人気ブログランキング | 話題のタグを見る

【奧運聖火】接過火炬!

經過尋日,今日聖火響澳門傳喇,本身約好既人一個又一個做曬飛機師,不過我都準備好同預算好過,所以唯有自已一個去追火。一個人去追火其實都幾好嫁,因為可以鐘意點就點、去邊就去邊…所以我由屋企行去大三巴,沿途一路影低個景,哈哈。

1430到左大三巴,跟著就等火,不過就越黎越多人,所以就媽定個好位黎等火。其間同幾個由珠海黎追火既人講野,哈哈。個火終於響1620弘到左大三巴,不過個火傳左鄺小英(睇返新聞先知係一個姓鄺既澳門傷殘運動員),跟著個籃衣人就將個火「了」入火種燈度,然後上車走人去下一站。唉,好失望囉,因為尼個同之前已訂出既路線圖改左。

我就去cut hair,然後去漁人碼頭等火,個火入左漁人碼頭就散水等煙花表演,不過我就去漁人碼頭個後門。有咩做?去「接」火炬囉!我響05年識既澳門女運動員張佩思,叫我去影相,跟著仲叫話扮傳個無火既火炬俾我去接棒,所以我「接左」,之後有好多人想「偷棒」,搞到我同她都驚曬。講下個火炬先,原來個火炬勁粗下,可以講唔合手型嫁,不過個物料就好好,所以會有錯覺會離手嫁。

接完火炬就去巴比倫對出海傍等睇煙花,個煙花歷時六分鐘,同之前所講既十五分鐘同埋會好似青馬大橋當年開幕既煙花表演差不多就大大有分別。睇完煙花就返行屋企,跟著就將相upload上 facebook同埋補寫尼兩日既日記。

想睇我今日影左咩?去我Facebook啦!http://www.facebook.com/album.php?aid=2002811&id=1101357371&ref=mf

by agostinho | 2008-05-03 21:20

<< 花樣少年 【奧運聖火】在香港追火 >>