舞之友 + 萬千星輝

訓之前同Ranz傾MSN,原來佢有跳開舞嫁,而且仲跳得好勁下嫁。「跳舞」尼個詞語對於我黎講唔係好生,因為我之前都跳過舞既,不過尼個時期都要追到去10年前,即係當時離開聖若瑟時代,轉入粵華時代既時期。當時都無咩好跳下咁,所以就「轉投」左排球既行列。

講番Ranz既舞先喇,佢地都係跳得好勁,都係日本舞(指日本時代流行歌曲,J-pop)。佢地跳得仲俾我地當年,尼d可能就係隨著年度既進步而有所唔同。我而家都做埋左佢既Fans啦,因為佢地真係跳得好勁好勁。有幾勁?去尼度睇下啦。

經過40幾日既投票,今晚既《萬千星輝頒獎典禮2007》就「公布」曬得獎名單,得獎名單如下:
萬千光輝演藝大獎:沈殿霞
最佳男主角:陳豪 (溏心風暴)
最佳女主角:李司棋(溏心風暴) V
最佳男配角:阮兆祥(溏心風暴)
最佳女配角:陳法拉(舞動全城)
我最喜愛的電視男角色:陳豪;唐至安(得得地)(溏心風暴)V
我最喜愛的電視女角色:關菊英 (王秀琴)(溏心風暴)
飛躍進步男藝員:崔建邦(東張西望、娛樂直播、勁歌金曲、再會歡樂今宵) V
飛躍進步女藝員:徐子珊(學警出更、舞動全城)
最佳節目主持:鄧健泓、庾澄慶(味分高下)
最佳劇集:溏心風暴V
最佳綜藝資訊節目:向世界出發
最具創意節目:味分高下
最佳宣傳片:歲月風雲 - 序幕篇
最具欣賞價值大獎:拾年

今年既萬千星輝得獎名單都好爆冷下,例如最佳男配角竟然由阮兆祥get左,因為我心目中係許紹雄(賭場風雲)嫁嘛;而最佳女配角都爆左個冷,有咩理由係法拉得獎嫁?飛躍進步女藝員就又有咩理由係徐子珊而唔係廖碧兒呢?莫非廖碧兒get左個兒歌獎(8月戈個兒歌頒禮)就算?

今年既最佳女主角景同埋飛躍進步男藝員就實至名歸喇。憑著「尼度唔係法庭,我講既野就係證據…」等等既金句而令到公仔箱前既人永不忘記長達半年,即使《歲月風雲》引起既風雲變色都敵不過大契金句!另外,憑著口技、聲音等等而主持《東張西望》、《娛樂直播》、《勁歌金曲》同埋《再會歡樂今宵》就造就左崔建邦成功進入司儀既「一級行列」,成功打造左司儀界既地位。由鄧健泓「臨時」接替因為要去玉珠峰同主持再會歡樂今宵既崔建邦就知啦,網上既討論區都要求無換走鄧健泓就知啦。就算鄧健泓叫幾多次陳志雲做「honey」都好啦,響公仔箱前既觀眾係會識野既。

最後,有「開心果」之稱既肥姐就get左個萬千星輝演藝大獎,不過尼個獎「唔係好野」,因為由2001年得獎(設立此獎項開始)既周星馳、關海山、羅蘭、胡楓、梁舜燕、夏萍、鍾景輝到今年既肥姐,有邊個係繼續響公仔箱演出嫁丫?有,得胡楓做過《再會歡樂今宵》囉。肥姐get左尼個獎,會唔會就正式代表左佢會息影呢?

另外,明日就係四年一次既區議會選舉,請各位合資格既選民去投你地既候選人一票啦。
[PR]

by agostinho | 2007-11-17 21:40

<< 公仔箱前既一級賽 《預科堂記》之車邊 >>