人気ブログランキング | 話題のタグを見る

Vacation 2009 - Day 6 - Dia de Irmao Christian

一大清早既0900左右,Lawrence又打黎酒店房做人肉morning call(由始至終我無要用尼個服務嫁),不過我都無聽,及後就搞左震機,免得我訓唔返。大概1130,阿哥Christian打黎俾我,響電話度好開心咁同我「報喜」;佢話我知頭先睇左醫生,醫生話佢「生蛇(帶狀皰疹 Herpes Zoster)」已經好緊,太好了!尼個雖然是我今次返香港唯一既「喜訊」,但尼一個「喜訊」都已經令我高興億分了。

跟著Christian開心到過左黎我酒店房…而響Christian過黎我酒店之前就影房間既野…畢竟都入住左5晚,算是緣份吧。講番間酒店,Front Desk就響一樓有小小怪,但香港地方少就唔覺得係一個問題,但就增加左「爭lip」既機會。HSKP就做得幾好,但「拍門」唔講HSKP就真係唔得、唔可以原諒(搞到客親我同Kyle)。其他就無咩特別,都叫做得好好,不過床單3日先換一次就真係唔算得。大概1145,Christian黎到酒店房找我…講真,真係好開心響最後一日都可以見到Christian,特別開心的是因為跟著就響酒店外影Nathan Rd;因為Nathan Rd對於我自己黎講係一條好有意思既路黎嫁(我既阿哥細佬同早好朋友先知點解會咁有意思)。大概1310,睇左無線報小小新聞就C/O了…

我地兩兄弟好內好內無一齊出街了,不過我知Christian既energy指數會用得比平時用得仲快,所以不時會睇下佢點,希望佢得到一個應該要有既休息。不過,Christian就因為我好難得返黎而陪到我盡曬。你話丫,我有無識錯尼個阿哥丫?尼d阿哥真是幾生修到既「結果」、死而無憾了。我地響MK行街、食左我地既Lunch,之後又去buy咸口同甜野黎食。

大概1600就過左灣仔響會展找Felix,因為會展做緊個Fashion Week,而Fashion Week只可以得參展商同buyer先可以入場,但我因為讀會展既,所以想「體會」下而向Felix借左2個AD card(即係pass)入場。由於Christian之前響會展做過,所以佢就做左我既「鴨仔隊長」帶我行了;加埋Christian同我一路講既野…令我覺得搞一個event真係難上難既野,而我自己會否選錯科黎讀呢?我希望我唔會選錯了。過完會展之後,由於時間仲早,我地兩兄弟就返MK食個糖水,好搞笑的是我戈個搞錯左而等到Christian食完先黎,最後搞到Christian叫多個黎食。食完糖水,行左陣MK,Christian就返MOS了,而我就返酒店get番行李去中港城坐新渡輪;響行行下廣東道期間,無意中發現一家賣手表既鋪頭上既「yama」四個白色既字吸引左我,心裡面覺得也媽永遠是陪著我既,一切都在心中。

返到澳門之後,唔知點解永遠都是覺得澳門勁熱過香港好多,行戈小小路都會出汗既。另一方面,澳門既入境處竟然可以將澳門居民慢過香港居民入境,真係犀利!返到澳門既屋企之後就洗衫…Transfer d file同埋搞下d相…咁就搞到0300頂唔順而訓覺覺了。

by agostinho | 2009-07-06 21:56

<< Honable List fo... Vacation 2009 -... >>