人気ブログランキング | 話題のタグを見る

The typhoon day of Typhoon Molave

今日,可以講係今年既第一個「追風日」;由起身開始就開始係咁mon著有關莫拉菲既消息,睇著莫拉菲係咁一步又一步咁迫近港澳地區;根據柯士甸颱風警報系統於1300發出左三號強風信號;三號強風信號期間,其實天色開始暗左起來,而降雨也開始有「打八號」既情況,即證明左暴風中心已經到左、「剎到黎」了。

及後因為莫拉菲增強中心風力至每小時120公里而開始密切留意;早在1950,我就宣布會響2130發出今年第一個八號西南烈風或暴風信號,及後香港天文台也於2330「跟著」發出同一信號,此時有朋友向我表示「真係勁」,也多謝我為佢地「提早預警」,但我就覺得,我都係根據資料而出決定,並唔係為左「彩數」;香港一發八號西南烈風或暴風信號;我既MSN就開始係咁閃下閃下,有人問我會發出到幾點,有人問我明日同後日既天氣會點,也有人問我澳門會幾時「掛波」,也有人問我點解唔講澳門既野而只講香港既野…

0115,根據自動警報系統向我發出左達到發出九號烈風或暴風增強信號既標準,而我就隨好急咁睇下達咁達標,並在MSN打出左「注意!香港部分地區已經達到九號!」既信息後,MSN又開始另一次勁閃;0125就因為合符發出九號烈風或暴風增強信號既標準而發出左警告;5分鐘後,香港天文台繼去年後也發出今年首個九號烈風或暴風增強信號。跟著既翡翠台既《風暴消息》就由潘蔚林響TST海港城前面既五旗桿前面做扒;好大風!大風到吹得到潘蔚林,無線新聞唔係真係事事旦旦咁報新聞嫁,而且要重申的是記者只是一份工,唔好將所有野都話曬響記者身上。

0200,由於莫拉菲既中心風力已經達到每小時140公里,而距離香港也只會有40公里之近,加上資料顯示出有6個監測點既陣風達到颶風程度,所以就響0230發出左十號颶風信號;而我尼個「十號颶風信號」既定義是要達到部分地區既陣風達到颶風同暴風中心非常接近而發出,所以有好多人都因此而「誤會」了;但其實我已經在「柯士甸風暴消息」清楚寫明左不代表香港天文台既立場,唉,d人真係睇d唔睇d。同一時刻,屋企全部收唔到電視信號(不論是數碼定模擬),點知有模擬睇戈陣雪花幾重!真係一個好既莫拉菲!

0410,由於莫拉菲開始遠離香港,以及有減弱既情況(中心風力達到每小時120公里),所以改發出八號西南烈風或暴風信號。打打下風就都打左個小鵬出黎,佢係阿Lin介紹我識既新細佬,而小鵬就認我做阿哥;真係好開心,因為一個莫拉菲送左個小鵬俾我做佢阿哥,也要多謝阿Lin哥。

而由於莫拉菲響登陸後弱得好快(中心風力達到每小時100公里),所以就響0530就改發出三號強風信號。同時間就一路勁多雪花既Justin演唱會,個演唱會都叫得既,不過好多雪花囉。咩天線公司黎嫁?當年(1999年)香港同澳門都掛曬十號颶風信號,條天線都靚到爆炸,而家澳門只掛三號姐,都出事?唯有要講既係一句就是澳門就是與別不同。

by agostinho | 2009-07-18 23:55

<< Singing TV show... A day for stevens >>