人気ブログランキング | 話題のタグを見る

Remembrance 9/11 + 見工

是日9/11,一個好特別既悼念日。9/11對於身在香港、澳門既我地好似無咩關係,但係大家有無想過9/11影響我地好大呢?單是油價已經升左一倍有多喇。

講下9/11當日喇,我戈陣仲響粵華時代,第二早(美國傍晚、港澳早上)新聞一出就話:「美國世貿大樓……」相信我都唔駛報道回咁多啦,因為大家都知咩事啦。我眼突突咁望住電視機,心想是不是電影片段呢?睇睇個日曆「9月12日」就知唔係玩野喇(因為4月1日愚人節戈日會有假新聞既出現,而外國好興),之後就返學。好少有地由江神父帶我地去祈禱。雖然今日係9/11六週年紀念,不過都無咩影響我既生活。

而今日既「中央9/11」相信都係Anson(陳方安生)正式宣布參選港島議席補選喇!2001年突然宣布請辭政務司司長,今日就突然宣布「回歸」政壇,其實Anson係唔係玩野既呢?Anson尼個突然「殘酷一擊」俾阿爺(中央),咁阿爺會咁會咁快俾雙普選我地呢?而且我地仲要希望2012實行tim。

今日仲去福實(0420)見工。去到福實戈陣,梁小姐等緊我了,心想:「是否我遲左到呢?」之後就做電腦機試同埋填application form。根著就入房進行interview,之後佢boss郭生interview埋我。

interview期間既問題如下:
1 你黎之前有無了解過我地公司?
2 你點解做文員而唔去casino做庄荷呢?
3 你點解會轉校呢?
4 你對於加班有咩感覺呢?
5 你覺得你會唔會做好尼份工(擺明抄阿Sir〔即曾蔭權〕嫁喇)?
6 你會唔會繼續升學?
7 你覺得人工、福利、公司背景等等咩係最重要呢?
8 你覺得讀書定工作重要呢?

答案實屬秘密而且太勁長喇,所以唔公開。不便之處,敬請原諒。

by agostinho | 2007-09-11 23:15

<< 《預科堂記》之二:夠凍 中學今起分批上堂!《預科堂記》... >>