話係全晚最好既一個;因為佢把聲真係好靚、好罕有。而同黃文韜「有得揮」既只有張智業,不過舞步可以狂野d就仲好,只可惜被OUT左。

讀中七既蔡梓銘好明顯就選錯歌,因為《小城大事》尼首歌用男聲唱真係好高難道,而我自己都用左不少時間先可以唱到個情感出黎;而參賽既讙唱錯key,雖然唱錯詞,但都算唱得幾好,有小小同情分。但可以肯定既係把聲真係好好,因為聽《菊花台》真係唱得好好,而且假音好得。來自張敬軒成長地方——廣州既駱嘉彬選左張敬軒既《笑忘書》都叫做唱得唔算差,但打扮、台風就真係好差了,不過假音都好得,而且可以唱出個情感出黎。

by agostinho | 2009-07-20 20:47

<< Bloggings Singing TV show... >>